聖言中學

出自維基百科,自由嘅百科全書
聖言中學
克明峻德
位置
九龍新清水灣道38號
明細
津貼中學
(教學語言:全英文
校訓克明峻德
宗教聯繫天主教
成立1970年
校監甘百德神父
(1970-1993)
羅禮善神父(Fr. Brian Lawless S.V.D.)
(1993-2002)
林永基神父(Fr. Emilio Lim)
(2002-2013 )張明德神父 (Fr. Johnson Dhos)(2013-)
校長甘百德神父
(1970-1993)
黃慧賢女士(Ms Wong Wai Yein)
(1993-2001)
郭弼先生(Mr. Kwok But)
(2001-2014 )
黃志強先生(Mr. Wong Chi Keung)
(2014- )
教師人數65位
註冊學生人數大嘅1000人(30班)
辦學團體聖言會(Divine Word Missionaries)
創校人甘百德神父(Rev. Fr. Patrick Canavan)
網站
聖言中學

聖言中學(Sing Yin Secondary School,簡稱聖言SYSS)係香港一間天主教英文男子中學,喺九龍新清水灣道38號。佢係觀塘區Band 1名校之一。

歷史[編輯]

聖言中學係由甘百德神父籌辦同監建嘅,甘神父其後更出任該校校長同校監二十幾年。

「聖言」呢個名係源自若望福音第一章「在起初已有聖言」。

「聖言」係指天主聖子降生成人,即係耶穌基督。作為基督徒嚟講,佢就係道路、真理、生命。作為一間天主教學校,聖言中學特別注重道德教育同社區服務。該校嘅辦學目標係「扶助學生確立一套圓滿嘅價值觀,以活得富有意義,並且成為社會嘅真正棟樑。」

大事[編輯]

1966年,聖言會準備成立聖言中學,派甘百德神父到任。

1970年,學校正式成立,重收咗 370 個中一同中二學生。同年,藍田聖保祿中學建校,校舍借畀佢開辦中一。

1971年,聖言中學校舍落成啟用,校舍又借畀觀塘瑪利諾書院上堂。

1974年,聖言中學第一屆 135 個中五生畢業。

1975年,成立學生會。

1976年,開始喺中六招收女仔。

1977年,第一屆24個中七理科同學畢業。

1978年,第一屆中七文科同學畢業。1980年,成立舊生會,首任會長係鄭炎潘。

1990年,衛奕信夫人到訪聖言中學。

1993年,甘百德神父榮休。羅禮善神父接任校監,黃慧賢接手做校長。

1993年,因為新中六收生辦法,唔收得女仔讀中六。

1995年,胡振中樞機到聖言中學主持感恩祭。

1997年,教育署批准學校繼續用英語授課。

1998年,中四開多一班理科(三理二文),重推行文中有理,理中有文嘅課程改革。

1999年,成立家長教師會,第一屆主席係陳策樑。

2001年,黃慧賢離任校長,移民澳洲,由原本嘅副校長郭弼接任。

2002年,羅禮善神父離任校監,由林永基神父接任。

2003年,聖言會創立人楊生神父同聖言會第一位傳教士福若瑟神父封聖大典。同年,陳日君主教、湯漢輔理主教同陳志明中文陳志明 (宗教人物)副主教蒞臨主持封聖典禮。

2003年,中六開多一班理科(二理一文),下年中七都係二理一文。

2004年,學會同學生組織多到五十五個。

2005年,三十五周年校慶。

2006年,學校外評。

2009年,聖言申請遷校成功,並喺2011年9月由藍田安田街11號舊校舍搬入佐敦谷新校舍。

2010年,四十周年校慶。

2013年11月,聖言中學畀美國綠色建築物委員會評為兩間「2013年全球最綠學校」之一。

2015年,四十五周年校慶。

2020年,金禧校慶。

環境同設施[編輯]

聖言中學嘅舊校舍係一座5層高(唔計地下同天台,計埋就有7層)嘅U字形校舍,向平田邨方向有一個3層高嘅附翼禮堂)。體育設施有2個籃球場(其中一個同時為手球場同小型足球場),2個羽毛球場,1所健身室同一面三層高嘅攀石牆。

課室唔夠[編輯]

由於聖言中學嘅校舍係按照1960年代嘅標準建造,但中六同中七分別喺2003年2004年每級開多一班,而且有啲課室被改作其他用途,例如電腦室(201室)、音樂室(301室)同多媒體學習室(MMLC),所以全校只得25間課室,但有31班。因此中六同中七需要轉為流動班,當其他班別到特別室上堂,就會到空出嘅課室上堂。

課室及設施分配[編輯]

樓層 設施(主樓) 設施(副翼) 設施(室外)
天台 天氣站 ── ──
五樓 化學實驗室、危險化學品儲存庫、實驗室助理工作室、物理實驗室、神父宿舍、教材製作中心(504室,亦都係教員室)、三間標準課室(501室、502室、503室) ── ──
四樓 綜合科學實驗室、實驗室助理工作室、生物實驗室、兩間教員室、教師洗手間、學生洗手間、四間標準課室(401室、402室、403室、404室) ── ──
三樓 視覺藝術室、圖書館、副校長室、音樂室(301室)、五間標準課室(302室、303室、304室、305室、306室) 學生儲物櫃、禮堂樓座 ──
二樓 地理室、多媒體學習室(MMLC)、副校長室、教學助理室、學生洗手間、電腦室(201室)、五間標準課室(202室、203室、204室、205室、206室) 學生儲物櫃、小聖堂、升學及就業輔導主任室、小課室 ──
一樓 儲物室、校長室、兩間教員室、校務處、教師洗手間、學生洗手間、六間標準課室(101室、102室、103室、104室、105室、106室) 禮堂、樂器房、聖言電台廣播室 ──
地下 兩個珊瑚觀賞缸、學會儲物櫃、乒乓球場、健身室、醫療室、儲物室、校工室、垃圾房、接見室(社工室)、英語角、學生會辦事處、校監室、學生洗手間、|小食部、有蓋操場、更衣室、體育用品室 兩個羽毛球場籃球場手球場(亦都係兩個小型籃球場同小型足球場)、旗杆園藝閣、停車場

[編輯]

著名舊生同學生[編輯]

  • 鄧紹斌
  • 鄭健和──本地著名漫畫家
  • 徐樂文──第一屆泛珠三角洲物理奧林匹克競賽一等獎、國際物理奧林匹克競賽金獎
  • 張仕──國際物理奧林匹克競賽銅獎
  • 張嘉禧──第一屆泛珠三角洲物理奧林匹克競賽一等獎、國際物理奧林匹克競賽銀獎
  • 李德文──國際物理奧林匹克競賽銅獎
  • 周永強──別名:周強,電影監製,監製作品《三峽好人》榮獲2006年威尼斯電影節金獅獎
  • 徐繼宗──香港著名流行歌曲作曲人
  • 葉建源──香港立法會教育界功能界別議員,香港教育專業人員協會副會長
  • 練錦鴻──香港司法機構主任裁判官
  • 李騰駿──香港青年交流促進聯會執行主席
  • 李啟豪──第三屆香港傑出學生(1987-1988),「青苗學界進步獎」導向委員會主席
  • 周海峰──香港大學物理系教授

出面網頁[編輯]