聖誕球

聖誕球

透明聖誕球

聖誕球，聖誕裝飾，大多數球體，之不過其他款都得。聖誕節嗰陣，用絲、用繩、用勾，掛喺聖誕樹。

佢本身出自中世紀，喺樹掛生菓、蘋菓。後來變成聖誕樹習俗，至終因為太貴定失收，玻璃匠自製玻璃球，後化成聖誕球，十九世紀開始流行。後來乜物料都有，甚至出到電子控制。

史

中世紀時，聖誕前夕會用樹扮天堂樹演戲，天堂樹亦即生命樹。當日聯擊到亞當夏娃個名。而當中一樖知善惡樹，就用蘋菓代表。樹就變成聖誕樹，菓就化成圓飾，好似紅聖誕球。

現代意思嗰啲聖誕樹，喺德意志同波羅的海眾國流行。十九世紀，就有聖誕球，當初係種玻璃球。故仔話有德國玻璃匠用玻璃球代替蘋菓，皆因蘋菓太貴買唔起。嗰種玻璃球本身用來驅邪，但三十年代開始，就變得更精緻，用來放聖誕樹。水銀玻璃整出來，反光又反得均勻，玻璃上咗浸硝酸銀或者水銀。一八四七年，德國羅沙呢嗰度就吹製玻璃球。一八六七年有燃氣吹製技術，輕易重複咁做，可以大批生產。六十年代經暢銷歐洲。

另一說法，一八五八年，法國東北大旱，蘋菓等生菓樹失收，無得裝飾聖誕樣，當地玻璃匠自製玻璃球頂替。

二十世紀工業更發達，有工廠可以年銷廿萬個。後尾有啲都唔吹玻璃球，而喺直接拎球體來用。

聖誕墟有畫聖誕球

材料

聖誕球花環。

聖誕球

聖誕球材料起勢咁變，除咗傳統玻璃球，塑膠、木、紙、聚苯乙烯、閃片都有，物料推陳出新。今時今日，有埋發光二極管，要電池 。又有電磁感應驅動聖誕裝飾品。能量由樹幹周圍感應環傳遞。唔使電池，智能電話搖控都得 。