罰款經濟

所謂罰款經濟，通常指目的為得到嗰啲款項而作出嘅懲罰，而非為咗達到所用法例正常功效嘅經濟政策，經常涉及貪贓枉法活動。呢種操作古今中外都有，或多或少，不過2020年代該概念特別普及，主要形容中共統治地區。

前因

2019年起幾年，大陸中央政府指揮全國經濟改革成以武漢肺炎相關國營負和產業為主項之一，民營正和產業大量消亡，地方政府税收因此大減，連幹部都有大把冇糧出，於是靠扭曲法律嚟罰錢嘅補救性措施氾濫成災，2022年時情況尤其嚴重，青島係其中嘅表表者。

2020年，中共宣布《中英聯合聲明》作廢後，香港經濟轉營，定位由國際外循環主角改成中國內循環配角，官民財政皆每況愈下，2022年李家超上任特首後政府大量簡單修改法律（前面幾屆政府都有，不過遠唔及佢劇烈。），將針對平民百姓嘅亂泊車、亂過馬路、錯位食煙、亂丟垃圾、坐小巴唔纜安全帶（適用於小巴原有法例唔受2026年巴士安全帶法例鬧劇影響……）等定額罰款大幅調高，亦大派執法人員使出明招暗招到處拉人，依賴政府人脈關係揾食嘅羣體紛紛讚好，自食其力者則叫苦連天。

後果

罰款經濟將民間財富迅速轉移往官方中途有大量內耗，例如維權同維穩衝突等人力物力，而由於民營嘅白色產業同灰色產業經營成本加大，冇倒閉嘅紛紛加深顏色轉營，例如向賄賂、黃賭毒同呃神騙鬼等方向轉營，乾脆減少或避免依法報税同納税。

另外，香港政府晌2026年3月宣布對無火煙嘅相關罰則下月大幅增加，甚至擁有都好大鑊，不過被廣大市民批評本末倒置，增加火警風險，亦對所謂減少本地煙民嘅目標冇幫助（好多食開明火煙嘅人靠改食無火煙逐漸戒癮），甚至會因增加宏福苑火燭同類災難風險而對政府庫房都有害無益，而且同火災無關嘅大財團被迫明面捐錢賑災之後，就會順勢減少對高官嘅暗中派片，貪官污吏嘅奢侈品市場消費連帶萎縮，間接影響經濟；嗰排民間關於煙草類法例嘅主流呼聲其實係打壓明火煙，對無火煙嘅講法冇乜改變，原因係香港地盤充斥大陸黑工，將佢哋由大陸帶嚟香港嘅陸港中介一般有陸港兩地官方背景，不過偏偏佢哋貪污腐敗兼唔愛國唔愛港，會財務剝削大陸同胞，因此請得嚟香港做嘢嘅多數係啲食慣明火煙嘅窮人（受毛澤東同鄧小平等傍樣嘅思想同理論影響，社會階級越低嘅大陸人越多食煙，而且係明火煙），以宏福苑火燭為例，香港居民早前好耐已經頻繁舉報工人喺易燃棚網同易燃膠板旁邊食容易搞到火燭嘅明火煙，都由於政治原因，長年冇香港政府部門會去拉人，以免得罪大陸政府部門，搞到自己被燉冬菇甚至炒魷魚，反而啲缺乏政治後台嘅本地工程公司習慣咗俾執法者雞蛋裏挑骨頭，本身就會管住自己啲香港同大陸白工守法避免被捉；因此呢啲政策嘅整體效果係強迫本來食火警風險低嘅無火煙工人轉食火警風險高嘅明火煙，引起廣大市民對政府嘅反感同對生命嘅擔憂。雖然意識形態同樣着重於協助圍標集團斂財，但係宗旨為只謀財唔害命嘅林鄭月娥派系對宗旨為既謀財亦害命嘅李家超派系咬牙切齒。