荊豆

黃花

荊豆呢種草木，被子植物，會開花嘅。生物學分類歸豆科荊豆屬，亦即會結荳，西歐原生，但去到其他地方，會睇成入侵物種，好似紐西蘭就幾嚴重下。中國四川城口，法國神父種喺教堂附近，結果生出一大片。

一大羣開花，花香極濃，有陣椰子油味。

描述

灌木

灌木來，常綠，生到四米半高 。幼莖綠，芽葉化成綠刺，長一到三厘米。啲苗頭幾個月，葉生得正正常常，三葉形嘅，好似三葉草啲細葉。

花黃，長一兩厘米，豆科典型蝶花結構。全年都開得花，春天時間開得長。花香似椰子味，花蜜少，等蜜蜂專心採花粉，等佢可以傳粉。

菓即係荳，有豆莢，長兩厘米，深紫啡色，花剩低部份，淡啡色，包住住少少荳。莢入便有兩三粒籽，硬身、黑黑地、有光澤，天口熱就開，種子就彈晒出來。種放卅年，都可以生。

荊豆與荊豆屬好多品種，都歸做火燒頂級植物，好易着火，火燒後根就重新生長。咁可以燒死其他草木。啲種火燒之後就發芽。佢有主根、側根、不定根。非常粗生，抗逆植物，頂得到零下廿度，活上卅年。

生態學

豆科一般都曉固氮，固氮喺泥入面。

入侵物種

荆豆視為雜草，引入到歐洲其他地區，引入到美洲、紐西蘭、南非、澳洲。某啲地區，尤其美國西部、智利、紐西蘭，入侵物種問題好嚴重。紐西蘭引自英國，用來做樹籬，但氣候實在好過英國，啱晒佢生長，無天然捕食者，農民視為害草。

斯里蘭卡賀頓平原國家公園，荆豆入侵山地草原。競爭勝過原生本地物種，又帶來火災。

咁就要生物防治，荊豆葉蟎、金雀花象鼻蟲都阻到擴散。

種植

樖嘢有一啲用法，用來做樹籬，用來做地界，用來做地被植物，開陽地方就啱晒。皇家園藝學院都畀過獎畀培育品種。

用

用石來挫豆荆

石挫豆荆，用來餵馬餵牲畜。 花瓣香濃，烹飪用得到。

啲種有凝集素，抽出有用途，驗到人紅血球子孟買血。又染內皮細胞，又用來分離體外培殖。