羅斯福新政

羅斯福新政

羅斯福新政（New Deal）係指美國總統富蘭克林羅斯福為咗應對1929年開始嘅經濟大蕭條，喺1933年到1938年期間推行嘅一系列影響深遠嘅經濟、社會同政治改革。「新政」呢個講法係羅斯福喺1932年接受民主黨總統提名嗰陣首次提出嘅。之後，佢喺大選中以壓倒性優勢擊敗當時在任嘅胡佛總統，因為好多人覺得胡佛政府喺應對危機方面做得唔夠。羅斯福認為，根據凱因斯經濟學模型，經濟蕭條嘅原因係市場本身嘅不穩定同需求不足，所以必須要由政府進行大規模干預，先可以穩定經濟同令佢回復正常運作。