美食風球

出自維基百科,自由嘅百科全書
跳去: 定向搵嘢

美食風球》(英文:Cloudy with a Chance of Meatballs)係2009年美國3D電腦動畫,由美國經典細路書《天跌落嚟嘅嘢食》改編。套戲響2009年9月18號響美國上畫,由新力影業動畫室(Sony Pictures Animation)製作,哥倫比亞影業發行。影片比例係2.35:1,用RealD Cinema同IMAX 3D系統播。

套戲響2009年12月31號香港上畫,廣東話版由張繼聰幫主角配音。

故仔[編輯]

發明知係個騎呢發明家,細細個就經已創造出好多唔等使嘅發明,人人都笑佢無厘頭。發明知住嘅盛產沙甸魚,人人都食到厭,於是發明知就發明咗一部可以將水轉做各種嘢食嘅嘢食複製機。但係佢開部機時,部機響個鎮度橫衝直撞,重飛埋上天,正當佢以為自己衰咗,部機居然響天上面開著咗,係咁跌啲嘢食落嚟。天氣小姐心思思嚟咗呢個鎮,報道有啲咩嘢嘢食跌落嚟。有一日,部嘢食複製機癲咗,搞咗個意粉龍捲風、超大粒肉丸、超大轆粟米……而家發明知同心思思要諗諗計仔,熄咗部嘢食複製機,整停呢場嘢食大浩劫!

連出去[編輯]