莊鍶敏
| 莊鍶敏 | |
|---|---|
 | |
| 出生日 | 1980年5月1號  （43歲） |
| 國籍 | 香港 |
| 母校 | 香港珠海學院、香港真光中學 |
| 職業 | 演員、racing automobile driver |
[改維基數據] | |
莊鍶敏（Jacquelin Ch'ng，1980年5月1號—），改名前叫莊思敏，係香港模特兒、演員，亦係無綫電視女藝員，馬來西亞出世。
經歷[編輯]
莊鍶敏喺馬來西亞出世，1985年移居香港，讀過寶血小學同埋香港真光中學，喺珠海書院修讀商科大專一年級嗰陣，佢索性退學全職做模特兒[1]。莊思敏喺2000年入行，喺唔同商場嘅活動行Catwalk同埋做司儀。2010年8月12號，佢承認自己曾經整容同埋隆胸，又表示一直都唔滿意自己嘅身材，試過用唔同方法豐胸，例如食藥同人手按摩等等，但效果唔理想。[2]
2010年代起，莊鍶敏除咗活躍香港影壇之外，亦開始接拍無綫電視劇集。
2018年，佢走向幕後找來金主投資電影《逆流大叔》，兼任「聯合出品人」同演員，飾演黃德斌嘅太太。[3]
演出[編輯]
電視劇（香港電台）[編輯]
- 2014年《IT行者》
電視劇（無綫電視）[編輯]
| 年份 | 劇名 | 角色 |
|---|---|---|
| 2011年 | 你們我們他們（單元：一個人的快樂聖誕） | Emily（單元角色） |
| 2013年 | 好心作怪 | 公關小姐Yan（第8集） |
| 2015年 | 四個女仔三個BAR | 姚律師 |
| 愛·回家 | David（第742集） | |
| 2016年 | 潮流教主 | 石慧珊（Danielle） |
| 幕後玩家 | 秦昇月（Moon、大姑媽） | |
| 2017年 | 乘勝狙擊 | 夏美詩（Veronica） |
| 我瞞結婚了 | 宋菲瑜 | |
| 老表，畢業喇！ | Queenie（第2集） | |
| 降魔的 | 艷女（第1集） | |
| 誇世代 | 尚可頌（第11、12、49、50集） | |
| 溏心風暴3 | 許雅莉珊（Alice） | |
| 2018年 | 波士早晨 | 蘇菲雅（Sophia）（第1、4、5集） |
| 愛·回家之開心速遞 | Cherry（第351、361、373、390集） | |
| 2019年 | 荷里活有個大老千 | 露絲 |
| 解決師 | 莊副校 | |
| 2020年 | 迷網 | 關詠芯（Mary）（第14-20集） |
| 香港愛情故事 | 盛曉彤（Sophia） | |
| 2021年 | 逆天奇案 | 珊（第15-16集） |
| 一笑渡凡間 | 任璇璣（第10-15集） | |
| 青年心城之撐起青春 | 盛曉彤（Sophia）（第2集） | |
| 十月初五的月光 | 金太（第2集） | |
| 未播 | 有種好男人 | |
| 拍緊 | 法言人 | Joelyn |
電視劇（其他）[編輯]
| 年份 | 劇名 | 角色 |
|---|---|---|
| 2019年 | PTU機動部隊 | 杜醫生 |
| 2020年 | 戰毒 | 馬君 |
其他電視節目（無綫電視）[編輯]
- 2015年：今日VIP
- 2015年：今晚睇李
- 2015年：超強選擇1分鐘
- 2016年：新春開運王
- 2016年：Sunday好戲王
- 2016年：男人食堂
- 2017年：最緊要好玩
- 2017年：最緊要好好玩 消暑版
電影[編輯]
| 上映年份 | 電影名 | 角色 |
|---|---|---|
| 2005年 | 《龍咁威II之皇母娘娘呢？》 | 機場特警 |
| 2008年 | 《我老婆係賭聖》 | 古住枝女友 |
| 2010年 | 《婚前試愛》 | 雪兒 |
| 《猛男滾死隊》 | 陳浩蘭 | |
| 《潮性辦公室》 | ||
| 《無價之寶》 | ||
