空間複雜度

喺運算理論上，空間複雜度hung1 gaan1 fuk1 zaap6 dou6（英文：space complexity）係運算複雜度嘅一種，指行一段演算法要用嘅記憶體空間。

輔助

輔助空間（auxiliary space）亦都會增加一段演算法嘅空間複雜度－輔助空間泛指 input 以外嘅數據霸走嘅記憶體，即係話

段演算法總共霸走咗嘅記憶體量（空間複雜度反映嘅嘢） = input 霸走嘅記憶體量 + 輔助空間

輔助空間包括咗個程式會用到嘅非 input 常數同變數。

睇埋

• 記憶洩漏（memory leak）：指個程式攞咗啲記憶體嚟用，但用完又冇「放返開」啲記憶體，搞到個程式霸咗若干量佢唔會再用嘅記憶體，最後令到部電腦有嘅系統資源量不必要噉減少咗；具體啲講，程式嘅源碼入面成日會有類似以下噉嘅碼－

  攞 XXX 呢件資源嚟用；

  將攞到嘅資源做 YYY 噉嘅運算；

  • 好多時，用家仲有必要手動噉加行碼（delete()），話畀部電腦知「個程式用完呢嚿資源喇，嚿資源霸咗嘅記憶體可以空出嚟做第啲嘢」－尤其係喺 C 或者 C++ 等稍為低階嘅語言嘅子程序度。如果用家冇噉做，就會引致記憶洩漏，喺複雜啲嘅軟件當中會搞到隻軟件行起上嚟明顯慢咗。到咗廿一世紀初，常用嘅程式語言或者寫程式架生都會或多或少噉有垃圾回收（教電腦自動噉釋放啲「個程式打後唔再提到」嘅記憶體）或者類似嘅功能。
• 運算複雜度
• 時間複雜度
• 軟件最佳化
• 垃圾回收同垃圾