簡約音樂

主要作曲家，由左到右，史提夫賴菲臘加拉斯、莊亞當斯、泰利賴利、米高乃文、亞福帕特。

簡約音樂，音樂形式一種，後現代音樂一種，歸入美國當代音樂，起自二十世紀六十年代，亦叫極簡音樂，回應美術上簡約主義，亦會用簡約主義同簡約來形容，或者合成簡約主義音樂。同埋又會叫重複音樂，尤其喺法國，以重複做作曲技巧。

至初想突破古典音樂，及後擴展到其他音樂。佢回歸傳統調性，節奏穩定有如脈衝，有規律，樂句簡短而重複，慢變慢化。

之不過，簡約唔代表簡單，唔代表作品短，亦唔代表聲部少。簡約隻字，可能會誤導人，當成兒戲。

一九六四年泰利賴利首 《C調》，可謂創先河。而音樂界認定，拉蒙地楊、泰利賴利、史提夫賴、菲臘加拉斯、莊亞當斯做開山祖師。 歐洲當時盛行序列音樂，簡約音樂就唱反調，美國嗰邊開新路，擺脫歐洲傳統。同時，簡約音樂作曲家，重視音樂情感。唔同序列音樂嗰種理性，唔同莊奇柱嗰種概念實驗音樂。起初喺古典音樂圈外，步步維艱。後來引到唔少聽眾，來自唔同領域，好似爵士、搖滾、即興同電子音樂咁。電視電影，都用好多簡約音樂，尤其菲臘加拉斯嗰啲，傳到大眾。不過佢都受到批評，而且好激烈㖭，話佢變成咗消費音樂、得表面、無靈魂、音樂無深度咁。

總論

表現

簡約音樂，一般指當代音樂潮流，喺二十世紀六十代美國出現，代表作曲家有拉蒙地楊、泰利賴利、史提夫賴、菲臘加拉斯。尤其活躍喺紐約同美國西岸。呢兩處長期以來開放，容易受非歐洲文化影響同藝術創新。

雖則話美國興起，其他地方都有人跟，好似英國米高乃文同加芬拜也士，荷蘭路易晏地利臣，以及法國靚奴格奴斯、般奴力托。之不過，大底都喺美國。

簡約音樂有時用得比較廣，作曲家做實驗音樂，做後現代音樂都計入去，尤其愛沙尼亞亞福帕特，波蘭輕力高叻士基咁，作品簡約而寧靜，同美國嗰種又有唔同。呢類音樂同歐洲前衛音樂割席，主張回歸調性同調式，以達致簡約。特徵有，作曲程序有系統，結構重複而節奏穩定，睇重宗教音樂同中世紀音樂，好似亞福帕特同輕力高叻士基咁，同埋。強調回歸古典形式，好似四重奏、交響曲，例如莊亞當斯。

簡約音樂一九七六年去到高峯，有幾部作品尤其重要，史提夫賴寫音樂十八樂師音樂，菲臘加拉斯寫沙灘上愛恩斯坦，路易晏地臣寫此國，亞福帕特寫贈亞蓮拿，輕力高叻士基寫第三交響曲悲傷之歌。風格雖異，唔祇同年出現，重有共通地方。一來成為作曲家事業轉捩點，二來得出多年理論實踐成果，三來創造咗全新風格，為二十世紀末古典音樂帶來新風。

音樂背景

二十世紀五六十年代，全面序列主義，同埋歐洲前衞音樂主導住當代音樂。核心人物有皮埃布尼、路伊支奴奴、般奴勿丹拿、盧山奴啤利奧同卡海士史托豪森等。當時作曲家積極實驗電子技術，開拓新聲響，奠定日後電子音樂同具象音樂。搞手者有皮埃世化、卡海士史托豪森同皮埃亨利等人。

美國主導者莊奇柱，佢靠概念同即興表演形式，貫穿不確定呢個主題，音樂中充滿偶然同開放性。同期，又出咗另一形式，流變派。呢派要打破藝術作品分野，重新定義乜嘢先叫藝術作品，思潮影響簡約音樂作家唔細。另外，二十世紀五六十年代，亦興起自由爵士樂，受到莊高燦同奧叻高文影響。佢自由奔放，結構突破傳統，猛烈衝擊美國當時一眾作曲家。

講背景都要提流行音樂。西方音樂，當時搖滾樂興起達到主導地位，另外西方來講，接觸世界其他地方音樂，尤其印度音樂，都影響咗簡約音樂作曲家。

字義

普遍認為，米高乃文，作曲家兼音樂學家，至早用咗簡約來形容。

用簡約主義叫呢個流派，來源唔多清。之不過，普遍認為英國作曲家米高乃文至早講，一九七四年佢本書，實驗音樂莊奇柱與其後，就有講到。更早，一九八六年就用咗簡約呢隻字，有篇文叫簡約音樂，用來講作曲家哥尼利士卡朱同輕寧厥列樹仁臣。之後，佢用簡約主義來形容美國以外，重形容英國實驗音樂，好似加芬拜也士、基斯道化合士、米高扒臣士等人創作。

音樂評論家湯莊臣，一九七二年三月，用簡約來形容艾芬路斯也場演奏會。又用簡約來講史提夫賴作品，不過佢用字唔固定，有時用催眠音樂去描述。一九七七年，佢寫文有題叫簡約主義到底係乜，嗰陣，叫簡約音樂經已相當普遍，用法經已固定咗。

其他叫法，英文有脈動音樂、系統音樂、過程音樂等等。而法文有迷幻音樂、飄浮音樂，同埋用得最多叫重複音樂。作曲家史提夫賴講過，眾多叫法之中，重複音樂個名經已至唔錯。

簡約主義定簡約本身，會令人搞錯簡約音樂性質。簡約音樂確用簡約音樂素材，結構上亦幾慳，但簡約形容佢本質唔算好準確。事實上，有啲作品好長，要好多人一齊奏，甚至配器都好複雜。另外，簡約或者有貶義，搞到比起一般音樂冇咁高層次，甚至以為，唔點落力作曲就搞得掂。

