秘密
(由絕密跳轉過嚟)
秘密（粵音：bei3 mat6，普通話讀音近似粵拼：mi1 mi1）係指將資訊隱藏起嚟，等外人無法得知。喺商業同軍事等嘅領域上，人成日都會想將啲資訊保密唔俾對手知，會用到密碼學等嘅複雜技術[1]。
基本概念
[編輯]將資訊變成秘密嘅行為叫做保密，解除秘密狀態嘅行為就係解密。秘密程度有幾高，謂之保密度。
唔少專業人士都專職做保密方面嘅工作，諸如係記者、黑客、間諜等。
處理方法
[編輯]加密係一種保護資訊嘅方法。簡單講，加密就係指緊將一段本來直接睇得明嘅內容，經過一啲特定嘅處理程序，變成就噉睇唔會明嘅內容。噉做嘅目的，通常係想嚴防未經授權嘅人讀取或者改動啲資訊。只有經授權嘅人知道要點樣解密，能夠解讀密文。例如有人寫咗句：
- 我搭飛機，今晚七點鐘到紐約。
經過加密後，就會變成一堆亂碼，好似 X7#9af$2… 噉。第三者就算攞到呢堆亂碼，都唔明本來係咩意思。加密喺日常生活入便查實好常見，例如上網登入銀行戶口、用手機 app 付款，或者喺信息軟件度傳對話，背後都係靠住加密技術，至可以保障資料安全[2]。