聽那臘飛島（西班牙文：Tenerife，音/teneˈɾife/）係西班牙加那利群島最大島，面積2,034平方公里。佢亦係群島入面最多人住嘅島，住咗89萬人。西班牙最高峰泰德峰，就係喺呢座島度。
地名取自當地土王之名。
呢個島嘅位置係歐洲同埋北非去中美洲嘅重要海運航道，所以自從大航海時代以來都有重要戰略價值。而家嘅主要產業包括農業（種香蕉、釀葡萄酒）、煉油業、旅遊業。島上面嘅旅遊設施主要服務來自西班牙本部、德國、英國嘅遊客。