再者，簡約主義原本用喺美術史講風格，形容視覺藝術，好似畫作、雕塑咁。音樂講簡約主義，唔一定同視覺藝術共通。

作曲家大抵唔滿意簡約主義呢個叫法。得拉蒙地楊覺得可以，但祇限佢早期作品。菲臘加拉斯對於自己風格，傾向叫無意圖音樂或者重複結構音樂。

來由

先驅艾力沙蒂同影響力

艾力沙蒂，簡約主義者重要先驅。

簡約音樂，或者可以追前到十九世紀艾力沙蒂作品。佢有固定低音型寫法，重複好強，營造效果達到，重複中狂喜咁越過時間，同一樣事沉思痴迷中。種寫法，成為咗佢幾首作品基礎。一八九〇年，佢寫咗第一首諾西安舞曲，首次用到重複結構。之後一八九二三年，寫咗煩惱曲，更加極端。成首得一段簡單旋律，重複八百四十次，長廿幾個鐘頭。一九六三年紐約，莊奇柱安排演出支曲，正正簡約音樂誕生時間。後來，幾位簡約音樂要人，都曾參與過呢支曲。當中有孭列迪夫文，通常歸入簡約一派，一九六六年喺艾力沙蒂音樂節表演。而加芬拜也士同基斯道化合士，一九七一年英國李斯特城都表演過。

簡約音樂作曲家，好多時借艾力沙蒂做參考，尤其史提夫賴。艾力沙蒂有首梨形三片，菲臘加拉斯就作咗首，叫方之形中片，以玩味方式致敬。 艾力沙蒂有排列弓形結構，即甲乙丙乙丙甲咁，菲臘加拉斯有啲作品，音樂有轉部，同埋沙灘上愛因思坦，都用咗類似結構。至於米高乃文，就認為艾力沙蒂，有無數原因，不可或缺。而且，佢出世喺實驗音樂之前，佢啲作品亦都不可或缺。

序列音樂

荀伯格學生韋本，兼第二維也納學派成員，影響簡約主義都好深。當中，拉蒙地楊就最深。佢講過，韋本作六首小品同埋第二十一號交響曲，當中靜態段落，對佢由序列音樂過渡到簡約音樂，至關重要。有音樂學者咁睇，韋本成為靈感來源，一邊發展出歐洲後序列音樂，另一邊發展簡約音樂，然而呢兩個流派，觀點截然不同，呢種重疊影響，有時會形容做矛盾。

卡揩時士托侯臣，序列主義兼擔士達學派代表人物，其實佢同簡約音樂有關聯。好似氣氛、真言、祈呢三部作品，都用簡約素材，以及拉長時間構成。拉蒙地楊去過擔士達跟佢學嘢，當時覺得佢係世上最偉大作曲家。泰利賴利亦對佢作品好感興趣，尤其時間尺度，節奏複雜。同時亦對荀伯格作品有研究。

可以咁講，所有簡約音樂作曲家，都掂過序列音樂。史提夫賴喺妙思學院做學生，即刻覺得要盡快遠離呢種風格。菲臘加拉斯一路作無調性作品到十八歲，之後先轉變風格。

美國前衛

簡約音樂早年，莊奇柱對佢有重大影響。美國前衛音樂又好，實驗音樂又好，都睇成至重要作曲家之一。佢思想啟發咗簡約音樂作曲家，直接又好，間接又好。佢作品睇落同簡約音樂有關連，尤其佢早期作品，例如一九五二年名作四分卅三秒，可以話簡約音樂極致，成首歌由靜默組成。之不過，基治本人批評簡約音樂。佢至中意用不確定，或叫無意圖。作品加入隨意元素，作曲過程中都用隨意方式。呢種手法，正正簡約音樂作曲家所反對。

米高乃文寫本書，叫實驗音樂莊奇柱與其後。當中佢明確指出，簡約音樂喺佢之後興起，成為潮流，回應佢所重視啲不確定。之不過，音樂學家亦指出，簡約音樂同莊奇柱查實幾似，例如，重視結構多過素材本身，而音樂憑創作程序產生。同埋，音樂表達唔使靠個人風格，而要由實驗性手法，突破作曲家所想像。

美國作曲家摩頓費文，同莊奇柱同期，又另一位同簡約音樂有淵源。佢作品都中意不確定性同隨意。但佢尤其有興趣喺聲，持續而悠長，同埋聲景當中，安靜又平坦。一般唔歸佢入簡約音樂，不過佢有啲作品，尤其四鋼琴作品，相移風格好近史提夫賴之後創作。史提夫賴認咗佢對摩頓費文有好深敬意。

非西方音樂

彈撥琴，樂器啟發拉蒙地楊。

二十世紀五六十年代，西歐同美國開始觸及世界音樂。呢啲音樂，一般調式做底，影響到所有簡約音樂作曲家。

拉蒙地楊住美國西岸，一九五七年喺加州大學洛杉磯分校接觸到印度音樂。佢特別提及 些樂琴手亞里亞伯汗，同埋塔巴拉鼓手些圖拉奧，兩人影響佢好深。呢種音樂啟發相當關鍵。尤其佢掂過彈撥琴後，佢就跟班秩扒拿符學。

彈撥琴奏出持續低音，深深吸引咗佢，令佢對長持續音有濃厚興趣。另外，佢亦承認佢受到日本音樂影響，尤其雅樂。佢作品弦樂三重奏，見證簡約音樂誕生。

泰利賴利逗留過歐洲，其間開始觸及非西方音樂，尤其摩洛哥音樂。經拉蒙地楊介紹，識到印度音樂。他有同班秩扒拿符合作，一九八六年推出專輯音樂自妙思。

史提夫賴喺康奈爾大學上過威廉柯士甸堂，首次接觸到世界音樂。威廉柯士甸播非洲音樂同峇里音樂畀學生聽。當時來講算幾罕見。得耕打殊拿建議，讀咗亞瑟摩里士鍾士作寫非洲音樂研究，印象深刻。一九七〇年夏天，佢親身去加納學敲擊樂，呢段經歷，佢確認傳統樂器聲音好豐富，相對於電子樂器來講。自此，佢熱衷敲擊樂。一九七一年，作咗鼓，當中靈感來自呢次非洲之旅。同佢一齊樂團演出，有羅素哈滕把爵，有羅拔壁加，兩人同屬樞紐樂團，都學過非洲鼓。一九七三四年夏天，佢去過美國西岸，學峇里島嘉美蘭音樂。一九七三年講過，非西方音樂，西方作曲家同音樂人來講，都靠佢得新靈感。

