蒼鷺與少年

日文戲名。君たちはどう生きるか。

香港上畫時戲名。蒼鷺與少年。英文The Boy and The Heron。片長一百廿四分鐘。

蒼鷺與少年，日本動畫片一部，二〇二三年上畫，宮崎駿編劇兼執導，知步里工作室出品。個名由英文The Boy and the Heron繙過來。按日文名君たちはどう生きるか，出自吉野源三郎，一九三七年同名哲學小說，應該叫你哋點過，個意思可解你哋點做人、你哋一生點渡過難關、你哋一生想點過。之不過橋段背景完全唔照小說，全部宮崎駿自創，借咗小說神髓，借題發揮，探求小說所講精神。

製片人鈴木敏夫稱之為大片，好富幻想。故仔話有男仔叫牧眞人，亞媽死後搬到鄉下住。而新居附近，發現咗座塔，經已荒廢。見到隻蒼鷺，竟然識得講嘢，更奇佢入咗奇幻世界，生死共存，不可思議。

配音陣容粒粒皆星，有山時聰真、菅田將暉、柴崎幸、愛繆、木村佳乃、木村拓哉、小林薰同埋大竹忍。

腳本深受宮崎駿童年影響，探索種種主題，好成長以及點樣面對世界，充滿衝突同失落咁。配樂任由久石讓負責，宮崎駿並唔加指示，以極簡音樂為貫通，而主題曲地球儀，就由米津玄師創作同主唱。

二〇一三年九月，做咗長片風起了之後，宮崎駿宣佈退休，唔畫長片。到二〇一八年，做緊短片毛毛蟲波羅，就改變主意。二〇一六年七月，畫草稿，起分鏡圖。二〇一七年五月，正式制作，二〇一七年十月公佈。原本想二〇二〇年夏季奧運會期間上畫，但到五月手繪得卅六分鐘，經已有成六十位動畫師參與，日期都定唔到落來。到咗二〇二二年十月，終於臨近完成。延誤又延誤，終於用咗成七年，宮崎駿畫得慢咗啲，期間又有新冠疫情。同風起了相隔咗十年。

鈴木敏夫講套片，所花成本，日本史上最高。而資金，就來自吉卜力以往作品，佢啲串流播放協議。而上畫前，專登唔做廣告，得一張宣傳海報，無預告片，亦無出相。日本評價兩極，評論家讚佢啲視覺效果、製作、音樂、美術，亦有評論話故仔有啲艱澀，唔易理解、配音帶唔到入情境。戲院發行交畀東映，二〇一三年七月十四號，日本上畫首日，票房就突破四億日圓。影片賣座，帶動吉野源三郎作品銷量同再版。

日本之外，東亞、北美、歐洲等都有上畫，亦成為話題 。全球票房有近三億美金，得第八十一屆金球獎。國際影評協會頒贈最佳動畫片獎。第五十一屆安妮獎，同新海誠執導鈴芽之旅並列七項提名，成為日本動畫電影，歷年入圍安妮獎獎項之冠。以及在第九十六屆奧斯卡金像獎獲得最佳動畫片。繼千與千尋後，日本電影界第二部得呢個獎。

情節

喪母

第二次世界大戰，太平洋戰爭嗰陣，牧眞人亞媽牧久子，入咗醫院。東京大空襲一晚，醫院火祝，眞人自始喪母。眞人知道火祝，就算走過去，乜都做唔到。眞人老頭牧勝一，航空軍工廠老闆，喪妻後續絃，再娶老婆個妹做老婆，即牧夏子。

大宅

大宅類似舊伊藤傳右衞門邸

蒼鷺

夏子住東京以外，鷺沼站嗰頭，鄕下傳統依山大宅莊園。亞爸搭火車帶眞人去夏子度避難。夏子火車站接眞人，坐人力三輪車，話畀眞人聽有娠紀。而亞爸新工廠，疏散而搬咗過來，就喺遠處，大宅望得到。後面戲中造戰機玻璃罩。夏子同眞人拾級上大宅正門，眞人初次遇到隻蒼鷺，奇奇怪怪，人家形容佢偷窺。蒼鷺從來唔入宅內，竟然見眞人就跟入去。宅內有班亞婆，大宅老工人，一共七人。大宅怪事多，眞人時時遇到似夢似眞情境。

