芥子園畫傳

出自維基百科,自由嘅百科全書
Jump to navigation Jump to search
教畫葉
教畫扇,有色
教山水

芥子園畫傳》,亦名《芥子園畫譜》,一本,教人畫水墨畫,仔細教人種種畫法。初集大清康熙年間出,近代唔少畫家都靠佢學成。芥子園李漁南京別墅。

本書並非一人之作,誠合多人力而成。主要有王氏三兄弟,王概王蓍王臬,尚有諸升等人。主持編著嘅沈因伯,清初著名文士李漁女婿[1]。此書後尾亦有人增補,如巢勛就重新編過,所以唔同版本,有所謂一集二集三集咁。

初學畫要靠畫譜。前代都出過一啲畫譜,不過講質素,都唔及芥子園畫傳,有仔細講解。此本一出,公諸於世,即風行天下。

畫傳為雕版彩色印刷,可謂清初印刷佳作。覆刻重刊多次,得到世人推崇,近代畫家如黄賓虹齊白石潘天壽傅抱石等,皆以此書作學習範本[2]

緣起[編輯]

李漁有園叫芥子園,有女婿叫沈因伯,字心友。李漁想出本教畫書。沈心友有學畫,收藏咗大明畫師李流芳畫譜,課徒山水稿四十三頁。沈心友交畫譜畀王概、王蓍、王臬、諸升等人,編修增幅,想造成水墨畫教本。首部芥子園畫傳,分五卷,一六七九年出版,版有五色。李漁發行,並寫序。首卷講原理,叫青在堂畫說,點畫水墨畫,卷二講樹,卷三講山石,卷四講人及屋宇,卷五為名家選集,臨摹四十幅。

原本無嘅畫人

後尾重有兩部,講花草,王氏三兄弟所發行,一七〇一年出版。沈心友想發行多部講人,不過始終無出到。於是乎,坊間有人搵快錢,自行加多部,不過質素麻麻。巢勛睇唔過眼,自制續集,小心重制頭三部。以後刊本,多數都係巢勛版本。

重刊[編輯]

由於寫畫嘅人甚多,此書大受歡迎。此書在大清,在日本,都有重刊。日本正值江戶時代,此書影響唔少畫家。

  • 乾隆四十七年蘇州再版,一到三集本。
  • 嘉慶二十三年,有一至四集本。
  • 光緒二十四年六巻本。光緒本最出名。


日本元祿年間(一六八八年到一七〇四年),由大清傳到日本。寛延年代(一七四八年)以來、日本翻刻本都唔知幾多次。

目錄[編輯]

卷一

  • 樹譜
  • 山石譜

卷二

  • 人物屋宇譜
  • 摹仿各家畫譜
  • 橫長各式
  • 宮紈式
  • 折扇式
  • 增廣名家畫譜

卷三

  • 蘭譜
  • 竹譜
  • 梅譜
  • 菊譜

卷四

  • 翎毛花卉譜
  • 增廣名家畫譜

[編輯]

  1. "善本掌故:《芥子園畫傳》". (原先內容喺2018年10月7號歸檔). 喺2018年11月5號搵到. 
  2. 芥子園畫譜目錄