竹聯幫

竹聯幫係一個起源於台灣嘅國際性幫派組織，成立於1957年，主要活動範圍係台灣北部同中國大陸。佢哋喺兩岸三地、東北亞、東南亞甚至歐美地區都有關係勢力。正式嘅核心成員大約有20,000人，加埋準成員同海內外關係合夥人，號稱高達100,000人。

竹聯幫曾經被美國《外交政策》期刊列為全球第四危險組織，仲指佢哋近年活動範圍已經由台灣擴展到東南亞，甚至美國、歐洲同澳洲，變成咗一個國際性嘅黑道幫派。

被指同竹聯幫有關嘅政治人物

• 徐國勇：台灣屢次傳出國人去東南亞打工受騙成人球，刑事局曾經發新聞稿話統促黨同竹聯幫東堂扮演黑白臉，兼具神鬼兩角色嘅幫派組織，令張安樂嬲到親自去台北地檢署按鈴控告徐國勇。張安樂當時仲公開指控徐國勇，話徐國勇當年就係靠竹聯幫幫手參選議員，「東堂起家的」。不過，徐國勇面對媒體詢問、堵訪，都唔回應呢個指控。