塔

眞人住塘邊洋宅，眞人夢到火海，亞媽同佢道別。思念亞媽到飲泣。出去塘邊，見蒼鷺飛入澤邊廢塔，又闊又高，成間大屋咁。佢搵到破爛入口，積爛木石，沿級執起鷺羽。老婦唔停咁叫眞人，眞人唔再上，返返轉頭。老婦話入口原本封住，羽毛亦無影。夏子話嗰處佢亞媽個叔叔起，好鬼叻，後尾癲咗兼失踪，留低打開本書，當時夏子都未出世。日文叫佢做大伯父，亦有人寫大叔父，有譯曾舅公。塔同大宅之間，原本有橋過，已經沖毁。大水發現地下有迷宮。由於有危險，夏子亞爺就封咗，叫眞人唔好行近。眞又喺樓梯口夢見亞媽求救，醒後望到亞爸勝一返來，同夏子好親密。

自傷

勝一話海軍失利，然而佢工廠就一舤風順，揸車送眞人返學。眞人受同學所妒，放學途中畀幾個同學打，打咗場交。之後眞人故意用石整到自己頭破血流，一邊話自跌親啫，亞爸好嬲向學校追究。瞓喺牀度，蒼鷺口開講人話，出聲扮亞媽求救，眞人趕佢扯，之後帶木刀出去，想打走蒼鷺。蒼鷺一衝過來，整斷木刀，反引誘佢去搭，問佢有無見過亞媽條屍，話亞媽重在生，搵得返。突然羣魚羣都識講，扮亞媽求救，爬上佢身。眞人差啲畀羣怪捉走，夏子射哨箭向蒼鷺，羣怪四散救返佢，眞人一時失去知覺。其他人並唔見羣怪，然而一掂木刀即散。老婦話大宅怪事多。

夏子失踪

老婦講夏子妊娠病，反覆想見眞人，眞人去探。見夏子牀邊弓就知眞有其事。見夏子時眞人好冷淡，皆因夏子同亞媽太似樣，一時觸景未敢認佢做亞媽。夏子覺得眞人受傷，對唔住家姐。後尾唔知一時心灰，定神祕所使，自己走入林，而眞人一眼見過。而眞亦拎走包煙仔。煙仔用來請亞伯教磨利刀。

哨箭一事，啟發佢自己造竹弓竹箭，佢執到蒼鷺羽做箭尾，支箭自己有意志咁，會追向想射之物。造箭時，推跌啲書，發現親母指名畀佢本書。亦即日本片題，吉野源三郎原作你哋點過嗰本，留書昭和十二年。佢睇完眼濕濕。夏子唔咗人，成家打鑼咁搵。

入塔

煙仔一事，令佢同工人霧子一齊，霧子年紀好大。眞人話見過夏子入林，霧子想拖住佢，唔想佢入。眞人直入林中，霧子千萬唔願都要跟過去。去到塔後門，蒼鷺一聲閘下，無路可退。蒼鷺帶佢入廳，中間有瞓咗佢亞媽。然而一掂化水就溶。眞人覺得蒼鷺侮辱佢亞媽，一箭射向蒼鷺，支箭追魂，射穿佢個嘴，現出蒼鷺人頭怪物，唔識飛，住喺裏頭，日文稱為鷺男，英文叫佢鳥人。高處有法師暗影現身，命鷺男帶眞人連同霧子入另一個世界，三人沉落地板。

下界

塘鵞

沉到底，一切化成海世界，望一處沙洲，有黃金閘。

塘鵞同霧子

眞人行向黃金閘，畀塘鵞襲擊，推向墓門嗰邊，畀後生女子用火鞭救咗。女子問眞人頭上傷痕，而女子亦顯示同樣傷，話捉魚整到。女子識操一帆艇，重識捉大魚。中途見掉艇影人，火美話做魚，幫啲唔能殺生嘅人。大魚帶到大廢船處，魚臟腑畀嘩啦嘩啦食，泡泡咁款嘅魂魄，魂魄為未出世生命，食夠營養，會飛升去人間投胎。眞人瞓咗喺檯底，畀公仔守護住。公仔貌似大宅工人。食飯時，眞人憑衣飾，推斷女子話佢霧子。

嘩啦嘩啦同火美

夜間眞人去廁所，見啲嘩啦嘩啦飛升，而塘鵞一擁捕食嘩啦嘩啦。突然少女現身，放火放到煙花咁，嚇走塘鵞，救咗嘩啦嘩啦。火力太猛，傷到嘩啦嘩啦，眞人喊停。知少女就叫火美。霧子話，無火美放火，嘩啦嘩啦會畀塘鵞食晒，眞人轉而感謝火美。