一九六五年，菲臘加拉斯巴黎遇到拉維香卡，就此接觸到印度音樂。佢喺入便發現咗當中原則，積累細小音樂單位，然後組合成更大結構。呢個原則，深深影響到佢作曲風格。佢去過印度唔同地方旅行好多次，深入瞭解當地音樂同文化。

爵士樂

爵士樂亦都非常重要。簡約音樂作曲家，全部認爵士樂影響咗佢哋，尤其調式爵士有莊高燦，同自由爵士有奧叻高文。

泰利賴利、拉蒙地楊，即興為中心。拉蒙地楊玩開色士風，高中到大學，都靠爵士樂演奏而積累經驗。洛杉磯嗰度，無論大小樂隊都有演出，同艾加多飛、當些利、比利喜更士合作過，諗過投身做爵士樂。爵士樂明顯影響到佢作品，尤其佢興趣在於高音色士風同即興。而泰利賴利，佢玩開鋼琴，曾向華利勞時學過散拍，無論讀大學，定逗留法國，都靠彈琴賺錢。泰利賴利亦深受莊高燦影響，因而學咗高音色士風。

爵士樂深深影響史提夫賴。佢打鼓出身，中學到康奈爾大學，都有參與爵士樂隊。深受莊高燦影響，經常睇佢現場演出，而影響至深，就提過兩張專輯，我至愛啲嘢，同埋非洲與銅管樂。可謂無爵士樂，就無佢嘅音樂。爵士樂靈活、有旋律、富節奏，對佢有根本影響。

菲臘加拉斯有啲唔同。佢音樂訓練偏向純古典音樂。佢唔覺得爵士樂有乜影響，雖則佢認着咪過奧叻高文同莊高燦啲自由爵士樂。

簡約音樂運動

二十世紀六十年代，音樂出現簡約主義運動。拉蒙地楊同泰利賴利開創先河，視為先驅。史提夫賴同菲臘加拉斯，就繼續發展佢哋理念，並提出作曲方法，好有成果。

之不過，簡約音樂作曲家，簡約祇不過佢哋作品一部份。跟傳統定義，大約七十年代中就完咗。之後，作曲家加入更加豐富元素，好似旋律、和聲，甚至對位法。呢啲改變，唔完全同以前作品割裂，但顯示出明顯演變。呢種風格，有時叫後簡約主義，尤其莊亞當斯啲音樂。菲臘加拉斯明確講過，佢簡約音樂一九七四年完咗，此後，佢全心投入創作音樂劇場。

有啲叫做神秘簡約主義，好似亞福帕特咁，七十年代尾出現，唔遲美國重複派直接傳人，不過都歸入後簡約主義。或者更廣義啲講，歸後現代主義入面。

先驅拉蒙地楊同泰利賴利

右者泰利賴利。二〇〇四年喺林肯中心受訪。

拉蒙地楊一般睇做運動先驅，尤其一九五八年創作弦樂三重奏。嗰陣，佢受到韋本啟發，創造幾乎靜止嘅聲音世界，長音符維持幾分鐘，變化好少。呢首作品，成為佢研究持續音基礎，持續音音樂流派起源之一。之不過，佢嗰陣用十二音系統創作，風格已經有唔同，用好多長音，又中意用大三和弦同大七和弦音程。弦樂三重奏造出當時好罕見氣氛，感覺帶有冥想，感覺另一個世界咁。

泰利賴利引入兩種核心元素。回歸調性音樂，唔再用無調或序列主義。同埋重複音樂。一九六〇年創作弦樂四重奏，開始接近傳統調性音樂，同時深受拉蒙地楊影響，用咗大量拖長音。一九六一年弦樂三重奏，就引入新寫作方式，重複音型做結構基礎。之所以用重複，部份原因喺三藩市磁帶音樂中心做過唔少實驗，有關磁帶迴轉同疊加聲軌。

一九六四年首C音，標誌住重要一步。標題挑戰當時序列音樂，宣告回歸調性音樂，C大調調性夠晒用簡單。支曲幾多音樂家都得，乜嘢樂器都得。有五十個音樂主題，演奏者跟幾條簡單指引，任自己意願，重複幾多次都得。支曲視為簡約音樂奠定之作，有晒所有基本元素，節奏脈搏穩定，音樂有調性，同一組音樂短促反覆，組成音樂世界，完整兼獨特。一九六八年，哥倫比亞唱片公司錄製發行，之後廣為播放同演出，尤其日本武滿徹同英國哥尼利士卡朱等人演繹。

史提夫賴同菲臘加拉斯

菲臘加拉斯。一九九三年。

泰利賴利嘗試用磁帶同埋寫出作品C音，影響史提夫賴好大。史提夫賴有份演奏者C音，佢都認呢首作品、結合埋非洲元素、加莊高燦影響同埋磁帶重複手法，幫助佢搵到自己條路，尤其一九六五年佢作品，要落雨。呢首開始，發展出相移技術。至初用喺磁帶上，之後佢嘗試用真實樂器，作咗一九六七年首鋼琴相位，一九六七年首小提琴相位。一九七一年前後，一直用相移技術，當中有一九七一年首鼓。呢首歌視為佢過渡作品。咁寫出啲音樂，有時叫做相位音樂，代表佢早期簡約主義。之後，佢放棄簡單相移，集中喺樂器配置、曲長同技術上，更雄心勃勃，尤其集中探索和聲同脈搏節奏。呢段時期叫成熟簡約主義，頂峰時有一九七六年首十八樂師音樂，同一九七八年首音樂畀大樂團。第三期由一九八一年首詩篇開始，更重要有一九八四年首沙漠音樂，同埋一九八八年首唔同火車。旋律素材用聲音同語言來做，可以感受到作曲家投入哲學同精神。

一九六〇年代尾，菲臘加拉斯探索緊風格，佢創作用簡單而重複兼而累積，好似首兩版，同埋首五度音樂。一九七〇年，到佢創作音樂有轉部，音色同和聲方面，都有重大突破，標誌佢成熟簡約主義開始。之後佢沿住呢條路，一九七四年寫十二部音樂，確立完整寫作基礎。一九七三年，遇到舞台導演卜威臣，應邀作曲，寫咗一九七六年首馬拉松式歌劇，沙灘上愛因斯坦。呢套作品，成為佢出名歌劇三部曲當中第一部，其餘兩部，一九八〇年首堅持真理，同一九八四年首太陽王，標誌佢特色主題。

