背甲

背甲（Carapace）即係動物外殼嘅上面嗰部分。好多動物都有，包括節肢動物（例如甲殼類、蛛形類），仲有脊椎動物，例如龜同陸龜（Turtles and tortoises）。龜同陸龜下面嗰塊殼，就叫做 plastron（腹甲）。

甲殼類

對蝦（prawn）嘅結構圖，紅色標示嘅部分係 carapace（背甲）

甲殼類（Crustaceans）入面，carapace 主要係用嚟保護頭胸部（即頭同胸黐埋一齊）。後面嗰段就係腹部。如果背甲向前突出過對眼，嗰部分叫 rostrum（額劍）。唔同甲殼類，背甲硬度都唔一樣，有啲好硬，有啲冇咁硬 。

浮游生物入面嘅甲殼類都有 carapace，例如水蚤、介形蟲、等足類。不過等足類只係得一塊「頭盾」，主要遮住個頭。

蛛形類

蛛形類（arachnid）嘅結構圖，紫色標示嘅部分係 carapace（背甲）

喺紐約長灘見到嘅 淑女蟹（lady crab）蛻落咗嘅背甲

喺蛛形類（Arachnids）入面，carapace 係由前身部嘅背板合埋而成嘅一塊硬殼 。

上面有眼、眼丘，仲有 收穫蛛 嘅「臭腺」開口，同其他毛狀構造。有啲類群（例如 避日蛛、裂腹蛛），carapace 可能會分成幾塊。

喺 收穫蛛 度，有啲人會將 carapace 同「頭胸部」混埋嚟講，其實咁樣唔準確。因為 carapace 只係指背面嗰部分，唔係成個頭胸部。

龜同陸龜

呢張相係一個希臘陸龜嘅殼，由下面打開，可以見到入面嘅骨骼。

Carapace（背甲）係 龜 嘅殼結構入面， 屬於 背部 嗰邊、向上拱起、凸出來嘅部分。 佢主要由幾樣嘢組成：動物嘅 肋骨、皮膚形成嘅裝甲，同埋一塊塊嘅 角質甲片 。