老塘鵞

朝早鷺男到咗。有隻老塘鵞受到火美放火而傷，臨死前講，佢哋畀人帶到呢個世界，根本無乜魚，海有詛咒，迫住捕食嘩啦嘩啦。一講完就死，眞人同鷺男合力埋葬塘鵞。

搵夏子同護身符

霧子和解咗二人間恩怨，要佢哋去搵夏子，送行時畀咗個老人霧子公仔，當做護身符。

現實人間同勝一等人

而喺人間，勝一同工人，一直搵緊失踪三人。動員工廠啲人都未搵到。老婦工人話當年，話塔本身明治維新之前，天降隕石，落地就無咗個大湖，塔正正嗰度。三十年後，經已埋沒樹林中間。嗰位夏子個亞媽個叔叔，就重新發現塔，對佢好癡迷。起道牆圍佢，工程意外不斷。有時會有人失踪，而久子亦失踪過一年，返來乜都無印象，但一切無礙，相樣同一年一樣。聽過之後，勝一帶齊大刀同架生，就去搭度搵。

彩鳳。戲入便上到唔同色。

眞人幫鷺男補窿

下界，鷺男同眞人行過樹林，向夏子行。途中眞人用木條，幫鷺男補返嗰嘴。等佢稍稍可飛返。

打鐵屋同彩鳳

越過林，就到打鐵屋外圍牆。要經過打鐵屋，先至可以。呢度經已畀大羣彩鳳鸚鵡佔據。彩鳳變猛禽，企到似人咁，好大隻，乜色都有，識煮食，連象都會食。鷺男引開彩鳳，等眞人可以走入去。之不過，眞人入到去，有隻粉紅話等咗佢好耐。成班彩鳳就送佢去刑臺，諗住劏開佢來食。眞人問佢哋有無食夏子，佢哋答夏子有孕唔能食。正要開刀，火美喺檯上噴火，彩鳳雞飛狗走，救咗眞人。火美火中現身，話夏子係佢亞妹。火美喺火入便拖住眞人到佢屋企。

火美屋企

火美屋企望出，見到同夏子大宅一樣座塔。火美話，座塔各個世界都有，同一座塔相通。火美請佢食果占麪包。眞人覺得同亞媽整一樣。眞人再話夏子唔係佢媽。

走廊同門

火美帶佢去塔，內裏隨處彩鳳，彩鳳王國咁。經過一走廊，左右全部門，通去唔同世界嘅門，各有編號。火美帶佢去返得到去現今道門，一百卅二號。為咗避開彩鳳，開門閂門，返到人間。無追兵，有得抖氣。一時間遇見勝一一棚人。勝一走去眞人度。火美話一放手，門就會消失，返唔返去。眞人要返去救夏子，一開門成班彩鳳沖咗出去，化回普通細隻彩鳳，而眞人同火美，就返去走廊，乜兵都無。勝一以為眞人變咗彩鳳。

見到夏子

夏子帶到佢產房外，布簾有法術抗拒佢哋。眞人執意要帶返夏子，入去產房。產房好似石室咁。眞人話要帶夏子返去。夏子想趕走眞人，一時紙人亂飛，然而眞人終於叫佢做媽，叫佢一齊返屋。夏子突然感動。火美用火燒走紙人，叫醒夏子，並向塔主稟願，眞人會做夏子個仔，而一齊離開塔。夏子想走，但一時法術火起，三人都暈咗。眞人同火美喺布外，畀班彩鳳捉咗。

大伯父問承繼

眞人醒時走過光門，見到法師。法師話眞人佢子孫。而眞人亦大伯父問佢係咪塔主。大伯父唔答，叫佢靜，敲動好似積木咁積石，積石要無惡意，但充滿重量。個世界靠日日平衡積石維持，要小心翼翼。又話石代表人種種情感同責，一但失衡，世界崩潰。大伯父話世界祇捱到一日，帶佢去到大浮石。話自己年老衰弱，想將呢個世界交畀佢，成為塔主。由於浮石同法師約定，得佢血脈先可以承繼，世界好定壞都睇眞人。眞人睇穿積石實情墓石，有邪氣，大伯父為話因為咁睇上佢。

鷺男救眞人

或者係夢，眞人又醒，經已畀彩鳳鎖起吊住，鎖喺廚房，要成為下一道菜。彩鳳磨刀霍霍。情急之下鷺男扮彩鳳而來，救咗眞人。

彩鳳王以火美談判

出外見到火美，不醒人事，畀鸚彩鳳住走。眞人鷺男想救火美，望到彩鳳王出場，好似獨裁者咁。眞人火美入產房而犯禁，彩鳳王想借火美人身，同塔主談判，想掌握呢個世界，上咗塔。