| 2011年 | 《人約離婚後》 | 雪兒 |
| 《喜愛夜蒲》 | Jacquelin | |
| 《猛鬼愛情故事》 | ||
| 《嫁個100分男人》 | ||
| 2012年 | 《喜愛夜蒲2》 | |
| 《天生愛情狂》 | ||
| 2013年 | 《古惑仔：江湖新秩序》 | |
| 《2013我愛HK 恭喜發財》 | ||
| 《第一次不是你》 | ||
| 《溝女不離三兄弟》 | ||
| 2014年 | 《3D冰封俠》 | |
| 《Delete愛人》 | 蘇依時 | |
| 《黑色喜劇》 | ||
| 2015年 | 《小姐誘心》 | 詩詠 |
| 《浮華宴》 | ||
| 《沒女神探》 | 即刻Lin | |
| 《猛龍特囧》 | ||
| 《碟仙碟仙》 | 敏 | |
| 《港囧》 | 楊伊助手 | |
| 《十月初五的月光》 | 美玲 | |
| 《紀念日》 | Jac | |
| 2016年 | 《賭城風雲III》 | 國際刑警 |
| 《PG戀愛指引》 | 鳳姐 | |
| 《我老婆係明星》 | 大排檔老板娘 | |
| 《導火新聞線》 | 談判專家 | |
| 《失戀日》 | 花姐（老千） | |
| 《辣警霸王花》 | Madam 湯 | |
| 2017年 | 《我要發達》 | 鼎太 |
| 《毒。誡》 | ||
| 《西謊極落之太爆太子太空艙》 | 賈敏希 | |
| 《愛情奴隷獸》 | ||
| 2018年 | 《我的情敵女婿》 | |
| 《逆流大叔》 | 葉惠霞 Yvonne（客串，同時亦係聯合出品人之一）[4] | |
| 《告別之前》 | ||
| 《冰封俠：時空行者》 | ||
| 《有罪》 | ||
| 2019年 | 《如珠如寶》 | |
| 《追龍II：賊王》 | 霍太太 | |
| 2020年 | 《我的筍盤男友》 | |
| 《阿索的故事》 | Janet | |
| 未上映 | 《女子監獄》 | |
| 《婚姻的童話》 | ||
| 拍緊 | 《紮職2》 |
家庭[編輯]
爸爸莊寶係馬來西亞商人[5]；母親江玉珠係前麗的電視藝人，舅父是導演江道海。二位孿生妹妹係莊思華同埋莊思明，後者都係藝人[5]，另外仲有細佬莊順勝[6]。傳媒喺唔少涉及莊思明嘅新聞嘅時候（例如：莊思明洩露國泰機組人員私隱事件）都會訪問到莊鍶敏[7][8]。
感情生活[編輯]
莊鍶敏曾經同吳浩康拍拖5年，去到2011年8月分手[9]。分手後，佢話8年間無真正戀愛過，又話面對戀愛對象，亦唔敢太過挑剔，但姊弟戀就暫時唔考慮。[10]
2019年9月，莊鍶敏喺社交網公開同台灣珍珠奶茶店東主Brian（楊秉逸）嘅戀情[11]。2020年2月，異地戀發展未夠半年男方就喺布吉向女方求婚，二人喺香港正式簽紙結婚[12][13]。
政治立場同爭議[編輯]
莊鍶敏一直都被視為親中共派嘅支持者，曾經人身攻擊過黃之鋒係河童，又曾經同過撐民主派嘅網民喺度嘈交[8]，亦出席過曾經涉嫌刑事毀壞嘅激進組織香港同心會嘅活動[8]。2020年7月，愛國電影《時代》開拍嗰陣，記者就套戲嘅題材問莊思敏係咩立場嗰陣，佢直接認套戲某程度上係一種表態[14]。
佔中運動期間人身攻擊黃之鋒[編輯]
莊鍶敏喺佔領中環活動醞釀嗰陣，已經好高調咁反對佔中。2014年9月，佢喺微信朋友圈貼出黃之鋒同河童嘅相，恥笑黃之鋒個樣似河童，又留言話「唔好再扮人，收手啦」，即刻引嚟網友圍攻佢，直接話佢唔應該因為人地同自己政見唔同而人身攻擊[15]。
唔知頭唔知路下支持「禁蒙面法」[編輯]
2019年10月，政府用緊急法嘅方式無問過立法會，就推出咗「禁蒙面法」，莊鍶敏喺唔知頭唔知路嘅情況下就話支持[16]，之後畀梁芷珊抨擊[17]。
2019年香港區議會選舉前夕[編輯]
2019年11月23號，即係喺2019年香港區議會選舉之前一日，中華人民共和國外交部駐香港特別行政區特派員公署喺自己Facebook專頁上載咗一條由40幾個藝人拍攝嘅片段，內容主要目的係叫人用選票拒絕暴力。莊鍶敏同個妹妹莊思明都喺裏面[18][19]。
