聖誕彩條

聖誕樹彩條花環

聖誕彩條，好常見聖誕裝飾來嘅，佢扮緊啲冰，又扮緊啲星，多數掛喺聖誕樹上面。佢成串咁，用條綫串起啲閃閃令啲幼條。有啲串起好長，就咁弔住，就可以扮掛冰。呢種嘢叫法好多，好似有光片、金屬箔、金屬絲咁。亦有聖誕裝飾彩條、金蔥條、彩條、毛條、彩帶、彩鍍冰條，未能盡錄。有啲可能出自產品變化，唔同用法。

佢出自五金花環，用來做聖誕裝飾。現今好多都用到塑膠，尤其聖誕樹。當然亦有掛天花版，掛雕塑，掛大公仔，掛燈柱咁。一六一〇年經已有㗎喇，喺德國紐倫堡首先發明，至初有碎銀整。

原裝銀箔加錫鉛

語源

英文叫tinsel，簡明牛津詞典就話出自古法文estincele ，意思閃閃令。

史

2020 年影到香港一角有聖誕彩條賣。

十六世紀，本身講緊一種料，用絲綢做就輕飄飄，加金綫銀綫就閃令令。佢本身唔係掛聖誕樹，而係畀精英做衫，有奢侈品法限制。又會用喺面具舞會裝扮，又用喺紋章旗同國旗。一五〇二年，約郡伊利沙伯就有買呢種絲料。一五一五年瑪嘉烈刁陀都有。佢平過金布，可以話代替品。一五五三年，英國瑪麗一世，就用喺佢加冕用面紗頭罩上面。蘇格蘭瑪麗一世，喺結婚時有面具舞會，有架機械船，就用佢來做帆。

現代五金飾物，一六一〇年左右喺紐倫堡發明。至初銀絲擠型。但銀好快無光澤，就用其他五金代替。十九世紀之前，佢唔用喺聖誕樹，而喺用喺雕塑。後尾先加喺樹度，加強蠟燭光閃閃。有如基督誕生場景星空。

聖誕樹掛條

二十世紀初，製造技術做到平價鋁質版。第一次世界大戰之前，法國呢方面領先。到大戰期間，戰時要銅，生產就減少。

去到五十年代就好受歡迎，受歡迎多過聖誕燈飾。當時興鋁製聖誕樹，佢無燈飾咁易着火，當時燈飾鋁化紙製成，易燃㗎。

二十世紀幾十年之中，鉛箔版都好受歡迎。銀會變色，鉛唔會，保留光澤。去到六十年代，啲人擔心細蚊中鉛毒，就逐步淘汰。一九七一年八月，美國食品藥物管理局有結論，鉛片有不必要風險，一九七二年一月一號開始，說服製造商、自願停止生產，進口商自願停入口。 無正式禁，唔夠證據話鉛錫危害。

現今用聚氯乙烯膜製成，上渡五金。 聚酯薄膜亦有用。 呢塑膠版掛得唔及銀同鉛咁好。