米坦尼

出自維基百科,自由嘅百科全書
跳去導覽 跳去搵嘢
米坦尼
𒈪𒀉𒋫𒉌 Mi-it-ta-ni
約前1600年-約前1260年
米坦尼位置圖
米坦尼帝國最頂盛時期領土
首都首府 瓦舒坎尼
常用語文 胡里安話
阿卡德文
政體 王國
國王 基爾塔(最初確認)
沙圖瓦拉二世(最後)
歷史時期 青銅器時代
 - 成立 約前1600年
 - 解體 約前1260年
提醒無幫"continent"指定數值

米坦尼(英文:Mitanni)係喺米索不達米亞嘅古老國家,青銅器時代西亞嘅強國之一,由胡里安人喺大約公元前1550年建立,整體歷史記載唔係幾清楚,多數由鄰國所記錄嘅拼湊。最初可能係趁赫梯(西臺)消滅巴比倫同埋亞述古王國衰落嘅時候留落嚟嘅權力真空崛起,成為今日敘利亞一帶嘅最強國家。領土範圍喺現家嘅米索不達米亞嘅北部,喺公元前15世紀國力達到頂峰,係青銅器時代數一數二嘅強國,同埃及第十八王朝法老圖特摩斯三世並列,爭奪地中海東岸霸主地主,佔有目前嘅土耳其東南部、敘利亞北部同埋伊拉克北部,將亞述古王國納為附庸,首都瓦舒坎尼(Washukanni)嘅位置則尚未確定。公元前15世紀末,赫梯重新崛起,米坦尼因而改同埃及法老阿蒙霍特普二世結盟,此後米坦尼與埃及長期結盟對抗赫梯。大約喺公元前1375-1350年之間,米坦尼國王圖什拉塔被佢個仔殺死後,佢嘅仔之間發生王位繼承嘅內戰,其中一個仔沙提瓦扎逃往赫梯赫梯國王蘇庇路里烏瑪一世藉機進攻米坦尼,米坦尼因為同法老阿肯那頓發生嚴重矛盾,失去埃及嘅援助,最終赫梯擊敗米坦尼,沙提瓦扎即位,但係米坦尼此後就逐漸衰落,並淪為赫梯嘅附庸。另一方面,亞述喺國王阿淑爾烏巴里特一世 時期(約公元前1365-1330年)崛起,米坦尼被亞述擊敗,亞述王國獨立,米坦尼反而淪為亞述嘅附庸,直至公元前1260年代,亞述國王薩爾瑪那薩爾一世在位期間,亞述併吞米坦尼。