聖名

  想搵第二個意思嘅話，請睇聖名 (搞清楚)。

聖名傳統上係喺洗禮入面攞

聖名（粵拼：白讀：sing3 meng2，文讀：sing3 ming4；英文：Christian name），又叫教名、洗禮名，喺基督宗教入面，係種同信仰有關嘅人名，可能係聖人嘅名，又或者係同信仰有關嘅第啲名，傳統上係一個人喺受洗、堅振或者入修會發願嗰陣攞嘅名，不過家陣亦都接受喺出世嗰陣由家長直接改。

天主教同聖公會都有改聖名嘅傳統，但係喺某啲宗派（例如浸信會）並冇咁嘅傳統。

各教派情形

天主教

喺天主教，聖名特別係指英文名、萄文名等等，唔會係中文名，但係好多時有正式中文寫法（例如 ｢方濟各｣、｢依搦斯｣ 等等）；受洗嗰陣一定要改一個（不過如果自己個名本身係聖名，可以用返本名），堅振嗰陣可以改多一個。天主教認為如果聖名所指係一個聖人，嗰個聖人會成為佢嘅主保聖人。

天主教有嬰兒領洗，所以好多人受洗嗰陣改嘅聖名都係由家長改，但係如果係大個咗先信教，個聖名會係自己改。

書目

• 盧龍光等人編 (2003)。《基督教聖經與神學詞典》 (第1版)。香港：漢語聖經學會。ISBN 962-513-250-3。