羅傑瑞
| 羅傑瑞 | |
|---|---|
| 原文名 | Jerry Lee Norman |
| 出世 | 1936年7月16號 美國加州屈臣域利（Watsonville） |
| 死 | 2012年7月7號（75歲） 美國西雅圖 |
| 國籍 |  美國 |
| 職業 | 語言學者、漢學家 |
| 出名原因 | 傑出嘅漢學研究、閩語研究 |
羅傑瑞（粵拼：lo4 git6 seoi6；英文：Jerry Lee Norman；滿文：ᡝᠯᠪᡳᡥᡝ，穆麟德：Elbihe；1936年7月16號—2012年7月7號）係美國嘅語言學者、漢學家。佢知名於中文（尤其係閩語）同埋滿文嘅研究。
生平
[編輯]羅傑瑞出生喺加州嘅屈臣域利（Watsonville）。1954年佢入學芝加哥大學去學俄文，但出於經濟緣由，學咗兩年就退學。之後佢入伍陸軍，然後又學咗中文。
羅傑瑞去咗柏克萊加州大學跟住趙元任學嘢，去研究閩東語嘅方言福州話。1966年，普林斯頓大學嘅中國語言學項目去馬，佢以工作人員身份參加[1]。佢去過臺灣搞田野調查，憑住對福建嘅閩北語方言建陽話嘅研究[2]（張琨指導），佢喺1969年取得博士學位。
1972年佢做咗華盛頓大學嘅助教（之後做準教授、教授），1998年退休。
要知曉中文語音嘅歷史變化，從來嘅做法都係使用韻書去睇記低嘅漢字讀音，而羅傑瑞主張運用比較語言學嘅方法去比較各處方言，然之後再構築祖語。羅傑瑞唔單只批評高本漢，佢亦批評蒲立本，稱呼佢做「新高本漢學派」，而蒲立本自身亦都係高本漢嘅批判者[3]。
羅傑瑞重構咗閩語祖語，兼且指出閩語語音係有幾個層次疊合組成嘅。羅傑瑞認爲閩語嘅某啲特徵係中古音之前嘅嘢，而張光宇反駁認爲呢啲特徵係閩語自己二次發展所形成嘅[4]。
主要著作
[編輯]- 羅傑瑞 (1988年)。《《Chinese》》。劍橋大學出版社。
- 中譯本：羅傑瑞【著】，張惠英【譯】 (1995年)。《《漢語概說》》。語文出版社。
- 中文概說嘅代表性英文著作。
- 羅傑瑞，梅祖麟 (1976年)。〈《The Austroasiatics in ancient south China: Some lexical evidence》（古代中國南方嘅南亞語：一啲詞彙證據）〉 (PDF)。Monumenta Serica。32: 274～301。
- 羅傑瑞 (1973年)。〈《Tonal development in Min》（閩語嘅聲調發展）〉。Journal of Chinese Linguistics。1 (2): 22～38。
- 羅傑瑞 (1974年)。〈《The initials of Proto-Min》（原始閩語嘅聲母）〉。Journal of Chinese Linguistics。2: 27～36。
- 羅傑瑞 (1981年)。〈《The Proto-Min finals》（原始閩語嘅韻母）〉。《中央研究院國際漢學會議論文集 語言與文字組》: 35～74。
- 以上三篇用比較辦法再構咗原始閩語。
- 羅傑瑞 (1979年)。〈《Chronological strata in the Min dialects》（閩方言中嘅年代分層）〉。《《方言》》。1979 (4): 268～274。
- 羅傑瑞 (1991年)。〈《The Mǐn Dialects in Historical Perspective》（歷史視角下嘅閩方言）〉。Language and Dialects of China。香港中文大學出版社。3: 323～358。
- 以上兩篇指出咗閩語由數個層次疊合而成。
- 羅傑瑞 (1967年)。《《A Manchu-English Dictionary》（滿英辭典）》。臺北：The Liberal Arts Press。
- 佢喺臺灣自費出版嘅滿文辭典。
- 羅傑瑞 (1978年)。《《A Concise Manchu-English Lexicon》（簡明滿英辭典）》。華盛頓大學出版社。
- 代表性嘅滿英辭典。
- 羅傑瑞 (2013年)。《《A Comprehensive Manchu-English Dictionary》（滿英大辭典）》。哈佛大學亞洲中心。
- 1978年辭典嘅改訂版。羅傑瑞過世嘅數日前完成，喺佢身後出版。
攷
[編輯]- ↑ Frank A. Kierman Jr (1969年)。〈The Chinese Linguistics Project（中國語言學項目）〉。Princeton Alumni Weekly。69 (14): 10～11、15。
- ↑ 羅傑瑞 (1969年)。《The Kienyang Dialect of Fukien（福建嘅建陽方言）》。柏克萊加州大學。
- ↑ 羅傑瑞、柯蔚南 (1995年)。〈A New Approach to Chinese Historical Linguistics（中文歷史語言學嘅新方法）〉。《Journal of the American Oriental Society（美國東方學會期刊）》。115 (4): 576～584。
- ↑ 張光宇 (1990年)。《《切韻與方言》》。臺灣商務印書館。
參攷資料
[編輯]- 柯蔚南 (2013年)。〈《Jerry Norman: Remembering the man and his perspectives on Chinese linguistic history》（羅傑瑞：紀念佢及佢對中文語言學史嘅遠見）〉。Journal of Chinese Linguistics。41 (1): 219～245。
出面網頁
[編輯]- Frank F Conlon (2012年7月21號). "H-ASIA: Professor Jerry Norman (1936-2012 )". H-ASIA discusstion logs. 喺2015年4月20號搵到.
- David Prager Branner (2013年2月25號). "Jerry Norman's Manchu dictionary has appeared". 喺2015年4月20號搵到.
- Chris Livaccari. "Remembering University of Washington Professor Jerry Norman". Asia Society. 喺2020年1月23號搵到.