參與造假支持港版國安法聯署[編輯]
莊鍶敏亦有份參與支持未經諮詢、大部分香港人都反對嘅港版國安法嘅聯署[20]，但有關聯署之後被揭發做假，其中名單上嘅張寶華、徐熙媛、李巧靈同蔣志光之後否認有份參與，而陳汝騫就一早離世[21]。
其他事件[編輯]
同王宗堯就電影《導火新聞線》角色罵戰[編輯]
2015年12月，莊鍶敏向傳媒表示自己原定喺電影《導火新聞線》演記者，後因為開拍另一電影將頭髮染金，之後老闆將佢嘅角色轉為談判專家，但角色需要深色頭髮。莊鍶敏表示，試造型嗰陣聲稱可以戴假髮或噴黑彩，但《導火新聞線》第一男主角王宗堯指佢咁做就唔適合演呢個角色。其後莊鍶敏質疑王宗堯點解可以決定另一個演員嘅演出機會。王宗堯反駁如果為出鏡曝光就咩角色都做，噉樣唔係真正用心嘅表演，同臨時演員無分別，又要求莊對香港電影有所尊重。[22][23]
獲頒疑未經認受榮譽博士引發網民罵戰[編輯]
莊鍶敏喺2018年獲國際美洲大學頒發榮譽工商管理博士學位，但該校未被任何教學認證機構承認，而且大學聯絡地址只係一個寫字樓，被質疑係野雞大學，其後引發網民罵戰[24][25]。
被開價出席飯局[編輯]
曾經有流言提及一啲女明星出席飯局嘅價錢，其中莊鍶敏被指價錢係1200萬。佢承認有人搵過佢，但佢一口拒絕。佢又話一開始覺得好嬲，但之後覺得匪夷所思[26]。
碎料[編輯]
莊鍶敏對做生意情有獨鍾，先後經營過酒吧、時裝店、點心店等生意，但都損手離場。但去到2021年11月，有傳媒報道佢同朋友夾埋再戰商場，合作喺觀塘開設珍珠奶茶店『品茶』[27][28]。去到2022年武漢肺炎疫情期間，佢嘅珍珠奶茶店亦因職員染疫要停業7日[29]。
參考[編輯]
- ↑ 〈女人的事業莊思敏〉. 東周網. 2010年8月24日. 原著喺2015年5月5日歸檔. 喺2015年5月5日搵到.
- ↑ 〈莊思敏大變身 承認隆胸割雙眼皮〉. 新浪新聞. 2010年8月13日. 原著喺2012年1月18日歸檔. 喺2012年8月31日搵到.
- ↑ 〈【莊思敏專訪1】富家女背景令她加倍努力 莊思敏獲老戲骨稱讚〉. 《明周娛樂》 (香港中文). 2019-04-10. 原著喺2019-04-10歸檔. 喺2019-07-06搵到.
- ↑ 〈【逆流大叔】莊思敏首當電影出品人 「電影圈走下坡都想幫下手」〉. 香港01. 2018年3月4日.
- ↑ 5.0 5.1 HK, ELLE. 〈贏在起跑線但依然拼搏！盤點娛樂圈12個有錢女 | ELLE HK〉. www.elle.com.hk. 喺2022-03-13搵到.
- ↑ 〈莊思敏弟娶妻感觸眼濕濕 - 東方日報〉. orientaldaily.on.cc. 喺2022-03-13搵到.
- ↑ 林迅景 (2020-01-11). 〈莊思明公審國泰空姐唔借筆 家姐莊思敏：只能夠講佢唔夠冷靜〉. 《香港01》 (香港中文). 喺2022-03-13搵到.
- ↑ 8.0 8.1 8.2 〈【莊思明公審空姐】莊思敏代妹道歉 賴網民激進言論令事件發酵 ｜ 蘋果日報〉. 《Apple Daily 蘋果日報》 (香港中文). 喺2021-03-30搵到.
{{cite web}}: CS1 maint: url-status (link) - ↑ 〈莊思敏、吳浩康 拍拖五年終分手〉. 東周網. 2011年8月13日. 原先內容歸檔喺2018年2月26日. 喺2018年2月25日搵到.
{{cite news}}: Cite has empty unknown parameter:|dead-url=(help) - ↑ 〈【莊思敏專訪2】看透娛樂圈糖衣包裝 莊思敏考慮拍拖嫁人〉. 《明周娛樂》 (香港中文). 2019-04-10. 原先內容歸檔喺2019-06-02. 喺2019-05-21搵到.