一九八〇年中，佢轉向大量創作，有六首弦樂四重奏，有九首交響曲，有六首協奏曲，主題同節奏上玩出唔同變化，個人風格好易分辨。但同時，亦離開簡約主義框架。

泰利賴利視為古典音樂界權威人物，而菲臘加拉斯就受大眾歡迎，特別流行音樂同電影，經常用佢原創同改編，主流文化中曝光率更高。

二十世紀六七十年代紐約，有好多其他作曲家都有份推動簡約音樂。菲臘加拉斯強調，當時紐約音樂圈極有活力，唔同人有好多唔同創作概念，唔單止得佢同史提夫賴。佢提到有好多人做出好大貢獻，好似孭列迪夫文、菲打力路蘇士基、保連奧利化路士、占士田尼、沙略名巴勒斯坦、泰利鄭寧時、菲臘江拿、爹域啤文、莊篋臣、菲揑搏、賴士察潭同煙金馬素。佢好遺憾，媒體唔點關注呢啲作曲家。

紐約以外，歐洲唔少作曲人作品，同簡約音樂相似、甚至受到美國作品啟發，好似荷蘭有路易晏地利臣，英國有加芬拜也士，有米高乃文，法國有靚奴格奴斯同般奴力托。

後簡約主義同後現代主義

後現代音樂，反對後序列主義中孤立同艱深。後現代作曲家，主張混合唔同風格同形式，用拼貼、借用同引用等技法去做。皮埃布尼話後序列主義，目的要對清除過去，而後現代主義，就攞過去做參考。

莊亞當斯啲音樂，唔齋受簡約主義影響，重吸收埋亞賓百格、史特拉汶斯基、搖滾樂、亞剌伯音樂、猶太音樂等等。

簡約主義帶返旋律同調性，音樂聽得舒服，有中心音，又用重複節奏、引用等手法，成為後現代主義入面最激進，同後序列主義最分歧一派。

後簡約主義，亦都有早期簡約主義作曲家後期方向。史提夫賴一九七一年作鼓，之後樂器編制更加豐富，節奏同和聲更複雜。同樣，菲臘加拉斯一九七四年轉向音樂劇場同歌劇，創作慢慢脫離咗簡約主義，例如一九七六年歌劇沙灘上愛因斯坦，強調和聲結構，轉變咗風格。

總括來講，後簡約對比簡約，無咁激進，實驗性無咁強，風格更靈活，音樂多層次。

神祕簡約

亞福帕特.

有啲作曲家會歸入簡約主義運動一部分，原因用咗簡約音樂作曲原則，好似重複、長音、靜默、有相當簡約。同埋，個人生活同音樂創作，公開表達宗教或靈性影響，尤其基督宗教。亞倫河夫哈尼斯，呢種趨勢先驅，但至常睇成神祕簡約作曲家，愛沙尼亞有亞福帕特，波蘭有輕力高叻士基，同英國有莊他芬拿。再廣泛啲，基亞簡支利同蘇菲亞加卑打利拿，有時都歸埋入去。

亞福帕特同輕力高叻士基都用素材，調性、簡單而重複，作曲風格受中世紀作曲家同額我畧聖歌影響。共產政權統治下，兩人都受政治同宗教打壓。二十世紀六十年代，開始用新古典主義風格，之後轉向序列主義，結果畀當局審查。

亞福帕特之後一轉風格，轉向寧靜同冥想音樂，一九七六年作咗贈亞蓮拿，一九七七年作咗兄弟，一九七八年作咗鏡中鏡等作品，奠定簡約音樂中獨特分支。佢叫鐘鳴式風格，用兩聲部，一部以主和弦做琶音，叫鐘音，另一部用自然音階奏低音。之後，佢專注寫聖樂，尤其合唱音樂，展現聖詠光芒。

一九七六年，輕力高叻士基，由序列音樂轉向神聖簡約，當中以第三交響曲最為人所熟悉。幾年後，呢首交響曲喺西歐同美國迴響極大，為佢帶來國際聲譽。

音樂描述

歸入簡約音樂作品，風格上相當多樣，音樂特徵亦不盡相同。話就音樂分類始終太簡單，不過佢美學基礎，大致歸納為三項。一就重返協和和聲，聽落舒服、無張力，有啲作品甚至用返調性同者教會調式。二就重複樂句、音型或者音樂單元，變化輕微同漸進。三就有規律，節奏脈動，節拍清晰，有節奏感。

又咁講，所謂簡約音樂，作品風格可以非常唔同，音樂技術亦有唔同。同樣，叫簡約音樂作曲家，作品都唔一定歸入極約，尤其史提夫賴同菲臘加拉斯。佢哋後期作品就唔歸入去。拉蒙地楊早期作品，好多唔純粹音樂作品。

理論同直覺之間

先驅拉蒙地楊同泰利賴利，探索咗好多唔同種類作曲技術。拉蒙地楊風格尤其多樣，有受序列主義同韋本啟發，有接近莊奇柱嗰種概念，有印度音樂同爵士樂啟發，即興演奏組合，亦有研究自然音階。泰利賴利，着重實驗，用磁帶做實驗，加入好多即興演奏。

二十世紀五十代尾，拉蒙地楊變通一下咁應用序列音樂，創造出新風格，音樂段落由極長時間、幾乎靜止不動所組成，有持續長音。所揀音程得出有獨特風格。一九五七年，有首中提琴、長笛、巴松管、豎琴同弦樂三重奏而作變奏曲，佢音程用純四度、純五度，重有大七度。同樣好多佢作品都有，好似同年為銅管樂，一九五八年，為絃樂三重奏，都係簡約時期至重要作品。

拉蒙地楊和聲語言，建立喺特定音程上。佢專登避開大三度，皆因做唔到佢想傳嗰種情。佢揀咗四個和弦，稱為夢和弦，做佢和聲語言基礎。而佢唔用大三度，後來佢研究自然音階理論而得到理據支持。一九六一年開始，拉蒙地楊開始用高音色士風即興演奏，重複高速音階調式序列，配合持續音，清楚感受到莊高𤌴同印度音樂影響。

泰利賴利創作，大部分喺磁帶上面。佢用磁帶錄低自己彈琴、講嘢、笑聲、特別聲音，甚至係收音機節目，再用循環播放，一段段短聲唔停咁播。試驗咗好多唔同磁帶操作技術，用裝置做出回音，亦即延遲重複、改變磁帶轉速變聲頻，漸漸改有，突然改有。又將磁帶肆意剪開，肆意貼埋，希望整出得意效果。佢實驗放喺重複音型，唔單止磁帶玩，亦會搵樂手現場演奏，好似佢名作，一九六四年首C音咁。佢創作基於直覺同實驗，結構唔嚴格，不過佢想為聽眾帶來抽象體驗，一啲聲本來好易認，慢慢變形，變到完全認唔出。

