茜蒂啊斯瑪

出自維基百科,自由嘅百科全書
茜蒂啊斯瑪陪同馬哈迪接見菲律賓總統杜特地(2019年3月7號)

茜蒂啊斯瑪Siti Hasmah Mohamad Ali1926年7月12號—)係馬來西亞第四同第七任首相馬哈迪嘅老婆。畢業於星加坡國立大學

評價[編輯]

2019年11月3號,茜蒂啊斯瑪(中)出席喺泰國曼谷舉行嘅第35屆東盟峰會

茜蒂啊斯瑪為人低調、和藹可親,唔中意週時喺鏡頭前蒲頭同接受封號。茜蒂關心馬來西亞國內嘅後生、吸毒以及健康醫療等公共議題,都週時捐款畀好多民間慈善機構;佢喺受訪時會不時關心記者嘅工作情況,受馬來西亞人民愛戴同尊重,畀該國人民稱為「永遠嘅第一夫人」[1]

個人榮譽[編輯]

2019年7月16號,茜蒂啊斯瑪獲頒2019年亞洲人力資源發展獎「終身成就獎」。2019年亞洲人力資源發展獎喺一個文告中講,佢係因為「對大馬公共衛生領域發展作出傑出貢獻」而獲得認可[2][3]

2019年8月22號,亞洲策略同領導研究院(ASLI)特別頒發「國家之母」(Ibu Negara)榮譽於茜蒂啊斯瑪,以示讚揚。主席謝富年表示,佢係表彰茜蒂喺馬哈迪致力於國家建設嘅旅程中,成為佢堅強後盾並作出犧牲;同時,謝富年表示茜蒂哈斯瑪嘅魅力、優雅、高貴同沉穩,令佢贏得所有馬來西亞人嘅愛、尊重同欽佩[4]

2019年11月24號,茜蒂啊斯瑪榮獲由國際建築學會(NBII)授予嘅婦女建國獎(Women's Nation-Building Award)。國際建築學會表示,個獎係對茜蒂喺濫用藥物、婦女健康、生育計劃、農村婦女發展同成人識字率方面作出嘅貢獻,給予認可[5]

著作[編輯]

  • 《我個名係哈斯瑪》(茜蒂啊斯瑪喺2016年90歲生日嗰日發布嘅自傳[6]

個人生活[編輯]

馬哈迪同老婆茜蒂啊斯瑪畫像
馬哈迪同茜蒂啊斯瑪到霹靂州度假(2007年5月)

婚姻[編輯]

茜蒂啊斯瑪就讀大學期間,同馬哈迪係同班同學。當時全班有70人,其中大部分係華裔學生、馬來裔學生有七人,女學生得茜蒂一人,因此佢喺班上幾受歡迎。馬哈迪好學而且珍惜就學機會,成績喺班上相當優異並成日協助成績較差嘅同學;茜蒂嚟自吉隆坡,家族具名望,佢欣賞馬哈迪嘅學識同政治理念。喺上大學之前,茜蒂冇學過物理,好擔心自己因此留級,馬哈迪因協助輔導課業成為茜蒂嘅良師益友,佢哋嘅關係亦由普通朋友成為戀人。

馬哈迪喺過去除咗同女性家人相處之外,從未同其他女性來往,茜蒂係佢嘅初戀;直到兩人準備步入婚姻前,馬哈迪仍羞於對佢開口。茜蒂曾於受訪回憶當年馬哈迪求婚時微笑表示:「馬哈迪當時好怕醜,佢乜都冇對我講,只係寫咗一張英文寫嘅LOVE字條畀我!」由於馬哈迪同茜蒂兩人嘅家庭背景差異懸殊,當馬哈迪向女方家提親時,遭到強烈反對,後兩人喺1956年8月完婚[7]

屋企[編輯]

參考[編輯]

  1. . www.sinchew.com.my. 喺2021-04-01搵到.
  2. "2019亚洲人力资源发展"颁奖典礼 敦西蒂获颁终身成就奖 中国报 ChinaPress. www.chinapress.com.my. 喺2021-04-17搵到.
  3. 洲人力资源发展奖 首相夫人膺终身成就奖. www.enanyang.my (簡體中文). 2019-07-18. 喺2021-04-17搵到.
  4. 马新社, 2019年 8月 22日 星期四 10:56 上午 Myt. 默成为敦马后盾和牺牲 西蒂哈斯玛被誉为"国母" 精彩大马. www.cincainews.com (中文). 喺2021-04-17搵到.
  5. 相夫人荣获妇女建国奖 国内. 方網 馬來西亞東方日報 (簡體中文). 喺2021-04-17搵到.
  6. 茜蒂哈斯玛90岁出书:有些故事孩子都不知. www.sinchew.com.my. 喺2021-03-30搵到.
  7. 稿:"千面总理"马哈蒂尔. news.sohu.com. 喺2021-04-27搵到.