綫 (幾何)

綫sin3，又寫作線，係長而幼嘅幾何物體，理論上幼到冇闊度。喺幾何學內，綫分兩種，一叫直綫，另一叫曲綫。喺平面幾何上，直綫係兩端最短距離，曲綫就唔限。綫係構成幾何圖形，以至描繪現實現象嘅重要基石。

直定係曲

内文：直綫同曲綫

綫之分類，最顯著嘅係據其形態分作直綫同曲綫。

• 直綫：指依循單一方向無限延伸之綫。於歐幾里得幾何中，兩點之間嘅最短路徑一定係直綫。直綫具有恆定不變嘅斜率，所以佢哋喺形態上未有彎曲或折疊。
• 曲綫：指唔直嘅綫，會持續變向，常見嘅例子有圓形嘅圓周或者拋物線等。曲綫嘅鈄率係不斷變化。

應用

綫呢個概念嘅應用貫穿多個學科，有舉足輕重嘅角色。

• 數學同物理學：綫可以用嚟描繪向量嘅方向、力嘅作用綫，以至粒子郁動嘅軌跡。
• 地圖學同 GIS：喺地圖上，綫段可以用嚟表示道路、河流、邊界、鐵路等嘅物體；例如一條高速公路，喺地圖上即以一條綫嚟表示其路徑。
• 工程同建築學：綫係繪製圖則、界定結構邊界同埋規劃空間佈局嘅基礎。

睇埋

• 一維
• 點 (幾何)
• 面 (幾何)
• 體 (幾何)