結果結構

結果結構（英文：resultative，RES）係語言學上嘅一個語法結構，用嚟表達某個動作之後導致嘅結果。呢種結構通常會掕住動詞短語，謂語包含做咗乜（或者方法）同埋結果。舉幾個粵語例子：

佢打爛咗個碗。

我寫完晒啲功課。

佢喊到眼腫晒。

呢三句都係典型嘅結果結構句式，即係一句句子入面既有一個方法動作成分（英文：method），又有一個結果成分（英文：result），講緊個動作帶嚟嘅直接結果。打爛：入面打係方法（做咗個動作），爛係結果（個碗變爛咗）。寫完晒：入面寫係方法，完晒係結果（啲功課寫晒，冇嘢漏）。喊到腫晒：入面喊係方法，腫晒係結果（喊完之後，眼腫咗）。

語序

唔同語言喺結果結構嘅語序上有差異。喺廿一世紀初，粵語同英文都有結果結構，但兩者傳統上語序有別。以下嘅例句當中 M 係做咗乜或者方法、R 係結果而 O 係受體：

The	blacksmith	hammered	the	metal	flat	.
		M	O		R
	打鐵師傅	用力揼	嚿金屬		扁

成句嘢等同以下嘅粵語：

位	打鐵師傅	用力揼	扁	咗	嚿	金屬	。
		M	R		O

－粵語係方法行先、結果排第二、受體擺尾，相比之下英文就係方法行先、受體排第二、結果擺尾。

參見

• 補語
• 語法
• 粵語語法