腰斬

腰斬係死刑一種，起碼秦朝時就開始用。腰斬將犯人喺條腰斬開兩截。劊子手要犯人快死，就喺上一啲部位開刀；如果要犯人慢啲死，就喺下一啲部位動刀。如果慢死，上截往往係活，過一陣時間先痛死。

受刑人

• 李斯，秦國丞相
• 晁錯
• 公孫敖
• 劉屈氂
• 楊惲
• 虞放
• 王涯
• 舒元舆
• 方孝孺
• 高啟
• 俞鴻圖，清朝官員，因試題外洩，雍正十二年受死。嚮受刑時佢嚮血泊中手指點血，地上面連續寫咗七個「慘」字先死得。雍正帝知道之後，宣布廢除腰斬。

第啲意思

而家講嘅「腰斬」係解個活動因為一啲不原因而中途停止，好似足球賽遇到落雨行雷、電視劇無收視、開會有人搗亂等等。

參考

1. 《清史稿·本紀九·世宗本紀》：（雍正十二年三月）戊戌，河南學政俞鴻圖以婪贓處斬。
2. 《清史稿·列傳八十一》：（雍正）十一年，（王士俊）疏劾學政俞鴻圖納賄行私，命侍郎陳樹萱按鞫，得實，鴻圖坐斬。