眞人鷺男千辛萬苦，爬外牆入塔，木梯追近彩鳳王。彩鳳王斷絕一切木梯，兩個上唔到反而跌落來。彩鳳王到亭，同法師談判。法師想眞人做繼承人，叫彩鳳王等多陣。彩鳳王走遠，話世界由佢哋自己保護。法師同火美話，想佢同眞人都返返去。

見大伯父

眞人鷺男爬出瓦礫，見光門，又走到塔頂。彩鳳王見佢哋，又偷偷跟住。眞人話，火美喚緊佢。二人重聚，火美話大伯父等緊佢。途中坡上，火美叫眞人唔好執地上積石，話可能留有法力。

見到法師大伯父。大伯父話佢搵晒所有世界，搵到呢啲未受邪氣積石。三日積一塊，可以畀佢造出無邪世界。大伯父話有佢血脈子孫，無惡意，先至可以做到。眞人坦白佢自傷而有痕，話佢自己都有惡意，因而唔能摸啲積石。佢會同夏子返去。大伯父話佢要返去原本黐綫敗壞，要變火海世界咩。眞人話佢有唔少親人同朋友。大伯父話，時間無多，唔能維持佢自己座塔，眞人返去前，要速速砌好積石。

下界崩要走難

彩鳳王聽到自己命運竟然附託積石，嬲嬲地搶前，搶咗啲積石來砌，但砌唔穩，要冧之時，佢揮刀亂斬。

大伯父座塔時間到，大浮石粉碎，下界要冧。大伯父臨尾，叫眞人火美返到自己時代。洪水氾濫，眞人、火美、鷺男走得甩，而後生霧子帶住夏子。去到走廊，火美話佢係眞人生母，要返自己年代。眞人唔想火美第日燒死。火美話佢自己唔怕火，亦好自豪未來生咗眞人。火美祝福夏子順產。火美同後生霧子開一道門，離開座塔。眞人、夏子同鷺男開一百卅二號門，連同大羣彩鳳走。隨後大宅座崩潰，塘鵞逃出，化成瓦礫。所有雀仔回從原狀。

人間

鷺男見眞人重記得一切，眞人話留咗粒積木喺袋，皆因佢喺見大伯父途中執過一塊。鷺男話法力太弱，至終會乜印象都無。蒼鷺還原話別就唔見咗。而個護身符公仔，褲袋度跳出，變返老婦霧子。彩鳳王亦還原。

細佬出世同返東京

日本打完仗，眞人有個細佬。戰後兩年，細佬出世變到企得到。眞人同勝一、夏子，同埋細佬搬返東京住。眞人執好嘢，喺屋內大門前成家會合。

片尾無好似一般咁寫話完咗。

場景

場景設定喺鷺沼站一帶。日本真係有鷺沼，喺神奈川縣川崎市宮前區。但實際參照鹿沼，宮崎駿一家戰時避難地方，喺栃木縣。

樹林隧道，同龍貓一幕好似。

塔後門栱有拉丁文，Fecemi la divina potestate，意思由神聖權能創造出來。出自但丁神曲地獄編，編中寫喺地獄之門上便。同塔生死相交主題呼應。

下界黃金門上寫住古式日文ワレヲ学ブ者ハ死ス，現今日文寫做われを学ぶものは死す，意思學我者死。齊白石都有類似語句。似我者生，象我者死。

彩鳳王用獨裁者姿態登場，下面羣彩鳳舉牌，寫有DUCH。DUCH同墨索里尼個稱號Duce好似，大概影射佢。Duce意文意思指導者。

戲中人物

牧眞人，姓牧名眞人，本作主角，十一歲仔，讀小學六年級仔，太平洋戰爭第三年，火災喪母，之後嗰年，跟亞爸一齊疏散到亞媽同後母娘家大宅。

喪母而沉默寡言，對本為亞姨繼而後母嘅夏子，無打開心扉，純粹睇成亞爸中意嘅人，無當佢亞媽。之不過，夏子失蹤而入塔，佢為咗搵夏子落下界，旅途慢慢成長，認夏子做亞媽。

轉校之後同同學打交，自己故意用石頭打額右，留低一道深傷痕。眞人形容做惡意之印。

蒼鷺兼化身鷺男，起初眞對佢有敵意，覺佢神秘又危險。眞人自己整箭，裝上蒼鷺羽毛，一箭射中佢個嘴，成功擊敗蒼鷺。但喺下界，兩人一齊搵夏子，同蒼鷺慢慢有咗友情，至終後認定做朋友。

