粉嶺及上水新市鎮

出自維基百科,自由嘅百科全書
(由粉嶺/上水新市鎮跳轉過嚟)
鳥瞰新市鎮,自北望南。近為上水,遠為粉嶺。

粉嶺及上水新市鎮[1]香港新市鎮之一,有諸多寫法。新市鎮地處新界北地,起自當地兩大鄉,粉嶺上水,本身依帶有墟市,有一啲唐樓,粉嶺有聯和墟,上水有石湖墟,以此開托新城亦屬自然。新市鎮以九廣鐵路粉嶺火車站上水火車站為中心,擴展出去。一九七八年,香港政府彩園邨為開端,將依帶化成都市

香港新市鎮規模,喺世界城市級別,並唔係,故此,粉嶺及上水新市鎮都歸入城市類別。城佔地七百八十公頃。二〇一六年政府統計署中期人口統計,城內大約有二十六萬人[2]

由於粉嶺及上水新市鎮,有兩個龍頭,中間夾雜好多鄕村,有啲人會分開叫粉嶺新市鎮上水新市鎮

行政上歸北區代議政制北區區議會

[編輯]

新市鎮英文Fanling/Sheung Shui New Town。個名取自英國人習慣,由於香港人見斜綫符號,意思用法,通通都唔清唔楚,唐文更加無佢用法。故此翻譯唐字會帶來一啲困難。官方都不一致,會有唐英皆錯嘅情況。

英文斜綫插喺字間,是為逗號代替品,或為(and)字嘅省畧,按習慣,前後都唔可以加空白。有啲加空白,寫做Fanling / Sheung Shui New Town之類,咁唔啱英文文法英文維基百科,直情唔用斜號,索性改成Fanling-Sheung Shui New Town

英文意思都搞錯,唐字繙譯亦都好混亂。斜綫喺唐文,唔係標點符號[3],而係特殊符號。兩個字之間,多數視為選項,用咗會引來誤解。若搬字過紙,會寫「粉嶺/上水新市鎮」,唐人睇落來會當咗佢選項 ,其他寫法,睇成選項咁寫,加空白寫成「粉嶺 / 上水新市鎮」,或全形標點,「粉嶺/上水新市鎮」。亦有按唐字文法,寫為粉嶺上水新市鎮,或寫做粉嶺及上水新市鎮

地理[編輯]

粉嶺上水位處沖積平原,夾雜山嶺。平原為深圳河支流,梧桐河雙魚河沖積而成。

[編輯]

大清此地為雙魚約之內。一八九九年,英國得到新界之後,一九一〇年起咗九廣鐵路,先設上水火車站,後設粉嶺火車站,設喺上水鄕粉嶺圍附近,為依帶有交通之便。咁上下時間,九龍深水埗起嘅大埔道青山道,亦喺處駁通,環通新界。自始石湖墟聯和墟,亦有所發展。

第二次世界大戰之後,香港有好多難民湧入,接住就係嬰兒潮,市區住得好迫。繼荃灣沙田之後,香港政府又再拓展其他新市鎮。上水粉嶺雖則離市區甚遠,但有公路鐵路之便,就選為新一期新市鎮。一九七八年,興建上水彩園邨,一九八二年落成,可謂新市鎮先聲。邨原為菜園村地,就近上水火車站,為開始嘅好地方。一九八四年,粉嶺火車站附近,祥華邨落成。接住八十年代中,新市鎮到處大興土木。 一九八六年有上水天平邨。一九八九年有上水太平邨

進度而言,上水快過粉嶺。粉嶺發展轉向粉嶺火車站南面,和合石以北一帶,原本百福村田心村畫眉山村地方,發展稱為粉嶺南。一九九〇年,華明邨落成。一九九五年有華心邨。另外,一九九四年火車站西北有嘉福邨

同期,粉嶺聯和墟嗰邊,又開始大興土木。一九九三年有榮福中心,一九九六年有榮輝中心

一九九七年,香港主權移交後,新市鎮繼續擴展。

[編輯]

  1. .
  2. (PDF).
  3. .

座標: 22°30′06″N 114°07′44″E / 22.5017°N 114.129°E / 22.5017; 114.129