葛城茂麿
葛城茂麿（日文：かつらぎ しげまろKatsuragi Shigemaro、1908年4月29號—1947年1月10號）係日本舊皇族，老豆係山階宮菊麿王，最高階位係陸軍中佐兼伯爵。響未皇籍脫離之前，尊稱為茂麿王。
經歷[編輯]
茂麿王1908年響東京府出世，係菊麿王細仔，阿媽係菊麿王妃常子。響佢出世三日之後，老豆菊麿王就過身。
佢分別就讀東京陸軍幼年學校、陸軍士官學校預科同埋陸軍士官候補生。1928年，佢成為貴族院議員。1929年，茂麿王畢業於陸軍士官學校，同年10月獲授勳一等旭日桐花大綬章，同年12月皇籍脫離，另起葛城伯爵家，改名叫葛城茂麿。同年佢正式開始當兵。
1933年，佢同細川獲立個女敏子結婚。1935年，佢升為正四位。後嚟佢分別升為陸軍步兵大尉同埋陸軍步兵少佐。
響1945年，日本戰敗投降，嗰時佢係陸軍中佐。
1947年，華族制度畀人廢除，茂麿王所有官位都冇嗮。同年1月10號，佢響東京帝國大學醫學部附屬醫院因白血病而過身，終年38歲（虛齡40歲）。相信死因同1945年美軍響廣島、長崎放嘅原子彈有關。同月15號，茂麿王正式下葬。
屋企[編輯]
老豆：山階宮菊麿王
阿媽：菊麿王妃常子
兄弟姐妹：大佬武彥王---二哥山階芳麿---大家姐淺野安子---三哥筑波藤麿---四哥鹿島荻麿
老婆：敏子（響茂麿王死後改嫁中島昭吉）
- 大仔：葛城茂久
- 二仔：葛城茂敬
- 大女：葛城由子（夭折）
- 細女：志甫伸子