3D電影

出自維基百科,自由嘅百科全書
(由立體電影跳轉過來)
Jump to navigation Jump to search
一部某3D電影嘅截圖

3D電影係用兩隻眼嘅視角差距整出嘅兩個影像,之後用兩隻眼一邊一個,各都可以睇到自己一邊嘅影像,而透過視網膜就可以等大腦出個立體感嘅嘢。3D電影唔單止凈限制喺用兩隻眼嘅視角差距整出嘅兩個影像,重有埋錄影帶首映同現場廣播嘅特征。尤其喺3D電視藍光3D技術入面,都有住噉嘅技術。

發展史[編輯]

3D眼鏡嘅出現[編輯]

內文: 3D眼鏡

喺1839年,英國有位嗌查理斯衛斯通嘅爵士,就按咗「人嘅兩隻眼嘅成像都唔一樣」嘅原理,就發明咗一種立體眼鏡,畀人嘅左眼同右眼喺睇到一樣嘅相嗰陣會出唔同嘅效果。呢個就係而家3D眼鏡嘅原理。

第一部3D電影嘅誕生[編輯]

喺1922年9月27號,世界上第一部3D電影係《愛情嘅力量英文The Power of Love (film)》呢部片。嗰時係3D電影界入面,第一次搞商業行為。在1941年,米高梅又拍咗部《第三維度嘅兇手英文Third Dimensional Murder》,嗰時佢將法蘭斯坦嘅古仔放咗去3D電影入面,呢個重係嗰時俾人猛咁話好嘅其中一部3D電影。而世界上第一部3D電影就真係唔好彩,由於爆咗二戰,搞到發展3D電影嗰行就停嗮,一直到1945年8月15號之後先至慢慢噉恢復返,而部片就唔見咗喇。而早期嘅3D電影都係整啲立體效果出嚟畀人睇,而片入面成日都係攞支槍掟去觀眾嘅嘢嚟搞搞震嘅。而世界上真正嘅第一部3D電影係1952年拍嘅《非洲歷險記英文The Adventures of Captain Africa》。而呢部片係專門講非洲探險嘅嘢,而嗰時部片嘅口號係「獅子喺你隻腳度,愛人就喺你個心度」。雖然話嗰時嘅《生活英文Life (magazine)》雜誌話部片好無哩頭,但觀眾重好鍾意逼爆個電影院度睇下個片入面嘅「自然視角」效應。

3D電影瘋狂發展[編輯]

到咗1953年,由於美國出咗《恐怖蠟像館》等一系列嘅3D片,嗰時喺成個20世紀50年代嘅美國同英國,即刻入咗3D電影嘅高峰時期。而1954年嗰陣嘅出名導演都睇死啲3D電影,話佢哋凈係識得玩嘢而唔係藝術。但係希治閣就唔係噉諗,佢喺1954年拍咗部3D版嘅《電話情殺案》,就變咗嗰時3D片度比較少見嘅正嘢。而環球公司喺1954年03月05號播咗最出名嘅3D恐怖片——《黑湖妖譚英文Creature from the Black Lagoon》,而呢部片重係到而家為止,唯一一部有續集嘅3D電影。而最新嘅《黑湖妖譚》續集喺2011年已經出咗街。

到咗1982年,美國迪士尼公司又拍咗部《魔法之旅》嘅短片,雖然話部片得16分鐘咁短,但係佢用咗CGI同真人表演結合埋,整咗部嗰時搞到啲人O嗮嘴嘅3D效果。而嗰年重出埋《黑色星期五中文十三号星期五 (电影)》嘅片先至將3D電影喺20世紀80年代慢慢開始搞返出嚟。

1983年,由於3D版嘅《大白鯊第三集英文Jaws 3-D》就猛攞咗收視狂潮,呢部片播咗1個星期,就賺咗1300萬美金嘅票房。但由於嗰時嘅電影質量好差,而3D效果都好唔到邊,結果噉就搞到觀眾好快噉冇嗮興趣喇。而過咗2年(1985年),而《魔晶戰士英文Starchaser: The Legend of Orin》就變咗世界第一部3D嘅動畫長片。

中華人民共和國第一部3D電影[編輯]

