呢幅油畫描繪耶穌嘅登山寶訓，新約聖經成日用 agape 一詞嚟指上帝對人類嘅愛。
Agape（近似粵音：Aa6 gaa1 pe4；古希臘文：ἀγάπη / ăgắpē），中文有譯做聖愛，係古希臘提到、愛嘅一種形式：古希臘文有多隻字詞可以用嚟指愛，不過唔同字詞指嘅愛都有啲唔同，當中 agape 指嘅係神聖嘅愛，意思係指無私無邪，純粹建基於善念嘅愛，有別於（例如）男男女女嗰種帶有慾望嘅愛。
Agape 同相關嘅字詞，原版新約聖經（用通用希臘語寫成嘅）成日提到，用嚟指人同上帝之間嗰種愛，而例如新約聖經講耶穌受洗，提到耶穌係上帝嘅愛子嗰陣，亦有用到 agape 相關嘅字眼。
