第12屆伊朗總統選舉

出自維基百科,自由嘅百科全書
‹ 2013 • 伊朗 • 2021
2017年5月19號
選舉類型 總統
選舉制度 單選區絕對多數制

魯哈尼溫和發展黨
投票數 23,636,652 
  
57.14%

萊希戰鬥教士聯盟
投票數 15,835,794 
  
38.28%

米爾薩利姆伊斯蘭聯盟黨
投票數 478,267 
  
1.16%

哈希米塔巴建設黨
投票數 214,441 
  
0.52%

卡利巴夫伊朗伊斯蘭進步與正義黨
投票數 棄選 

賈漢吉里建設黨
投票數 棄選 

選票分佈圖
  23,636,652   溫和發展黨
  15,835,794   戰鬥教士聯盟
  478,267   伊斯蘭聯盟黨
  214,441   建設黨


伊朗總統

第12屆伊朗總統選舉2017年5月19號舉行。

結果由伊朗官方電視台宣布,屬溫和改革派嘅魯哈尼贏出今屆總統選舉,擊敗主要對手、強硬保守派嘅萊希[1]

背景[編輯]

今屆總統選舉有四名候選人,分析普遍認為選戰係溫和改革派嘅總統魯哈尼,同強硬保守派嘅萊希兩條路線之爭[2]

制度[編輯]

今屆選舉有大約五千五百萬個伊朗選民將會選出下任總統,如果冇候選人攞到過半數票數,得票最高嘅兩人將會響一個禮拜之後嘅次輪投票再分輸贏[2]

候選人[編輯]

登記活動截止之後,憲法監護委員會將審查參選人的資格,4月27日公布候選人名單[3]

4月27號,憲法監護委員會訂出六個候選人名單,包括現任總統魯哈尼,內政部4月23號會公布最終名單[3]

魯哈尼[編輯]

魯哈尼響2013年第11屆伊朗總統選舉攞到超過五成選票贏出,當時佢嘅政綱提出,結束伊朗外交孤立同埋建造一個更自由嘅社會,今次亦報名參選爭取連任[3]。重強調伊朗應繼續走溫和發展嘅路,而唔係拒絕自我孤立[2]

萊希[編輯]

同魯哈尼響同一日登記做候選人,五十六歲嘅強硬保守派萊希得到最大保守派政治勢力伊斯蘭革命力量聯盟支持。重同最高領袖哈梅內伊關係密切,2016年重攞到哈梅內伊任命做聖地監護人,又掌管伊朗財力最雄厚嘅宗教基金會,有力團結強硬保守派。而萊希亦被視為魯哈尼最有力嘅對手,又響競選期間承諾消除貧窮、打擊腐敗,又指責魯哈尼同西方達成核協議之後對伊朗制裁重未全面解除,搞到經濟一樣冇起色、就業低迷,為魯哈尼爭取連任帶來暗湧[3][2]

艾哈邁迪內賈德[編輯]

曾經響2005到2013年做過總統嘅艾哈邁迪內賈德,冇理到最高精神領袖哈梅內伊勸告,上個禮拜突然報名參選,轟動國內外。屬強硬派嘅艾哈邁迪內賈德響以色列問題上,質疑大屠殺規模,以及加強伊朗核計劃立場,備受爭議[4]

但係伊朗國營電視台報道,前總統艾哈邁迪內賈德被憲法監護委員會取消參加呢次總統選舉資格[4]

民意調查[編輯]

大部分民意調查話,魯哈尼選情被睇高一線,但係未到過半嘅當選線[2]

而一個總部設響美國嘅民意調查機構響17號公布嘅調查結果,魯哈尼支持度有六成三,大幅領先萊希[2]

意見[編輯]

伊朗最高領袖哈梅內伊響當地時間19號朝早去投票,佢形容今場選舉好重要,呼籲選民踴躍投票[2]

結果[編輯]

今屆選舉投票相當踴躍,有超過四千萬人投票,投票率超過七成,多個票站都出現投票人龍,當局要延長投票時間[1]

分析[編輯]

選前[編輯]

上屆伊朗國會選舉,改革派同溫和保守派聯盟贏出,意味魯哈尼政府重有廣泛嘅民意基礎。分析認為今場選舉結果將會決定伊朗未來將會繼續行改革路,定係回歸返保守[2]

選後[編輯]

魯哈尼過去四年任內最大政績之一,係同死敵美國達成核協議。雖然佢對經濟問題束手無策,但唔少選民寧願支持佢,都唔想由教士出身嘅萊希當選。萊希響1988年伊朗政治犯大屠殺入面做法官,將數以千計異見人士判死刑[1]

[編輯]

  1. 1.0 1.1 1.2 (繁體中文)伊朗總統魯哈尼成功連任now新聞,2017年5月20號。
  2. 2.0 2.1 2.2 2.3 2.4 2.5 2.6 2.7 (繁體中文)伊朗總統選舉投票開始now新聞,2017年5月19號。
  3. 3.0 3.1 3.2 3.3 (繁體中文)伊朗總統魯哈尼報名參選 角逐連任香港電台,2017年4月15號。
  4. 4.0 4.1 (繁體中文)艾哈邁迪內賈德被取消參選伊朗總統資格香港電台,2017年4月21號。