蒼鷺，同埋佢化身鷺男，住喺大宅周圍，眞人疏散後入住大宅，屋企人叫佢做偷窺嘅蒼鷺。識講人話，控制一大班蛙同魚，行為明顯唔係普通雀。佢羽毛帶有神秘力量。

平時，佢會以蒼鷺個樣監視眞人，佢真身光頭佬，鼻好似鳥嘴咁長。佢鳥嘴一穿窿，就唔識飛。塞仔塞返個窿，會恢復外貌同能力，但個塞一定要由打窿人塞返先得。眞人用佢羽毛整箭，射穿佢個嘴之後，佢變返人樣，飛可以飛，但飛得差好多，勉強可以托住眞人一齊飛。

對自己甩咗羽毛重有感覺。若果眞人撕爛羽毛，佢會痛。

原本下界主人使者，即大伯父使者。初初現喺眞人前，呃佢話亞媽在生。，想引佢入下界。然而眞人用羽箭射穿咗嘴，變返真身。有大伯父命令，兼有後生霧子建議，佢開始幫手搵夏子。旅程中，佢同眞人漸漸建立咗友誼。

下界崩，佢同眞人、夏子一齊經同一道門走。臨走前，佢話畀眞人知，眞人會唔記得呢個世界發生過一切，然後講再見啦朋友。飛走咗，消失喺記憶某處。

牧久子，夫姓牧名久子，眞人親媽。醫院火災不幸去世。細個嗰陣曾經喺塔入面失蹤，過咗一年之後，外貌舉止，同失蹤前一模一樣咁返來。

生前留低咗本你哋點過嘅書，留畀眞人大個睇。

火美，牧久子後生時。本作女主角，着紅衫、操得火法術。下界深處，佢法力變弱，用唔到火。力量充足時，借火瞬移其他地方，放煙花趕走塘鵝。佢請眞人食搽牛油果占包。真身眞人亞媽久子，年幼時誤闖下界。下界崩潰時，同亞妹夏子講希望佢生個健康臊丫仔，隨即返回原本世界，即失蹤嗰年後時代。

霧子，大宅工人，七老婦之一。好鍾意食煙仔。阻止過眞人去塔，唔希望佢遇險，結果同眞人一齊入咗塔，捲入下界之中失蹤。眞人返返原本世界，眞人褲袋入面嗰個老婦霧子護身符，變返老婦本人。

後生霧子，眞人下界喺初初遇到嘅女子，漁民，性格豪爽，好似男子咁。佢著住牛衫，老婦霧子花紋一樣。會操單帆細捉魚，魚送畀住下界無法殺生啲居民，魚內臟送畀嘩啦嘩啦食。

佢送咗老婦霧子公仔，畀眞人當做強力護身符。最尾，佢同火美用同一道門返去原來世界。戲中暗示佢其實霧子後生時，同火美即久子一齊失踪。

牧夏子，夫姓牧名夏子。眞人亞爸續絃，原配久子即火美亞妹。樣同家姐久子幾乎一模一樣。眞人來講，佢叫亞姨，同時亦係後母。佢同眞人見面時候經已有娠己。

努力想成為眞人亞媽，但眞人始終唔願打開心扉，非常煩惱。再加上身孕有間妊娠不適，精神狀態好差，至終受到某種力量吸引，走入下界。

下界度，喺產房瞓着，眞人搵到佢再相遇。一開始對眞人大嗌好憎佢，想趕走佢。一聽到眞人叫佢做亞媽，神情慢慢平伏。

之後佢哋兩個，一齊大量紙條襲擊，多得火美啲火，先至逃過一劫。

最後，佢同眞人一齊經由同一道門，返去原來世界，順利生咗眞人個細佬。個佬無提到名。

牧勝一，姓牧名勝一，眞人亞爸，經營軍需工廠。非常關心自己個仔，有時會過於保護，一聽到眞人喺學校好似畀人恰，就話想幫佢報仇。見到一大班鸚鵡襲擊眞人，就衝上前幫佢擋。反映佢過份緊張個仔。

