荃灣綫

出自維基百科,自由嘅百科全書
跳去: 定向搵嘢
荃灣綫
Tsuen Wan Line
荃灣綫荃灣站2號月台

荃灣綫荃灣站2號月台

Tsuen Wan Line.svg
16
簡稱 TWL
類別 重型鐵路系統
長度 16公里
地區 荃灣葵青深水埗油尖旺中西
通車日期 1982年5月10號
電化模式 1500伏特直流電
軌距 混凝土道床段:1432毫米
開放式路段標準軌:1435毫米
雙線區間 全綫
閉塞方式 車內訊號閉塞式(ATP
營運最高速度 每小時80公里
用車 都城嘉慕電動列車(M-Train)

荃灣綫係由港鐵營運嘅鐵路綫。條綫由香港島,經九龍西,去到荃灣。喺1982年5月10號通車,因為總站設喺荃灣,所以叫荃灣綫。2004年為止,荃灣綫總共有16個車站,當中有8個係轉車站(荔景站美孚站太子站旺角站油麻地站尖沙咀站(可以行去尖東站西鐵綫)、金鐘站中環站(可以行去香港站東涌綫或者機場快綫)),係香港地鐵最繁忙嘅路綫嚟。當中荃灣站葵興站葵芳站同埋荔景站4個車站係架空或者地面,其餘全部喺地底。荃灣綫列車一列8卡,喺路綫圖裏面用紅色代表。

路綫圖[編輯]

港鐵荃灣綫路線圖(按真實地形繪畫)

歷史[編輯]

港鐵荃灣綫葵興站往大窩口嘅隧道
港鐵荃灣綫太子站

地下鐵路嘅誕生同埋早期系統(1967-1970)[編輯]

荃灣綫,喺1960年中研究興建地鐵計劃就有,係4條路綫之一。佢落成之後嘅設計,同初期規劃好唔同。主要係車站名,同埋荃灣衞星城市裏面嘅站位唔同。初期計劃嘅終點站「荃灣西站」,係喺家下荃灣站重要西嘅山谷,以方便第時伸到去屯門。2003年開通嘅西鐵嗰個站唔係原先嗰個“荃灣西站”。除此之外,荃灣站到荔景站一段,最初設計係起喺地底,係經葵涌貨櫃碼頭一帶,而唔係好似家下咁起喺高架橋上面。重有九龍佐敦站尖沙咀站都係轉車站。

修正早期系統(1974-1975)[編輯]

香港整體運輸研究(1976-1977)[編輯]

1976年,政府再邀請顧問公司,對香港嘅交通發展作出研究,發表首份《香港整體運輸研究》,當中建議興建地鐵荃灣綫。

1977年,荃灣綫工程獲批,隨即動工。雖然九龍彌敦道一段,1979年已經起好兼行緊,但係荃灣站到深水埗站一段,就要到1982年5月10號先正式投入服務。所有位於深水埗區嘅車站(深水埗站長沙灣站荔枝角站同埋美孚站),要喺荃灣綫通車之後一個禮拜,先至有得用。

荃灣綫有最少8個車站嘅名,同最初計劃嘅名稱唔同。中環站、油麻地站同旺角站,最初係用街道命名,分別係遮打道窩打老道同埋亞皆老街,後來先改成地區名。此外,旺角站本來係計劃起喺比而家更北嘅位置,並無太子站;而深水埗站原本計劃係起喺比而家南啲嘅位置。

另外,美孚站本來叫做「荔枝角站」;而荔枝角站就叫「長沙灣站」;長沙灣站應該叫做「蘇屋站」。位於荃灣區嘅葵芳站本來係叫「垃圾灣站」,呢個名係取自葵芳填海前嘅海灣,即係垃圾灣(又叫醉酒灣)。而葵興站本來係叫「葵涌站」。葵芳站、葵興站、荔枝角站同埋長沙灣站4個車站,都喺通車前改做而家嘅名。美孚站就由「荔枝角站」改名做「荔灣站」。其餘車站嘅中文名都喺開幕前全部改番。最終「荔灣站」亦都喺1985年改做現時嘅「美孚站」。

東涌綫轉車站(1997)[編輯]

東涌綫正式落實興建嗰陣,荃灣綫要個轉車站,唔係乘客就要坐晒全程去中環站,先至可以喺香港站東涌綫。地鐵選擇咗荔景站做轉車站,於是荃灣綫北行路軌要重鋪,荔景站月台改成雙層,以便騰個位出來同東涌綫轉車。新月台喺1997年7月2號正式啟用,比東涌綫早成年。