- ↑ 〈39歲莊思敏dry足8年 公開戀台灣男Brian〉 (香港中文). 明報OL網. 2019-09-15. 原先內容歸檔喺2020-02-21. 喺2020-02-22搵到.
- ↑ 〈莊思敏39歲閃嫁台灣CEO 未婚夫社交網情人節洩「蜜」〉 (香港中文). 晴報. 2020-02-21. 原著喺2020-02-21歸檔. 喺2020-02-22搵到.
- ↑ 〈婚禮從簡屋企簽字結婚 莊思敏爆求婚當日差點同男友鬧交〉 (香港中文). 明報OL網. 2020-02-21. 原著喺2020-02-21歸檔. 喺2020-02-22搵到.
- ↑ 劉希彤. 〈《時代》社運主題中立取態睇得舒服 曹永廉：想帶出較正常的想法〉. 原先內容歸檔喺2020-07-18. 喺2020-08-13搵到.
- ↑ 〈反佔中藝人愛反口 戴志偉稱遭恐嚇 嗌報警〉. 《Apple Daily 蘋果日報》. 原著喺2017-04-24歸檔. 喺2019-10-01搵到.
- ↑ 〈【未了解「禁蒙面法」內容】莊思敏：如能令市面平靜 我絕對支持 (23:11) - 20191004 - SHOWBIZ〉. 《明報OL網》 (繁體中文). 原先內容歸檔喺2019-10-06. 喺2019-10-06搵到.
- ↑ 〈【寧願睇Coffee】梁芷珊見到莊思敏廣告眼冤：最少都要聽5秒...〉. 《Apple Daily 蘋果日報》. 原著喺2019-10-06歸檔. 喺2019-10-06搵到.
- ↑ 〈成龍、容祖兒、陳小春等數十港星齊發聲：用選票向暴力說不！〉. 《中華人民共和國外交部駐香港特別行政區特派員公署Facebook專頁》. 2019-11-23. 原先內容歸檔喺2020-02-08. 喺2019-11-23搵到.
- ↑ 〈成龍容祖兒等40多位藝人拍片 籲用選票向暴力說不〉. 《熱血時報》. 2019-11-23. 原先內容歸檔喺2019-11-23. 喺2019-11-23搵到.
- ↑ 〈香港文化演藝界發聲明支持 成龍汪明荃阿倫有份聯署〉. 《明報OL》. 2020-05-29. 原先內容歸檔喺2020-06-26. 喺2020-06-24搵到.
- ↑ 〈成龍挺港版國安法 聯署聲明驚現死者名字 - 大紀元〉. 《大紀元 www.epochtimes.com》 (繁體中文). 2020-06-01. 喺2022-09-19搵到.
- ↑ 〈【隔空爆罵戰】莊思敏爆喊斥王宗堯「斷人衣食」 (21:44) - 20151208 - SHOWBIZ〉. 《明報OL網》 (繁體中文). 原先內容歸檔喺2020-01-13. 喺2020-01-13搵到.
- ↑ 〈王宗堯寸等同臨記 莊思敏委屈爆喊反擊〉. 《on.cc東網》 (香港中文). 原著喺2020-01-13歸檔. 喺2020-01-13搵到.
- ↑ 冼燕珊 (2018-06-22). 〈莊思敏獲頒榮譽博士 網友挑機質疑認受性〉. 《香港01》 (香港中文). 原先內容歸檔喺2019-10-02. 喺2019-10-02搵到.
- ↑ 〈這個 PhD 只是我的負累〉. www.facebook.com (簡體中文). 原著喺2020-04-26歸檔. 喺2019-10-02搵到.
- ↑ 网易 (2017-11-22). 〈香港女星庄思敏被开饭局价1200万:应该不知我是拿督女儿!〉. www.163.com. 喺2022-03-13搵到.
- ↑ 〈有台灣老公指導︱莊思敏開飲料店做打雜一腳踢〉. 《on.cc東網》 (香港中文). 2021-11-07. 原先內容歸檔喺2021-11-08. 喺2021-11-08搵到.
- ↑ 〈酒吧疫境結業 莊思敏冇蝕錢：和平離場〉. 《on.cc東網》 (香港中文). 原先內容歸檔喺2021-11-08. 喺2021-11-08搵到.
- ↑ 新假期 (2022-03-10). 〈楊明湯店「燉」分店停業＋裁員 女友莊思明指租金每月蝕過百萬！姊妹莊思敏茶飲店都要停業｜飲食熱話 | 飲食〉. 《新假期》 (美國英文). 喺2022-03-12搵到.