系統型遊戲

出自維基百科,自由嘅百科全書
(由系統性遊戲跳轉過嚟)

系統型遊戲英文systemic game)係 2010 年代興起嘅一種遊戲設計哲學。一隻系統型遊戲會有多個系統,每個系統之間都會自然噉樣互動,而且呢啲互動唔係由製作組預先設定嘅,例如係 2017 年出嘅薩爾達傳說:曠野之息噉,遊戲世界一落雨,會引起地面變滑、NPC 搵地方避雨、俾雨淋到嘅火(包括玩家放落敵人身上嘅火)會熄... 等嘅變化,而且幾時落雨唔係由製作組預先設死咗嘅。呢種遊戲設計需要做到確保遊戲嘅各子系統唔淨只會對玩家嘅行為有反應,仲會對彼此有反應(呢點同廿世紀傳統嘅遊戲設計好唔同)。系統型遊戲嘅特性係充滿不確定,好多時會令玩家計劃受到佢預期唔到嘅事件阻礙-例如本來玩家諗住靠喺敵人陣地放火嚟引開敵人注意力,但點知喺佢郁手嗰時突然落雨,搞到佢要臨場重新計劃;而呢點被指能夠幫手創建更加真實嘅虛擬世界[1][2].。

[編輯]