而=中華人民共和國嘅第一部3D電影喺1962年由天馬電影製片廠影嘅《魔術師的奇遇》部片。後嚟又陸續出咗《歡歡笑笑》、《快樂的動物園》、《靚女阿萍》、《俠女十三妹》等呢啲噉嘅片。

21世紀嘅高速發展[編輯]

雖然話20世紀90年代嗰陣嘅3D片就比較落後下,但係一踏入21世紀,3D電影就開始高速發展喇。而最先係由《間諜小子》、《四眼天雞》、《聖誕夜驚魂》都出咗佢嘅3D版,重敲響咗3D電影嘅主流市場。先係出咗IMAX電影;跟住喺2005年由迪士尼出嘅《雞仔總動員》嘅片用咗新型投影技術嚟消嗮睇3D電影出嘅眼睛疲勞;之後出咗完全用3D攝影機影嘅真人3D片;用咗定格動畫嘅3D電影……其中講得出名啲就係2009年嘅阿凡達,佢係最出名嘅3D片,佢係電影界有史以嚟,製作規模最大、技術最先進嘅3D電影。

IMAX電影嘅誕生[編輯]

內文: IMAX

2004年,第一部IMAX 3D長片——《極地特快》出咗街。呢部片拍咗佢嘅2D版同3D版,雖然話2D版嘅要20蚊,但係3D版嘅要75蚊。而呢個所謂「75蚊」嘅3D IMAX版就攞咗佢嘅30%票房。而所謂嘅3D+IMAX嘅超強組合就畀發行隊睇出咗佢嘅商業發展潛力。

第一部真人3D電影[編輯]

喺2008年講得出名啲就係《U2 3D演唱會》嘅片,呢部片係第一部完全用3D攝影機影嘅電影,而呢個音樂紀錄片可以話成係全程真人3D電影領頭羊。

第一部用咗定格動畫嘅3D電影[編輯]

環球公司出嘅《鬼媽媽》呢部動畫片係第一部用咗定格動畫嘅3D電影,而呢部電影喺2009年已經出咗街。

原理[編輯]

因為3D電影係用咗3D技術嚟搞兩條有小小差距水準嘅電影畫面。喺映緊電影時,就將兩條影片分別裝喺左、右嘅電影放映機度。如估個畫放喺屏幕度就搞出左、右嘅雙重影。喺觀眾戴咗3D眼鏡時,其中一隻眼凈係睇到一邊嘅像,通過雙眼嘅彙聚功能搞出個三維立體嘅視覺效果而出嘅幾幅連環嘅立體畫面。

光分[編輯]

喺睇3D電影嗰陣成日都用到副眼鏡嘅,其實呢啲鏡就係對互相垂直嘅透振方向偏振片。因為喺整緊電影嗰陣用咗特殊嘅多鏡頭攝影機嚟影,而每個鏡頭分別記低咗左眼同右眼角度睇到嘅相,之後喺播緊電影嗰陣再用返雙投影機,同時將左右兩張相放喺屏幕度,跟住用埋特殊嘅偏光鏡嚟用偏光原理搞成一組影像,最後就就睇到3D電影嘅嘢,加陣大部分電影院都係有出到3D眼鏡嘅嘢。

裸眼[編輯]

而裸眼技術嘅原理係將唔同角度嘅圖,影喺唔同空間嘅位,再用左右眼分別接收唔同角度嘅圖:講得簡單啲,可以將裸眼式諗成「將3D眼鏡直接掛喺電視度」嘅嘢。不過呢種技術凈係得睇緊片嘅人喺指定位嗰時先有作用(因為張圖已經影咗喺空間入面嘅固定位),所以呢樣嘢成日用喺相機手機、或掌上型樂器等近距離嘅手提裝置。

技術[編輯]

喺3D電影入面分開咗4大技術類,而呢「4大技術類」就係光分法、色分法、時分法同埋唔眨式呢4類。

光分法[編輯]

優勢:

  1. 唔錯嘅立體效果
  2. 適合人數較多的放映場合

劣勢:

  1. 畫面有重影
  2. 限制咗睇篇嘅角度
  3. 睇得太長時間會覺得好攰,而戴偏振眼鏡都覺得唔夠舒服。
  4. 立體放映廳要使好多錢先至可以整到,重有啲影院嘅放映廳話唔夠錢而唔用金屬幕布而影響咗睇片嘅效果。
  5. 實現個人家庭影院嘅難度好大,相反成本重好高。