泰利賴利非常重視即興演奏同爵士樂。有時用到一啲爵士樂經典，好似秋葉咁，而且鋼琴即興方面，受散拍影響，得出獨特風格。C音之後，佢大部分作品，都唔再用傳統樂譜，唔再完整寫晒，而係部分即興、部分由預先設計音型所組成。音型按演奏者意願重複演奏，好似鍵盤研究一號，同鍵盤研究二號咁，音型快速，無停頓咁彈，形成音符洪流，連續唔斷，無重音。佢亦會用高音色士風做即興演出，尤其多利安簧音同罌粟不好與幻影樂隊。入便重複音型夾循環磁帶一齊用，造出回音效果，經唔同聲部交錯混合，產生複雜對位音效。

聽得到作曲過程

彼得艾杜鋼琴相位獨奏表演。史提夫賴首用相移作品之一

泰利賴利靠直覺，史提夫賴同菲臘加拉斯就唔同，有作曲程序，好鬼嚴謹。寫作品，有組織，有結構咁。

史提夫賴制定程序方面，至有天分，至嚴謹。

一九六八年，佢寫咗篇文，叫音樂作為漸進過程。佢解釋咗創作意圖，要聽眾聽得出音樂創作過程。佢都認同由程序構成音樂個諗法，但反對莊奇柱做法，因為莊奇柱作品當中有用任意程序構建出來。佢目標要將作品構建過程，清晰呈現畀聽眾。另外，佢同莊奇柱另一分歧，佢完全唔受不確定。佢創作程序要絕對確定，無任何隨意成分。

咁樣，史提夫賴至終發展出新方法，稱為相移。結構似傳統卡農，實際源自佢以前用質素唔好磁帶錄音機做實驗，機器會慢慢失去同步。

相移原理，音樂短段開始，畀幾個聲部，重複唔停，然後慢慢喺唔同聲部之間，製造少量時間差，令佢哋唔齊。隨住聲部之間越來越唔同步，會產生新節奏同和聲結構，聲音層疊過程變化，聽眾直接聽得出。正正史提夫賴想俾大家感受到個聲音程序。聲部交錯得好密，有時唔同人聽出來唔同，甚至一個人次次聽都唔同。

一九六七年小提琴相位開始，史提夫賴更加深究佢所講心理聲學副產品，即結果片段，意思由唔同聲部基本片段重疊之後，自然產生出新節奏同旋律。變咗唔係原本有旋律，而係你聽覺上感受。又進一步複雜，好似叫演奏者主動演奏特定結果片段，同時加入唔同節拍，打破原來節奏框架。

菲臘加拉斯，作曲過程同樣有系統，而且畀聽眾聽得出。一九八六年開始，佢發展出一套基於加減法作曲方法。呢種方法係用主題片段出發，然後片段加長縮短。而片段再拆分成兩個幾個更細小片段。樂譜入面，佢通常只會清楚寫出基本片段，然後標示出片點樣加長或者縮短，唔會逐個小節都詳細寫。此外，基本片組段合成音樂片段，通常都要演奏者重複好幾次，但重複幾多次，又無硬性規定，演奏者自行決定。同樣，佢樂譜冇具體標明用咩樂器，亦冇標示力度變化，即係話演奏上有一定自由。

同拉蒙地楊、泰利賴利唔同，史提夫賴同菲臘加拉斯，否定人理解成催眠或者冥想，亦都拒絕迷幻呢個詞，呢啲有貶義。佢哋認為，聽佢哋音樂時，應該保持主動同專注，咁先真正聽到過程細節。

音樂特徵

二〇〇七年，斯德哥爾摩演出嘅鼓。

節奏

簡約音樂作曲家，好注意節奏。大多數作品規律穏如脈搏，基本節奏單位互相交織。而史提夫賴就尤其重視，經相移技術實現。一九七一年作品鼓，佢着迷節奏巔峰之作，以相移呈現。至於菲臘加拉斯，佢探索節奏，由佢好早期簡約作品開始，尤其佢加法作曲法就見到，例如一九六八年作品一加一咁。

簡約音樂入便，節奏至先有系統分析，早過和聲同旋律。兩者後尾先至重新引入。

和聲

簡約早期作品屬無調性。拉蒙地楊一九五六年作弦樂三重奏，同泰利賴利一九六〇年作弦樂四重奏，兩者都係。節奏發展極之緩慢，音符密度好低，聽眾有錯覺，以為有返調性，實際上幾乎完全冇和聲推進。標誌住調性回歸，作品C音，實際上都唔算嚴格有調性。佢無標調號，屬於無調性作品，不過音階以自然大調為主，屬於高度順應音階嘅作法。

磁帶漸漸棄用，改用原聲樂器，發展和聲更加明顯。史提夫賴由鋼琴相位開始，作品傾向有調性、有調式。之不過，通常含糊不清。相移技術產生自然音階傾向，並非預先設計，而係經實驗自然形成。

音域與動態

拉蒙地楊同泰利賴利作品，低音扮演持續音角色，咁受到印度音樂影響。相反，史提夫賴無所謂低音，而音高集中中音區，好似鋼琴相位，無低過Mi₄。相位模式無低過Do₄。安排無低音，會產生和聲上曖昧，而 泰利賴利本人㨂咗保留呢種效果，至於點解，佢又講唔準。同樣，簡約作曲家，唔用擴展奏法。呢種方法，反而其他當代音樂風格常見，好似敲打樂器本體，用弓磨擦鋼琴弦咁。

強弱差一般好少，甚至完全無變化。整體音量偏大，好似拉蒙地楊某啲作品咁，又或者菲臘加拉斯，聽得出受咗搖滾樂影響。

演譯

重複音樂聽落好易，假象來嘅，演奏起上來一啲都唔簡單。史提夫賴有去同步技法，要求演奏者集中力非常之高。菲臘加拉斯都有提過，指揮唔準備就去排練，到咗現場先發現樂譜好難。無作曲家親自落場，啲樂譜唔一定易解，皆因指示唔多，唔夠清晰，要靠演奏者創意去演繹。

