縱橫家
縱橫之學，係亂世嘅權謀。《漢書·藝文志》列為九流十家，「從橫家者流，蓋出於行人之官。」行人即係春秋時負責朝覲聘問嘅官。去到戰國時代，周室衰微，諸侯之間互相打仗，使節往來，務於權變，以三寸不爛之舌[1]，操弄天下大勢，自成一家之學。世傳鬼谷子係縱橫家嘅創始人，蘇秦、張儀都跟佢學野。
大義
[編輯]縱橫之術嘅重點在於「權變」兩個字。睇實天下嘅大勢，搵啱時機做野；諗𠶧列國之間嘅利，趨利而避害。佢哋嘅游說，成日都講哂啲好處壞處出嚟，等對方心動，其實都只係為咗係嗰個時代立功。結合一班弱者嚟抵御強者，就係「合縱」，蘇秦就係咁做；幫一個強者去對付一班弱者，就係「連橫」，張儀就係咁做。兩樣野雖然唔同，但係本質都係權變。
審勢
[編輯]所謂勢，即係睇吓邊個強邊個弱。蘇秦之所以佩六國相印，就係因為佢睇到秦嘅強弱，然後揀合縱定連橫。張儀之所以呃楚懷王，亦係因為睇到楚、齊之間嘅聯盟唔夠穩固，知道商於之地可以作為虛餌。佢哋兩個做到呢啲野，都係因為由審勢開始做起。
乘時
[編輯]所謂時，即係搵時機。范雎獻遠交近攻策略嘅時候，正正係昭襄王想開邊拓土嘅時候，呢個策略可以話係啱啱好夾到昭襄王嘅諗法。陳軫之所以引用卞莊刺虎嘅故事嚟比喻齊、楚之爭，就係要秦王等時機。唔錯失時機，所以可以得志。
趨利
[編輯]所謂利，即係趨實利而避虛名。公孫衍之倡五國相王，其名雖尊，其實在弱魏而制齊。甘茂之誓於息壤，乃以私信固君心，卒以此取宜陽。凡此種種，皆為利驅也。
要術
[編輯]縱橫之術可以係《鬼谷子》同埋《戰國策》上面搵到，重點有八樣：
飛，即係讚譽佢，等佢覺得飄飄然飛起身；箝，即係箝制。先用美言飛譽，等佢心悅，再用利害箝制，等佢聽話。例如郭隗游說燕昭王，用「千金市骨」嚟比喻，飛譽王嘅賢明，實箝天下士心歸燕。
言出必有反，以觀其應。故善聽者，乃善應者。以言釣言，反復詰之，以求其實情。虞卿之說趙王，反問「割六城與秦，豈能填虎狼之欲？」，以觀王之決斷，促其聯齊，此其用也。
內即係內鬼；楗即係門戶之栓。結交權臣做內鬼，就好似把持門戶之栓，可隨意開閂。張儀伐楚，偷偷派人賄賂楚國嘅靳尚、鄭袖，等佢哋迷惑懷王，最終打破楚齊聯盟。
巇即係罅隙。國有間隙，君臣不合，就可以乘虛而入。例如范雎見秦昭王，話「太后擅權，穰侯、華陽君等專政，王權旁落」，乘佢哋君臣之間嘅隙而入，獻「固幹削枝」嘅策略，然後得到重用。
揣即係量度；摩即係順佢意。先揣測量度佢嘅欲望，然後順勢摩弄，達到目的。例如陳軫見楚將昭陽伐齊，就以「畫蛇添足」為比喻，摩佢嗰貪功之心，等佢自己驚自己功高不賞，成功止息楚兵。
權即係權衡利弊；謀即係設計規劃。精算天下大勢列國利害，用最小嘅代價謀最大嘅利益。甘羅十二歲出使趙國，權衡「秦助趙攻燕」同「趙割五城予秦」嘅得失，冇用到兵，就成功為秦攞到五座城池。司馬錯同張儀廷辯，討論伐蜀嘅長利，勝過攻韓嘅短益，亦係權謀嘅典範。
時機成熟，就當機立斷。決斷嘅時候，以利誘或者勢迫。唐雎游說秦王，見到佢講極到唔聽，就決定用「伏屍二人，流血五步」逼秦王謝罪。
名局
[編輯]河西弈道
[編輯]當時秦係西邊，六國係東。公孫衍、惠施等倡合縱，集六國之力嚟對付秦。張儀提出連橫，游說六國幫秦。一縱一橫，好似捉棋咁，延續幾十年，最終秦嘅連橫贏咗。
澠池之會
[編輯]趙國上卿藺相如，跟惠文王去澠池同秦王會面。秦王想侮辱趙王，相如挺身而出，通過「五步之內，相如之頸血濺大王」要挾秦王嚟護國體，呢個唔係縱橫之術，但係佢隨機應變，以弱搏強嘅智慧，深合權變嘅奧義。
流變
[編輯]秦統一之後，唔再有列國，說客冇地方施展縱橫術，縱橫家於是轉入潛流。但係佢嘅權變思想，俾後世繼承。漢初蒯通游說韓信三分天下，鼎足而立，猶存戰國遺風。漢末，諸葛亮《隆中對》，魯肅《榻上策》，都係瓜分天下嘅戰略，暗合縱橫捭闔之智。明成祖時，謀士姚廣孝助燕王靖難，亦多用權謀，都可以話係縱橫之術。
參考文獻
[編輯]- ↑ 《重編國語辭典修訂本》，｢戰國時學派之一。多智謀與辯才，以遊說見長，如蘇秦、張儀等。也作『從橫家』。｣