管綫音樂

例。大堂

管綫音樂講啲音樂，經有綫無綫，好似管咁，推送播放到商業、公眾地方，甚至屋企，好似背景音樂咁。搭𨋢時聽到、電話等候聽到、商場內聽到、餐廳入便聽到、酒店大堂聽到。按唔同情況，可以話升降機音樂、餐廳音樂、大堂音樂、罐頭音樂、等候鈴聲，總之係種背景音樂。

啲音樂唔係播來畀人專心聽，而係等地方唔會太過靜。有啲就用來冚過噪音，好似環境聲人聲咁。有時會改善情緒，但有啲太過重複，使人煩厭。由於出自經典音樂，為人熟悉，有安心感。之不過佢編曲手法，會磨走原曲感情，睇成潛意識操控。

史

電綫播放音樂先驅

一九二〇年，佐治奧雲士乖為發明請到專利，佢用家庭電力綫傳播音樂，佢有公司叫妙薩，可謂呢類音樂代名詞。一九四〇到六七年，英國廣播公司，就用電臺廣播，播啲工作音樂，送到去工廠喇叭度。管綫指推進出去咁。

用法

無話乜聲先算管綫音樂。通常十五分鐘一次循環，節奏漸漸提升。太多數柔和流行音樂，簡單樂器演奏，又或者慢弦演奏輕音樂、古典音樂。

隨住種種媒體興起，好似電影都會用來做效果，電子遊戲亦會用到。有啲專做呢種音樂，稱之為氛圍音樂。

效用

二十世紀三十年代，就知適當音樂，會提高生產力，令人對重複工作忍受得到。到八十年代，播人喜好旋律，會增加買嘢意欲。