與視覺藝術關係

賴士察潭，簡約主義作曲家、結他手同小號手。

舞

舞蹈本身同音樂創作，關聯一直密切，自然唔能避免受到簡約音樂影響，尤其重複概念同應用。簡約音樂影響舞蹈，要追溯二十世紀五十年代初，當時正值現代舞誕生，作曲家莊奇柱同美國編舞家默斯肯寧咸合作。經合作，默斯肯寧咸識咗作曲家摩頓費文，而摩頓費文為作咗伴舞音樂，好似一九六八年無題旋律咁。另一方面，一九六〇到六二年期間，編舞家安娜效平組織咗表演團，有舞者仕滿科地、義汪詠拿、翠莎班蘭，以及作曲家泰利賴利、拉蒙地楊。團體喺紐約濯臣教堂有多場表演，推動音樂同舞蹈之間合作。重複同舞蹈動作漸次累積關係，翠莎班蘭探索原則最深。現代舞時期，呢種表現方式有深入發展。之後，孭列迪夫文，亦身兼舞者，都加入咗呢個圈子。佢將自己對音樂實驗同舞蹈創作融為一體，發展出簡約而帶迷幻風格。

簡約音樂最初幾年打後，舞蹈同呢派之間建立咗密切關係，得益於露仙達釵士，皆佢係默斯肯寧咸學生。佢加入安娜效平個團之後，喺七十年代尾，同菲臘加拉斯緊密合作。一九七六年，為歌劇海灘上愛因斯坦編舞。之後再為佢作品編舞，一九七九年有舞，一九八一年有狂奔。露仙達釵士簡約主義有唔同方面興趣，重同簡約派畫家蘇勒域合作，喺舞台佈景同視覺設計方面有深入交流。翠啦花亦經常用菲臘加拉斯音樂。一九九六年佢芭蕾舞作品英雄，就委託菲臘加拉斯作咗第四交響曲。同時，羅拉顛，一九七一到七五年間，亦同史提夫賴合作，首度將史提夫賴作鼓編舞。不過，就算舞蹈用咗重複元素同節奏錯位，佢哋未必叫得做簡約主義舞蹈，皆音樂依然支持傳統同豐富編舞。

安地利莎奇麥加，比利時人，現代舞編舞家，喺紐約鐵殊藝術學院讀過書。期間，接觸到史提夫賴音樂，並且用咗佢啲作品。就此，簡約音樂，直接影響對舞蹈創作。一九八〇到八二年間，創作咗代表作，相位史提夫賴音樂四樂章。咁更深將佢相位音樂化成理論，用喺舞蹈之上，真真正正將史提夫賴早期幾部作品，好似鋼琴相位，小提琴相位，拍手音樂同出來，當中相位同錯位原理，用舞蹈表現出來。之後，佢同史提夫賴音樂好密切，未來幾十年入面，佢好多創作，都基於史提夫賴作品，尤其一九九八年芭蕾舞劇，同二〇〇一年，雨，用咗十八樂師音樂。二〇〇二年，史提夫賴專登為安地利莎奇麥加作曲，作咗着舞蹈模式，用來配作品對位樂句。二〇〇六年，安地利莎奇麥加編咗作品，史提夫賴之晚，賀佢七十歲壽辰，喺開幕典禮時獻上致敬。

瑞典編舞家密士益，曾經走向神秘簡約主義風格，一九九五年喺1995年為蕭菲喬林編咗支雙人舞，煙。入便用咗亞福帕特作品，有贈亞蓮拿，有鏡中鏡。英國編舞家基斯道化韋頓，就比較近期。佢編舞偏向新古典風格嗰陣，特別中意用簡約主義大師啲音樂，尤其史提夫賴、菲臘加拉斯等人作品。

視覺藝術

簡約作曲家同視覺藝術家，尤其簡約派同概念藝術派，關係好密切。史提夫賴、 菲臘加拉斯， 同好幾位藝術家成為好友，好似理察些拉、蘇勒域、布魯士朽文、米高史奴同難絲圭富時。一九六八年，史提夫賴，寫咗篇文叫音樂睇成漸進過程。域尼博物館一九六九年舉辦大型簡約主義藝術展覽，篇文就收錄喺展覽圖錄入便。展覽當中，佢同菲臘加拉斯一齊搞咗音樂會。另外，史提夫賴作品，鐘擺音樂，亦有理察些拉、布魯士朽文同米高史奴等人參與演出，但件作品似行為藝術而非純粹音樂。佢都認咗，佢同呢啲視覺藝術家之間，有共同態度，例如佢哋作品有幾何同隱喻，但佢唔覺得大家之間，直接有乜互相影響。佢話，我哋齋一齊同一煲湯入面游水。一九七七年，菲臘加拉斯搞歌劇沙灘上愛因斯坦，因為製作而負債，有幾位藝術家捐出作品義賣，幫手籌錢。一九六九年，佢全職做過理察些拉私人助手。不過佢強調，佢並冇將自己音樂工作，直連藝術家朋友作品。

拉蒙地楊創作概念作品時期，同流變派運動有過短暫聯繫。一九五九到六一年間，作品曾經喺流變派音樂節入便演出，當中一啲作品，好似弦樂三重奏咁，亦經呢個運動發表。不過，一九六三年之後，就同流變派漸漸分開。之後佢就經常同佢老婆，視覺藝術家馬利仁沙施拉合作。老婆同佢作品做視覺裝置，好似調好音鋼琴同永恆音樂劇場等等。

視聽

二十世紀八十代初開始，電影同更廣泛視聽媒體，經常引用簡約音樂作品做背景，電影、紀錄片、錄像藝術、電視廣告同節目片頭都有用。菲臘加拉斯同亞福帕特，呢兩位作品可謂至常用，甚至有時會應導演要求，專門為電影寫音樂。

菲臘加拉斯做唔少原創配樂。一九八二年到二〇〇二年間，有葛菲力知奧所拍生命三部曲，一九八五年，有保羅胥達所拍三島由紀夫傳，一九九七年，有馬史葛四四所拍達賴喇嘛傳。又有為一九三一年套吸血殭屍德古拉，後期重新配樂。多次同導演依路摩利時合作，為佢電影同紀錄片重新編曲。另外同導演卜衞臣密切合作，一齊創作過龐大舞臺作品，結合歌劇、錄像同戲劇，好似一九七六年齣沙灘上愛因斯坦， 同一九八四年齣內戰 ，後者原本為洛杉磯奧運開幕禮作。

