美麗新香港係對香港嘅一個形容詞，最先喺2021年由時任香港行政長官林鄭月娥提出，作為佢對香港嘅願景，佢喺一個記者會入面解釋，係指準確全面貫徹「一國兩制」之下，以「一國」為本，但善用國家畀嘅「兩制」嘅香港；經濟高度開放嘅香港；維護市民應有、依法享有嘅權益同自由嘅香港[1][2]。由於呢個詞睇落似反烏托邦作品《美麗新世界》，網上世界亦會用「美麗新香港」呢個詞作反諷，揶揄香港變成《美麗新世界》入面嘅「烏托邦」。
同名作品[編輯]
《美麗新香港》亦係一首粵語流行歌嘅名，由組合My Little Airport主唱，2014年推出，亦係電影《金雞SSS》嘅主題曲。
