萬人接機行動

萬人接機行動期間，有示威者展示「光復香港時代革命」直幡

萬人接機行動，係2019年8月9到11號由香港民間人士發起嘅一次反逃犯條例修訂抗議活動，喺香港國際機場接機大堂搞。呢個係繼7月26號和你飛集會之後第二次喺機場搞嘅反修例活動。皆因搞手話今次活動只係「接機」而唔係搞「集會」，所以無人向警方申請不反對通知書。

香港機場管理局因應今次活動，喺8月9號朝早6點到11號夜晚11:59期間，將香港國際機場一號客運大樓離境大堂列做限制區，只係畀有機票或者登機證離境嘅旅客同埋有員工證嘅機場員工入去。

8月12號，有人發起再入機場示威，即係百萬人塞爆機場行動。