葉錦龍

出自維基百科,自由嘅百科全書
跳去導覽 跳去搵嘢

葉錦龍英文Sam Yip1987年8月24號—),係香港社區政治組織西飛力召集人、區諾軒議員助理,第六屆中西區區議員(石塘咀選區)。

葉錦龍2007年喺英皇書院畢業,自2015年投身中西區石塘咀選區嘅地區工作,喺第5屆香港區議會選舉挑戰現任區議員新論壇陳財喜失敗,將會喺嚟緊嘅區議會選舉再度挑戰,結果以五成半得票率成功鍊贏陳財喜,順利當選。

事件[編輯]

武漢肺炎疫情期間被民建聯成員侮辱[編輯]

2021年3月31號,葉錦龍住緊嘅西營盤均益大廈封區進行武漢肺炎檢疫,佢被送去隔離酒店檢疫。但當佢同其他居民登上往隔離營嘅巴士嗰陣,民建聯楊學明就喺旁邊大笑,叫葉錦龍「入到去要生生性性做人」,而另一名民建聯成員劉天正,亦喺旁邊大聲譏笑,又話「有病毒傳染他人就唔好」。葉錦龍批評,佢哋兩個咁做係侮辱所有要強制檢疫、不幸感染武漢肺炎病毒嘅人,包括今次嘅相關住戶,亦影射「所有於懲教院舍的人等同染疫」,其心可誅。葉錦龍又話,政府嘅抗疫隔離等同懲罰性監禁[1][2]

參考[編輯]

  1. "Emily Online|葉錦龍赴酒店檢疫 民建聯楊學明:入到去生生性性做人 (22:31) - 20210401 - 港聞". 明報新聞網 - 即時新聞 instant news (中文). 喺2021-04-01搵到.
  2. "武漢肺炎︱民建聯敗將涉譏笑隔離區議員如入獄:去到要生生性性做人 | 蘋果日報". Apple Daily 蘋果日報 (中文). 喺2021-04-01搵到.