九廣鐵路轉車站(2003-2005)[編輯]

九廣鐵路公司起成九廣西鐵(而家嘅西鐵綫)同埋九廣東鐵(而家嘅東鐵綫尖沙咀支線,地鐵站亦有改動配合。美孚站同埋尖沙咀站要起多咗出入口,同埋有行人隧道分別駁去九廣鐵路嘅美孚站同埋尖東站。2003年,美孚站嘅轉乘通道(D出口),喺九廣西鐵通車嗰日同時啟用,乘客可以直接行行人通道去西鐵美孚站;而尖沙咀站同東鐵尖東站之間嘅轉乘通道(即係F、G出口),G出口喺2004年10月24號同九廣東鐵尖沙咀支線通車一齊啟用,連接尖東站麼地道嘅行人隧道。至於F出口就要到2005年3月30號先至啟用,連接尖東站中間道行人隧道。

用車[編輯]

全線採用英製都城嘉慕電動列車(M-Train),總共36列,一列8卡,由通車用到家下,不過1998年到2001年間,都全部翻新過。車以英製都城嘉慕電動列車第2a代車卡為主,第2a代車卡係英製列車之中佔最多嘅車卡。2004年初亦曾有用過南韓造車卡。

下行(往中環 都城嘉慕電動列車車廂編組 (往荃灣上行
AXXX(單數號碼) - CXXX(單數號碼) - DXXX - B4XX - C4XX - DXXX - CXXX(雙數號碼) - AXXX(雙數號碼)
  • 都城嘉慕電動列車車廂編組註解:
    • AXXX - 有駕駛室負責操控嘅動力車廂
    • B4XX - 操控嘅動力車廂動力推動卡
    • CXXX/C4XX - 附集電弓嘅電力車廂
    • DXXX - 拖卡

車站一覽‧接駁路線[編輯]

車站套色同埋名 喺邊區 車站接駁 啟用日期
荃灣綫
荃灣 荃灣區 [TWW] 1982年5月10號
大窩口
葵興 葵青區
葵芳
茘景 東涌綫
美孚 深水埗區 西鐵綫 1982年5月17號[TWL]
茘枝角
長沙灣
深水埗
太子 油尖旺區 觀塘綫 1982年5月10號
旺角 觀塘綫[MKE] 1979年12月31號[KTL]
油麻地 [YMT] 1979年12月22號[KTL]
佐敦 1979年12月16號[KTL]
尖沙咀 西鐵綫[ETS]
金鐘 中西區 港島綫南港島綫 1980年2月12號[KTL]
中環 港島綫
附註
KTL KTL KTL KTL 由於荃灣綫而家行嘅呢一段係屬於修正早期系統嘅原有路段,所以以修正早期系統嘅啟用日期為準。

TWL 荃灣綫列車曾經喺1982年5月10號至16號間以唔停站方式途徑呢個站,但係車站喺同一年嘅5月17號先至正式啟用。

ETS八達通轉車要先出入閘,單程票乘客就要喺轉車期間買過張單程票。

YMT 油麻地站喺路線圖上面以一個轉車站形式出現,但係列車廣播從來唔會建議乘客到嗰個站轉車。由於車站只係觀塘綫嘅終點站,車站設計上唔係跨月台轉車站,乘客要行去另一層月台先至轉到車,所以路線圖上嘅標示係話畀乘客可以喺呢個站轉另一條線。

SCL 根據運輸及房屋局提交嘅沙田至中環綫合併方案,東鐵綫將連接計劃緊嘅沙田至中環綫嘅第四條過海鐵路部份,成為南北走廊。而家暫時未能夠落實有關計劃嘅發展日期。

SIL 根據港鐵公司提出嘅南港島綫方案,會起南港島綫東段南港島綫西段,為港島南區提供鐵路服務。南港島綫東段將會喺2015年或之前通車,而西段就未確定幾時通車。

MKE 旺角站唔係接駁東鐵綫旺角東站嘅車站,但係可以經行人天橋行10至15分鐘去車站。

TWW 荃灣站並唔係接駁西鐵綫荃灣西站嘅車站,但係可以利用八達通免費轉專線小巴95K或者行大概15至20分鐘去車站。