莫三鼻給旗

莫三鼻給旗

莫三鼻給旗，係代表莫三鼻給嘅旗。旗長闊比例2:3，上中下分別係綠、黑、黃三隻色，三色之間以白條隔開，左邊有個紅色三角形，而佢嘅入面有黃色五角星、自動步槍（AK-47）、鋤頭同書本。紅色象徵幾百年來對殖民主義嘅抵抗、武裝民族解放鬥爭同對主權嘅捍衛，綠色象徵大地；黑色象徵非洲大陸；黃色象徵國家嘅礦；白色象徵莫三鼻給人民鬥爭嘅正義同和平，五角星象徵莫三鼻給人民嘅社會主義同國際主義精神，自動步槍象徵防衛同警惕，書本象徵教育嘅重要性，鋤頭象徵農業。

莫三鼻給旗亦都係全世界唯一一個入面有現代自動步槍嘅國旗。