總統山

總統山

總統山，正式名拉什莫爾山國家紀念地（英文：Mount Rushmore National Memorial），係美國南達科他州基石鎮附近黑山山脈拉什莫爾山嘅一個國家紀念地，核心係喺花崗岩山壁上雕刻嘅巨型雕塑。雕刻家古森博格倫將佢命名為「民主神殿」（英文：Shrine of Democracy），並且由1927年至1941年間喺佢個仔林肯博格倫嘅協助下監督完成。雕塑刻有四位美國總統嘅頭像，高達60呎，分別係佐治華盛頓、湯瑪斯傑佛遜、西奧多羅斯福同亞伯拉罕林肯，象徵美國嘅建立、擴展、發展同保存。