色分法[編輯]

優勢:

  1. 放映設備係既唔使乜要求,又唔使第尐投入。
  2. 立體眼鏡嘅價錢好平,甚至可以自己用手嚟整都得。

劣勢:

  1. 好容易出重影,畫面唔清楚。
  2. 唔夠立體效果
  3. 觀眾容易覺得癐

時分法[編輯]

優勢:

  1. 有明顯嘅立體效果,畫面唔會出現眨下眨下噉。
  2. 色彩、光度表現得重好。

劣勢:

  1. 一定要顯示器同眼鏡、顯卡一齊搭配嚟用。、
  2. 要好多錢,普及嘅難度好高。

唔眨式[編輯]

唔眨式嘅3D技術係同人實際感受到嘅立體感入面,最近同埋最自然嘅方式。就好似喺電影院入面睇到生吘吘嘅3D片噉,可以同時睇兩幅相噉分開左邊同右邊相嘅特殊薄膜黐喺3D電視嘅面同眼鏡度。

帶嚟嘅健康影響[編輯]

人喺睇緊3D電影時,大多數都係因為佢有比較犀利嘅震撼力而興奮,甚至話嗮過癮都有。雖然市場專家預測咗3D電影喺2015年——2020年入面成為市場嘅主流,但係全球範圍入面嘅3D片可以導致視力、精神問題同某啲平衡系統發生咗臨床病變。

搞到個眼好攰[編輯]

喺正常嘅情況下,眼睛嘅輻輳同調節係相互協調嘅,大腦都好輕鬆噉將呢啲嘢溝埋一齊。但係通過3D眼鏡睇到嘅嘢係分成兩邊。嗰時,眼睛就集中嗮成個屏幕入面啲嘢,同時重向屏幕搞視覺調節,而人嘅輻輳同調節嘅協調性都俾佢搞到亂嗮竉喇。如估人長時間睇3D電影,就係大腦逼佢喺唔協調嘅情況搞輻輳同調節而將信息傳到大腦度,噉就出現眼好癐、睇嘢矇查查;重有眼睛唔舒服同埋頭痛嘅嘢。

會傳播眼疾[編輯]

如估3D眼鏡嘅消毒質量唔得嘅話,會變成眼疾嘅傳染源。因為用咗冇消過毒嘅或消毒質量唔過關嘅3D眼鏡會好容易出紅眼病同其他健康隱患。例如有啲好細個嘅細路,睇咗3D電影之後會頭暈眼花,呢個可能係唔適應3D電影出嘅眼部肌肉痙攣而搞出嘅視頻終端綜合症。由於細路嘅眼球生得重未夠成熟,所以成日睇3D片好容易有深度近視。由於3D電影嘅移動速度好快,重有影院入面啲光線好暗下,甚至令到眼壓突然之間升高咗好多而搞到青光眼,最後搞到失明

會搞出光敏性癲癇[編輯]

內文: 光敏性癲癇

3D電影入面出嘅真實性效果係唔啱癲癇症嘅人去睇,因為圖入面啲嘢都可以搞到觀眾嘅眼球同心靈都好刺激,而呢種刺激就好快搞出個癲癇。

影響細路嘅視力[編輯]

因為細路嘅眼部係重未發展到成熟階段,如估俾細路用左右眼嘅唔同相嚟搞3D效果嘅嘢,會搞到隊眼嘅肌肉猛咁好緊張噉喺度運動,甚至唔停噉調節自己嘅晶狀體嚟變換焦距,會甚至威脅到眼睛嘅發育,好可能搞到有斜視弱視等。

影響心血管[編輯]

因為3D電影嘅畫面大多數都係飛下、轉下、轉畫面轉得好快、成日飆嚟飆佢嘅畫面出嚟,如估平時有畏高暈浪嘅觀眾會搞出精神緊張同心理唔舒服嘅嘢。另外,3D電影嘅音樂同畫面都好刺激,如估睇咗之後會覺得好高興,但係有心血管疾病嘅患者可能會發生血壓升高、頭暈、胸悶呢啲唔舒服嘅嘢。

睇埋[編輯]

[編輯]