至於愛沙尼亞作曲家，亞福帕特，雖然經常出現電影，但通常唔係專為電影而寫。佢有早期作品授權做配樂。佢早年都寫過大量電影原聲音樂，不過當時並非簡約風格。

史提夫賴，有老婆啤露歌樂，視像藝術家。佢好多次同老婆合作，一齊創作結合音樂同多頻道錄像畫面作品。音樂創作初期，已經一齊構思點樣用多屏幕影片，運用咗重複原則。研究九十年代開始，成果兩套錄像歌劇，一九九三年有窿，同埋二〇〇一年有三故事。呢兩套作品，舞台演出時都有相關影片投影，而三故事出埋錄音版本。

其他音樂

重複做結構，流行音樂入面都有，例如知名流行音樂合非法利益合唱團。一九六七年，佢哋推出首張專輯，香蕉碟。封面由安迪華荷設計，畫咗條香蕉。呢種諗法來自簡約音樂，因為團員莊奇路同安格斯麥里時，以前係同拉蒙地楊以及永恆音樂劇場合作過。後尾先至到非法利益合唱團。

菲臘加拉斯好多作品，都同搖滾樂有關。佢有參與搖滾樂製作工作，因此有所名聲。佢音樂影響咗一啲實驗搖滾樂隊，尤其德國，有發電廠、有簇士打同新喇。大衞寶兒同布賴仁意奴都受到菲臘加拉斯，甚至史提夫賴影響。布賴仁意奴創造環境音樂風格，清楚顯示出簡約音樂影響。布賴仁意奴同羅拔乎獵合作專輯，有一九七三年張唔轉彎抹角，亦受到史提夫賴一九七〇年首音樂有轉部影響。猩紅之王一九八一年回歸，羅拔乎獵三張專輯，紀律、節拍同完美一對中三者。專輯入面，發展出受到簡約音樂語言影響嘅後前衛搖滾，並將佢同新浪潮、新電子音色同民族元素結合。

一九七六年開始，菲臘加拉斯同曼哈頓搖滾樂、鬅客搖滾同後鬅客運動合作，尤其經菲臘加拉斯樂團。好似理論少女呢類樂隊，或者作曲家賴士察潭，都受到菲臘加拉斯將古典音樂同搖滾結合經驗影響。一九九五年，菲臘加拉斯為電子音樂要人埃佛士川，佢作品電路殿堂，作咗個管弦樂版本。九十年代，佢又受到大衞寶兒專輯，一九七六年張低同一九七七年英雄啟發，創作第一號交響曲同第四號交響曲，反映出兩位來自唔同音樂背景，有藝術家之間互相影響。

簡約音樂，由實驗音樂潮流開始，傳統古典音樂圈以外發展。至初音樂會，大多喺藝術畫廊或者博物館舉行，通常由作曲家自己負責安排。錄音令簡約音樂得以廣泛傳播，甚至傳到歐洲，而歐洲對呢種音樂，接受度都幾高。歐洲其實最早認可簡約音樂家嘅地方，例如法國政府委託過菲臘加拉斯，重有史提夫賴為德國當代音樂發行，錄咗首十八樂師音樂，成功唔單止現代音樂迷。

之後，電影電視大量採用簡約音樂，或者受到佢哋音樂啟發，簡約音樂得以大大擴展

起頭難

簡約音樂作曲家、首次演出都唔喺傳統古典音樂演出場地舉行。會喺藝術畫廊，好似公園廣場畫廊、博物館，好似所羅門古根咸美術館、私人住所，好似小野洋子個閣樓，或者大學入便演出。視覺藝術家對菲臘加拉斯，同埋史提夫賴音樂特別開放，佢哋重覺得呢啲音樂，同自己嘅品相似。

傳統古典音樂音樂廳，簡約音樂初初舉辦正正式式音樂會，引起唔少爭議。一九七三年，卡內基音樂廳演奏史提夫賴支四管風琴，重複效果似催眠，引起觀眾不滿，有人當場抗議。菲臘加拉斯有次表演，更加畀人掟蛋。佢同藝術家理察些拉一齊去歐洲巡迴表演，觀眾反應冷淡，尤其荷京一場，反應負面。

評論界對簡約音樂反應好參差。村聲湯莊臣同埋米高乃文評論得好正面，支持早期簡約音樂演出。不過佢哋身兼作曲家，兼同簡約音樂關係密切。另一方面，其他記者就批評得好嚴，尤其紐約時報當奴輕拿行，對史提夫賴作品評價唔高。泰晤士報哈羅荀伯，聽咗泰利賴利音樂會之後，表示唔知點反應。當中演奏有曲空氣中彩虹，同埋罌粟不好與幻影樂隊。佢雖然話重複旋律帶來催眠效果，同印度音樂相似，但最後形容整體效果單調又唔好聽。

音樂家接受與否，好壞參半。拉蒙地楊畀先生貶低，大多數都唔解佢作品。

認可與成功

二〇〇八年四月倫敦，倫敦室內交響樂團演出十八樂師音樂，呢首極具代表性簡約主義作品。

簡約音樂入便，泰利賴利至早得到認可。一九六四年作品C音獲得成功，之後開始受人注目。一九六七年，瑞典皇家音樂學院委託佢，寫首作品畀管弦樂團同合唱團，就寫咗嘅愛臣三。一九六九年，我愛基金會邀請造影片配樂，為雕塑家亞路軛盾作品而做，寫成音樂有球。佢亦同瑞典、丹麥電視台合作。

美國指揮家米高挑臣湯馬士，對推廣簡約音樂好重要。一九七一同七三年，佢安排簡約音樂第一次喺大型音樂廳演出，好似一九七三年卡內基音樂廳嗰次，由波士頓交響樂團演奏。

一九七一年，泰利賴利同菲臘加拉斯一齊去歐洲巡迴演出，個團演出泰利賴利四管風琴、鐘擺音樂、鋼琴相位、相位模式，同埋菲臘加拉斯音樂有轉部。巴黎、倫敦回應鼓舞，德國就反應冷淡啲。

