老加圖

老加圖

老加圖（Cato the Censor，前234年—前149年）係一位羅馬共和國軍人、元老院議員同歷史學家。佢以保守主義同反對希臘化而聞名。

佢係第一個用拉丁文寫歷史嘅人，作品《源始》係一本關於羅馬史嘅書，不過而家只係剩返啲殘篇。佢另一本著作《論農業》係一本關於農業、祭祀儀式同食譜嘅專著，亦都係現存最古老嘅拉丁文散文作品。

佢個稱號入面嘅「老」字，係用嚟同佢嘅曾孫——元老院議員細加圖區分開，後者以反對凱撒大帝而聞名。