葉觀楫

出自維基百科,自由嘅百科全書

葉觀楫1919年2006年9月2號),綽號「大聲葉」,6070年代香港電台講波佬。佢喺學生時期已經幫港幾份報紙撰寫專欄,戰後就幫香港電台講波,亦都有喺澳門嘅廣播電台講波。

葉觀楫喺電台做足球賽直播評述嘅時候非常之投入,佢講波大聲,把「豆沙喉」(聲音沙啞)加埋佢份肉緊,講到緊張關頭時直頭連自己都會大叫歡呼埋一份,唔記得咗自己做緊現場直播出緊街;不過若果冇佢咁緊張,收音機側邊又點會有咁多聽迷?有啲入咗場睇波嘅球迷為咗想睇得精采,會帶埋部收音機去聽大聲葉講波。

葉觀楫講波生鬼,創造咗唔少詞彙,好似「醫院波」、「彈琵琶」……等等,到今時今日都重係講波嘅常用術語。

佢亦都有幫香港電台轄下嘅龍翔粵劇團演出粵劇,又喺電視劇陸小鳳之鳳舞九天》飾演苦瓜大師,亦參演過電影靚妹仔》。

後來葉觀楫移民溫哥華,但係仍然活躍喺粵劇界同文化界,曾經擔任燕鳳鳴粵劇團嘅顧問,同埋幫《星島日報》繼續撰文。

2006年9月2號,葉觀楫喺溫哥華病死。後來佢個仔葉存楫亦都有喺佢自己擔任副校長嘅東華三院辛亥年總理中學校刊入面,提到阿爸喺加拿大逝世嘅事。