聚星樓

出自維基百科,自由嘅百科全書
跳去: 定向搵嘢

座標: 北緯22°26′56.01″東經114°00′22.36″

聚星樓

聚星樓,又叫魁星塔文昌閣,當地叫文塔,係香港。佢喺屏山上璋圍北面,係香港屏山鄧氏聚居嘅風水塔

屏山鄧氏族譜有話,聚星樓係由屏山鄧族七世祖,寧國府正堂鄧彥通起嘅,過600年,佢係香港現存最舊嘅古塔,係屏山文物徑重點古蹟之一。聚星樓喺2001年12月14號列做香港法定古蹟

座塔點來[編輯]

據鄧族父老相傳,當地立村嗰時,風水先生指當地依山環水,肯定子孫繁衍而千年不衰。但不足之處係……

  1. 青山尖而高大,旺火為忌,宜多水而濟之;
  2. 而西北缺口,北煞傷人,第時鄧族文官升堂,自有擋煞之法。但至於乜嘢叫「文官升堂」,當時風水先生淨係答:「天機不可盡泄」。

明朝洪武十五年(1382年),屏山鄧族第七世祖寧國府正堂鄧彥通受封,喺上任升堂嘅第一晚,佢夢見鄉下西北角上空星光燦爛,但群星突然落下,聚集喺西北嘅河口。鄧彥通夢中驚醒,並諗起立村時風水師傅講嘅嘢,回顧始祖去到佢雖然已經七代,但總共只得12個男丁,而其中有4個早死。鄧彥通內心不安,於是請風水師傅謀求擋煞之法。師傅說:「貴村之立村先師果然學問不凡。大人升堂而群星來會,應建樓以聚之,借助於眾星,自有雷霆萬鈞之威而北煞服焉。苟有文筆而無掌筆之才,不為用也!」鄧彥通恍惚大悟,於是喺度建立咗七級浮屠(即佛榙),恭奉文武諸神,擋北煞,鎮水災。果然,鄧彥通以後嘅七代人,生咗22個男丁,當中10個另起圍村,有幾個做咗壽官,有兩個起咗二公祠,有啲有成八、九十歲命,鄧氏家族喺屏山嘅男丁有1,500幾人。鄧氏喺明清兩代人材輩出,每每可以喺科舉金榜提名,士人同做官嘅不計其數,族人相信係呢座塔恭奉嘅文曲星庇佑,故此族人又叫呢座塔做「文塔」。

建築[編輯]

聚星樓原高7層,但後來因風雨侵蝕,上面4層已經俾風災整冧咗,只剩低現時嘅3層。聚星樓呈六角形,建基於一矮台之上,主要以青以及麻砌成。3層嘅聚星樓約莫高13公尺,最上層供奉主宰文運、掌管功名嘅魁星。聚星樓每層都有吉祥題字,由上層而下分別係「凌漢」、「聚星樓」同埋「光射斗垣」。

[編輯]

開放時間[編輯]

  • 每日上晝9點至下晝1點;下晝2點至5點。
  • 逢星期二、聖誕日、聖誕翌日、元旦日及農曆年初一至初三休息。

前往交通[編輯]

路線冧巴 往返地點 落車地點
西鐵綫 紅磡 - 屯門 天水圍站
輕鐵
610 元朗總站 - 屯門碼頭 屏山站
614 元朗總站 - 屯門碼頭 屏山站
615 元朗總站 - 屯門碼頭 屏山站
751 友愛站 - 天逸 天水圍站
751P 天水圍站 - 天逸 天水圍站
761P 元朗總站 - 天逸 坑尾村站、天耀站
K65 元朗東 - 流浮山 經屏廈路
九龍巴士
53 荃灣(如心廣場) - 元朗(東) 坑尾站
69M 天瑞 - 葵芳鐵路站 天水圍鐵路站
69X 天瑞 - 佐敦渡華路 天水圍鐵路站
265S 大埔工業邨 - 天水圍市中心 天水圍鐵路站
269B 紅磡碼頭 - 天水圍市中心 天水圍鐵路站
269C 觀塘碼頭 - 天水圍市中心 天水圍鐵路站
269D 沙田(瀝源邨)- 天富 天水圍鐵路站
276A 太平 - 天恆 天水圍鐵路站
869 沙田馬場 往 天水圍市中心總站 天水圍鐵路站
E34A 機場(地面運輸中心)總站 - 天水圍市中心總站 天水圍鐵路站
城巴
969 天水圍市中心 - 銅鑼灣(摩頓台) 天水圍鐵路站
專線小巴
33 元朗泰豐街 - 下白泥(經屏廈路)
34 元朗泰豐街 - 流浮山(經屏廈路)
35 元朗泰豐街 - 沙橋(經屏廈路)
紅色小巴 元朗 - 屯門置樂花園/荃灣/佐敦道

睇埋[編輯]

出面網頁[編輯]