能得利

能得利谷古告白牌

香港戰時一啲能得利嘢食

能得利，亦即今日雀巢英國有限公司 ，原本英國糖果公司兼品牌，一九八八年畀雀巢公司收購。至初公司喺約郡。佢有唔少出名產品，一八八一年能得利果汁軟糖，一九三五年有奇巧朱古力，一九四八年寶路薄荷糖，一九六二年八點後薄荷朱古力。另外一九六九年同麥堅妥時合拼，得花街朱古力拖肥。

公司一八六二年創立，創自公誼會善事。十九二十世紀，佢做到英國三大糖果公司之一。另外兩大都出自公誼會。到一九八八年畀雀巢公司收購，佢經已做到世界第四大。之後能得利個名，仍然用喺果汁軟糖同果汁橡皮糖度，但公司就一九九一年消亡，化成雀巢英國。