美居廣場

美居廣場
澳門公共房屋
所屬堂區						花地瑪堂區
房屋類型						社會房屋
房屋用途						住宅
總塔樓座數						4
			第1座
			入伙日子			1992年2月1號
			樓齡			32年
			第2座
			入伙日子			1992年2月1號
			樓齡			32年
			第3座
			入伙日子			1992年2月1號
			樓齡			32年
			第4座
			入伙日子			1992年2月1號
			樓齡			32年
停車場
			美居廣場停車場
			詳細資訊一覽 出入口位置：收容所街

美居廣場響澳門半島花地瑪堂區和樂大馬路、石仔堆巷、青洲大馬路同收容所街，係屬於房屋局嘅社會房屋。

背景

2015年11月15號，美居廣場出現管理糾紛。大廈管委會副主席劉國明話，大廈入伙之後一直由恆美物業管理公司管理咗成廿年，但係管理不善，搞到大廈公共設施長期都係壞嘅，又將停車場私自出租之類，令到業主唔滿意。7月20號，大廈同管理公司合約屆滿，但係同日管委會到期，為咗避免管理真空，臨時管委會同管理公司再簽三個月臨時合約，但係管理公司冇跟法例，將超過十九萬嘅樓宇維修基金交畀管委會。管委會考慮告有關公司盜用大廈嘅維修基金。到10月31號離場。響2013年成立新一屆管委會，決定重新開標招聘管理公司，新公司響11月1號進駐。之後大廈響9月28號發生停電，經了解，前管理公司8月開始已經冇幫大廈交電費。經房屋局協調，管委會同前管理公司負責人會面，被人話大廈入伙到3月部分業主爭咗三十四萬蚊管理費，要求收返部分管理費先協助交電費。業主合作之下，最後加埋收到十六萬管理費，點知前管理公司以重未完全收返嗮全部管理費做理由，只係交咗8月份嘅電費，唔肯交9月同10月加埋九萬幾蚊嘅電費。如果再唔交去到17號，大廈公共部分將會斷電，𨋢、供水設施、走廊燈之類會全數停運，五百幾戶受影響。佢期望新管理公司先墊支，幫大廈畀咗電費先。而房屋局就話，一直有協調同輔助美居廣場業主同管理公司處理糾紛問題，但係唔方便講詳情。