英文圈

英文圈（粵拼：jing1 man2*4 hyun1；英文：Anglosphere）指以英文做法定語言嘅地區，最主要嘅包括咗英國、澳洲、紐西蘭、愛爾蘭、加拿大（唔包魁北克省）同埋美國。

國家

英國

内文：英國

英國（UK）係由大不列顛島上面嘅英倫（England）、蘇格蘭（蓋爾話：Alba）同威爾斯（威爾斯文：Cymru），加埋愛爾蘭島東北部嘅北愛爾蘭（Northern Ireland）共同組成，仲包括 1,098 個島仔同埋一啲海外領地。英國本土係喺歐洲大陸西北面嘅不列顛群島，畀北海、英倫海峽、塞爾特海、愛爾蘭海同大西洋包圍。

近代英國藉住300幾年嘅貿易、移民同埋武力征服，曾經將帝國嘅殖民地伸展到世界各地，喺高峰期領土遍及地球四分之一嘅土地，包括晒南極洲在內嘅七大洲、四大洋，據統計，1920年英國嘅殖民地人口有多過四億，土地面積達3500萬平方千米。無時無刻都有部份英國領土畀太陽曬住，所以英國亦都畀人叫做「日不落帝國」（the sun never sets on the British Empire）。

美國

内文：美國

美國，即美利堅合眾國（英文：United States of America，縮寫為U.S.或者U.S.A.‎，或常簡稱為America、United States或者The States，花名 Uncle Sam），以前因為佢國旗嘅花紋而俾人叫做花旗國（喺清朝末年），係北美洲一個國家，北面接壤加拿大，南面接壤墨西哥。首都係華盛頓哥倫比亞特區（Washington, D.C.），最大城市係紐約市（New York City）。

喺廿世紀，美國一路有龐大嘅文化影響力，產出咗好多電影同電子遊戲等嘅影視娛樂產品，將美式英文傳到去全世界。

加拿大

内文：加拿大

加拿大（英文、法文：Canada，英文發音：[ˈkænədə] ；法式法文發音：[kanada]；魁北克法文發音：[kanadɔ] ）係世界上國土第二大國，佔咗北美洲北部嘅大部分，南部同西北部同美國接壤，海域東去到大西洋西部，西去到太平洋東部，北去到北冰洋。每年7月1號係加拿大國慶。

加拿大聯邦係由加拿大十個省同埋三個地區組成嘅。加拿大行雙文制度同埋係一個多元文化主義嘅國家，官方語言係英文同法文（尤其係魁北克省主要係用法文嘅）。喺一個咁先進嘅工業化國家，加拿大保持住多元化嘅經濟，喺好大程度上依賴豐富嘅自然資源。

加拿大嘅卑詩省有好多粵籍華僑。

澳洲

内文：澳洲

紐西蘭

内文：紐西蘭

英文圈嘅地圖；最深嗰幾笪就係所謂嘅「核心英文圈」，包括英國、美國、加拿大、澳洲同埋紐西蘭。

睇吓

• 大英帝國
• 英文純化
• 日耳曼語言