萬松園
萬松園喺中國廣東省廣州市海珠區，江南中街道下轄嘅萬松園社區同得勝北社區，包括萬松園、萬松里、親巷。北接草芳深坑，東臨得勝崗，南有南村、隔山。
萬松園裏面嘅萬松園市場曾經係河南最大嘅市場之一。舊時，成條萬松路都係市場。家陣，萬松路嘅一端，有一個「萬松園市場」牌坊。嗰度，就係以前萬松園市場嘅入口。今日，萬松園市場喺萬松園17—19號嘅一二層。另外，重有個「松嶠」牌坊，棟喺親巷巷口。近年，牌坊上「松嶠」二字已經完全剝落；親巷嘅瓷片畫畀人貼曬辦證件嘅廣告，有啲畫重俾人整壞。
變遷
[編輯]大概2001年，萬松園11號舊樓拆咗。
2004年，萬松園酒樓執笠，原地出租畀個體戶經營。就喺同一年，萬松園小學同廣州市雲桂大街小學合併，原廣州市雲桂大街小學作為萬松園小學東校區。
2008年，萬松園11-1號同萬松園11-2號起喺萬松園11號原地，作為廣州市第一批經濟適用房。同一年，萬松園一帶開始整飾。
2011年8月，作為江南中街道辦事處嘅萬松園6-1號，同埋隔離嘅萬松園6-2號同萬松園6-3號鑑定為危房，已經拆咗並計劃重建。江南中街辦事處搬去青鳳大街4-1號。同年底，萬松園小學外牆開始拆。
交通
[編輯]廣州地鐵二號線江南西站E出口