聖士提芬會

前聖士提芬會開幸福營、城門之源。後面鄰舍輔導會怡欣山莊

聖士提芬會，香港慈善機構，英國傳教士潘靈卓開辦嘅，活躍香港。個會出自原本九龍城寨青年中心。一九八一年註冊訂名聖士提芬會，社團條例轄下慈善團體，一九八六年做埋香港社會服務聯會成員。為咗香港政府撥地，一九九七年成為法定慈善團體，變成聖士提芬會有限公司。一九九九年獲社會福利署發放牌照，開辦多用途復康家庭服務。

個會有搞廣東話新約聖經，讀出聲。

史

潘靈卓服務開始，就喺九龍城寨，當時三不管地帶，權力真空由黑社會統治，貪污，迫良為娼，白粉檔林立。當時佢喺城寨幫人。為當時後生仔女，佢開咗青年會，介紹佢哋去教會，但當時教會都怕佢哋外表。佢又幫癮君子戒毒，用靈恩方法做，又帶去佢到「家」，結果好多人。咁吸引到好多外國同工，租屋幫佢哋戒毒避禍。一九八一年註冊訂名聖士提芬會。一九八五年開咗幸福營，九龍臨時房屋區。之後又去望后石，幫當時越南船民。一九九四年，聯合國難民署睇過幸福營後，就請會方管理營運呢個越南難民營，香港最後一個。一九九七年香港政府喺亞公角，開咗城門之源，幫啲成癮嘅人，可以成家住，一部份叫幸福營。個會亦會派人去海外。