立禾治堅設計局

出自維基百科,自由嘅百科全書
跳去: 定向搵嘢
立禾治堅設計局設計嘅「金星15號」探測器

立禾治堅設計局(俄文:НПО имени С. А. Лавочкина,簡稱Ла;中文簡稱),又叫做立禾治堅研究與生產協會(ФГУП «Научно-производственное объединение им. С. А. Лавочкина»),係蘇聯/俄羅斯嘅一間飛行器設計局,亦都係蘇聯十一大飛行器設計局裡面,唯一唔係以最初創辦人個名來命名嘅設計局。

立禾治堅設計局喺1937年由飛機設計師傅拉芝米勒·П·戈祿勃諾夫(Влaдимир П Гоpбyнов)建立,編號301。後來,另一位設計師些蒙·阿歷些耶域治·立禾治堅(Семён Алексeевич Лaвочкин)被人任命為設計局總設計師,並且喺二戰期間研發出咗一系列表現出眾嘅活塞引擎戰鬥機。因此,1960年設計局重組嘅時候,就用咗立禾治堅個名,叫做「立禾治堅設計局」。二戰結束咗之後,立禾治堅設計局將研發重心轉移到導彈同噴氣式戰鬥機上面,重組之後又再轉到太空船上面。蘇聯/俄羅斯嘅月球同火星探測任務,用嘅都係立禾治堅設計局設計嘅航天器。