靠唱片錄音，先可以令呢班作曲家作品廣泛傳播。一九六七年，哥倫比亞唱片，同史提夫賴錄音出版出來，同泰利賴利出版C音。收錄喺當代音樂作品專輯，大約二十首。不過呢張唱片，當時音樂界同時代雜誌上都畀人批評。之哥倫比亞唱片繼續發行。一九六九年，同史提夫賴出咗要落雨同小提琴相位。一九七〇年，同泰利賴利出咗炭疽教堂。

一九七一年，菲臘加拉斯創立唱片公司，叫察潭廣場製作，推出音樂有轉部、五度音樂、似動音樂呢幾首作品。而法國唱片品牌山達，亦有參與製作錄音。

講到真正開始獲得主流認可，查實來自法國。一九七四年，當時文化國務秘書米翠佳委托 菲臘加拉斯創作沙灘上愛因斯坦。一九七六年喺歐洲首演到各地，大獲成功，同年紐約演出亦好受歡迎。

德國唱片界至早認可簡約音樂。一九七四年，古典音樂唱片品牌，德意志留聲機，錄製咗 史提夫賴作品，鼓、六鋼琴，以及敲擊樂器、歌聲同管風琴音樂。

一九七八年，唱片出咗佢作品十八樂師音樂，張專輯真正令史提夫賴打響國際名堂，接觸更多唔同層面聽眾。唱片由德國唱片品牌當代音樂發行出版，公司本身做爵士同即興音樂，令普羅大眾，唔熟前衞音樂都有機會認識簡約音樂。

相反，拉蒙地楊拒絕向唱片公司或者表演場地妥協，導致佢作品好少有錄音出版。作品少人接觸到，知名度低好多。

二十世紀八九十年代，簡約音樂喺電視同電影入便，大量模仿同傳播。好多電影配樂同電視廣告作曲家，抄襲菲臘加拉斯音樂風格同重複旋律。史提夫賴同孭列迪夫文都畀人模仿。當今新一代作曲家，為美國簡約音樂帶來新氣象，好似尼高妙厘，佢有同菲臘加拉斯合作，重有德斯丁奧哈路蘭。歐洲方面，有法國蕭芬沙服、德國麥士列查，同盧森堡凡雪士高翠士丹奴。佢哋有時歸入後簡約主義作曲家。

批評同分析

嚴厲批評簡約音樂，主要來自接近前衛派作曲家、音樂學家，或者哲學家。美國作曲家埃利樂卡他多次公開否定簡約主義，對音樂入面重複手法反感，覺得作曲家創作力死亡。佢仲將簡約比喻做廣告，無人邀請、強行入腦、重複到令人厭惡。甚至有人直接用法西斯形容，話重複就好似廣告或者希特拉演說洗腦。

常見批評指責簡約音樂膚淺，甚至反智。有人覺得呢種音樂冇目的，否定傳統音樂語言，純粹聲音地毯。當中，菲臘加拉斯音樂最常畀人針對，有人話佢作品講大話，或者退化。至於拉蒙地楊同泰利賴利，就經常話佢悶或者無聊。整體嚟講，評論界對簡約音樂，睇法分歧，撐同反，各走極端 。法國，莊亞當斯作品一開始都唔太接受。一九九〇年，電視全覽雜誌對歌劇尼克遜在中國寫話，音樂維度得零，典型美國出品，好似可口可樂、迪士尼樂園、同國際新秩序一樣。

批評簡約主義有時會同批評後現代主義混埋一齊。前衛派作曲家布拜仁費尼豪拒絕後現代主義，尤其批評莊亞當斯，指佢無視音樂文化，缺乏道德觀念。

不過對某啲音樂學者來講，簡約主義查實合晒現代。除咗拉蒙地楊同泰利賴利，明顯受到序列主義影響，尤其荀伯格同韋本，從中發展出簡約主義早期作品，好似一九五八年弦樂三重奏。史提夫賴同菲臘加拉斯，發展出嚴謹音樂創作過程，查實可以同全面序列主義限制，或者莊奇柱隨意程序作曲方式相提並論。尤其史提夫賴所用移相，雖然屬可預測過程，但佢嘅結果部分，超出作曲家控制，呢點直接同莊奇柱隨意結果比較。

對音樂學者潔夫撲他來講，簡約主義屬於現代。論點叫去除熟悉。概念由形式主義理論家域他各樂時基提出，意思當某啲元素太常見而變無感，藝術就應該幫我哋重新發現當中意義。潔夫撲他指出，莊奇柱同序列主義作曲家，都曾經試圖做到呢點，但簡約主義方法好唔同。佢哋唔係由前所未聞聲音出發，而係用素材非常簡單、耳熟能詳，透過密集重複，去深度探索內在結構。

最早探索節奏呢個參數，呢種系統方法令作品好似練習曲，有濃厚實驗音樂特質。之後，探索擴展到音高、和聲等其他音樂元素。

潔夫撲他話，簡約迫使聽眾，重新詮釋熟悉元素，唔單止經自己感知同感受，重有由一啲相同原則，所產生出來嘅能量，好似規律節奏、以及朝住某個目標前進感覺等。而呢啲原則，正正係幾個世紀以來，西方調性音樂所依賴。

必提作品

• 一九五八年、拉蒙地楊、弦樂三重奏。第一首完全由持續長音組成簡約音樂
• 一九六四年、由泰利賴利、C音。重複音樂風格開山作
• 一九六四年至今、拉蒙地楊、調好音鋼琴。巨大作品，純律音階為基，至今仍持續創作中。
• 一九六五年、史提夫賴、要落雨 。第一首用相移技術
• 一九六七年、史提夫賴、鋼琴相位。確立簡約主義風格關鍵作品之一
• 一九七一年、史提夫賴、鼓。以敲擊樂為基礎，深入探索簡約主義節奏語言
• 一九七一年、菲臘加拉斯、十二部音樂 。自一九六七年以來簡約主義研究成果
• 一九七六年、亞福帕特、贈亞蓮拿 。標誌鳴鐘風格誕生，同簡約主義密切相關
• 一九七六年、菲臘加拉斯、海灘上愛因斯坦。第一部簡約主義歌劇
• 一九七六年、史提夫賴、十八樂師音樂。極簡主義最成熟、最代表性
• 一九七七年、賴士察潭、結他三重奏。簡約主義融合鬅客搖滾先驅之作
• 一九七八年、莊亞當斯、震環。佢第一部重要作品，仍具有明顯簡約主義特色
• 一九八七年、菲臘加拉斯、小提琴同管弦樂團協奏曲。結合簡約主義與浪漫主義。