米芝蓮指南

出自維基百科,自由嘅百科全書
Jump to navigation Jump to search
米芝蓮指南(紅皮書)

 米芝蓮指南粵拼mai5 zi1 lin4 zi2 naam4法文Guide Michelin,音標:[ɡid miʃ.lɛ̃])係一本飲食指南,教人去邊處有好嘢食餐廳米芝蓮以前由賣車軚出身,收尾兼埋出車主指南仔,教人有關車輛嘅常識,好似架車壞咗點樣自己整,去到世界各地邊度有拖車公司,搵嘢食邊度有食肆咁。

收尾原來佢本飲食指南好多人當咗係世界權威,榜上有名嘅餐廳老闆會好開心,重有個落榜嘅廚師傷心到要自殺

各地版本[編輯]

港澳版[編輯]

書店實物

版2009年開始出,係大中華地區入面頭一笪地方出。

榜上有名嘅香港食肆包括國際金融中心利苑酒家中環鏞記酒家灣仔福臨門銅鑼灣富臨咁。

書上面除咗有星級食府,重有標誌有一碗麵嘅鋪頭,好似中環麥奀雲吞麵世家沾仔記咁,都嚮書上面搵到。

廣州版[編輯]

廣州版喺2018年6月尾出街,係繼港澳、上海臺北後嘅第四個大中華地方指南。米芝蓮指南發佈前嘅宣傳等係由廣州市旅遊局同米芝蓮公司一起搞,政府預算出近五十萬請米芝蓮整廣州旅遊定製版嘅廣州米芝蓮指南,包埋搞宣傳等[1]

首版嘅廣州米芝蓮指南未有使用粵語譯名「米芝蓮」,而係照用北話譯名「米其林」。另外,佢初頭嘅宣傳project句口號係「米到羊城」,粵語諧音就係「咪到羊城」(唔好到廣州),英文名就照搬北話拼音而唔用返Canton,一出街陣畀唔少網民批評,畀傳媒稱之為「公關災難」[2][3]。* 睇埋:廣州地名

廣州版(2018年)指南有三部分,一星餐廳8間,冇二同三星餐廳,炳勝惠食佳玉堂春暖利苑呢啲登到榜;第二部分係必比登推薦,係啲平價餐廳,諸如天都里、堅記創發餐廳同記老西關瀨粉朱仔記向羣飯店南園酒家達揚燉品;第三部分係餐盤獎嘅推薦餐廳,如泮溪酒家北園酒家Ebony廣州酒家吳財記源記腸粉

[編輯]

[編輯]