穩定島理論

出自維基百科,自由嘅百科全書
3D渲染理論上嘅穩定島

穩定島理論核子物理中嘅一個理論推測,核子物理學家推測具有「魔數」數目嘅質子中子原子核化學元素特別穩定。假如呢個猜測係啱嘅話,咁樣特定嘅超鈾元素同位素比其它同位素要穩定,呢啲同位素嘅放射性衰變過程可能好慢。

穩定島理論最初係西柏格提出嘅。佢認為原子核中嘅核子同原子核外嘅電子一樣係分佈喺唔同嘅「殼」裏頭,實際上每個殼就係一組相近嘅量子能級。唔同殼之間嘅能量嘅差別比較大。假如一個原子核中嘅質子同中子正好填滿一個殼嘅話,咁樣每個核子之間嘅結合能就最大,因此呢個核就最穩定,呢個核比佢附近核子冇填滿或超出一個「殼」嘅同位素要穩定得多。

飽和嘅殼嘅中子同質子數稱之為「魔數」(亦叫「幻數」)。一個可能嘅中子魔數係184,可能嘅質子魔數係114、120同126,亦即係,298Fl304Ubn310Ubh可能比較穩定。呢個同位素到而家重未俾人合成。但係 Fl 嘅帶有114個質子同少過184個中子嘅同位素比元素週期表中鄰近嘅元素嘅同位素嘅衰變要慢得多。

處於穩定島嘅元素好可能依然係放射性元素,只係佢哋相對於佢附近嘅同位素「比較穩定」,雖然有人懷疑有啲同位素嘅半衰期可能大於一日或甚至更加長,但好可能佢嘅半衰期依然細過一秒,而喺目前發現嘅元素之中,289Fl嘅半衰期係30秒,285Cn嘅半衰期係11分鐘,Lv嘅半衰期有0.05秒,同附近嘅元素比起嚟係好得驚人。

參考[編輯]