有時做啲有權威感舉動，揸架達新車送仔返學，幫眞人學校鋪路，捐咗三百 日圓畀學校，今值七十八萬日圓。

疏散出到妻鄉下，提過塞班島失陷。

眞人同夏子等人失踪，佢帶住把日本刀直衝去塔。佢之前根本唔知有塔，直到問過幾位婆婆，先開始半信半疑，當怪談咁聽。眞人同火美用上下界通門，要擊退彩鳳時，曾一瞬見到眞人，見到大羣彩鳳飛走，誤以為眞人變咗彩鳳。

愛子，大宅老婦七工人之一。

泉，大宅老婦七工人之一。

歌子，大宅老婦七工人之一。

惠理子，大宅老婦七工人之一。

嘩啦嘩啦，一班產前靈魂。白色圓轆轆，眼細細，嘴細細，手腳短短。成熟時，身脹大飛上天。不過，要飛升，就要有魚內臟提供營養。

飛上去之後，就會去上界投胎為人。遇天敵塘鵝，無法抵抗，畀佢哋吞咗落肚。

彩鳳王，同其他彩鳳唔同，著紅衫為 主，頭戴冠，有鬍鬚。佢抬火美去搵大伯父，為免眞人等人追近，斬斷木梯。

稱呼世界主人大伯父做閣下，表示尊敬。佢一知道大伯父竟然將世界，即佢自己帝國，命運交畀積木決定時候就好嬲。自信可以掌握世界命運，嘗試砌積木，或積石。亂咁砌，積木跌落，一怒連連張檯都斬爛，下界祇能崩潰。

最後，同眞人、夏子一齊，同一道門走返上界，變返原本彩鳳咁。

彩鳳，一班雀，有成人咁大隻。大伯父帶過來普通彩鳳，佢哋適應咗下界，繁殖起來。兩腳行路，好似人咁，會用刀同菜刀，曉磨菜刀。好食人肉，要捉眞人煮佢來食，至終失敗。鷺男話佢哋雜食，象都食，好貪食。

下界崩潰，佢哋同眞人、夏子一齊由同一道門返上界，全部失去下界智慧同記憶，變返普通彩凰。

老塘鵞，食緊嘩啦嘩啦塘鵞之一。覓食嗰陣，畀火美放煙花燒傷，成身焦爛，受咗重傷。跌喺霧子屋企個花園度，臨死之前，話眞人知，佢哋如果唔食嘩啦嘩啦就死，命運無奈。然後佢死咗，眞人認真安葬佢。

塘鵞，成班住喺下界大雀，嘩啦嘩啦飛升之時，以佢哋為食。好似彩鳳咁，由大伯父帶入下界，老塘鵞暗示咗。

下界崩壞，佢哋同眞人同夏子一樣，由同一度門走返上界。好似彩鳳一樣，上界度會無咗下界記憶同智慧，變返普通塘鵞。

大伯父，久子夏子個亞媽個叔叔。好聰明、思考敏銳，有人話佢睇書睇到黐綫。喺隕石墜落處起咗座塔，而人有一日無影無失踪。

實情佢同大浮石簽咗約，創造下界，被稱為殿下，長期留守下界。佢希望交下界自己血統子孫，繼承兼維持，派蒼鷺上上界，引眞人來佢度。

打算將無惡意十三塊積木畀眞人，不過眞人拒絕，揀返去上界，同火美同夏子一齊生活。大伯父同意眞人決定。不過，之後積木畀鸚鵡大王破壞咗，導致下界崩潰，大伯父亦揀咗同呢個世界一齊消失。

製作

鈴木敏夫

二〇一三年九月，風起了上畫之後，宮崎駿威尼斯影展舉行記者會，宣佈動畫長片創作退休，當時話「我知道我以前講過好多次要退休，可能大家又會諗，又來喇，但今次我好認真。」社長星野康二都話佢至尾作品。

不過，二〇一八年，完成短片毛毛蟲波羅之後，改變主意，決定復出，再執導一部動畫長片。呢個決定，亦見諸二〇一六年紀錄片，宮崎駿，永不完結人生。

二〇一六年七月開始畫分鏡，下個月提交項目計劃書。當中提到愛爾蘭作家莊亢諾利寫本兒童小說，失落之書，呢本書，勾劃出作品鬆散框架。而細個時至中意推理小說，江戶川亂步本幽靈塔，就啟發套戲個神秘塔。

見佢咁認真，又親自畫咗大量分鏡，製片人鈴木敏夫至終批咗。二〇一七年二月，鈴木公開講新作。同年五月十九號，公司網站出通告，招募人手，展開製作。

宮崎駿一復出，工作室活躍起來，重搵返以前啲拍檔一齊造。十月，早稻田大學活動上，正式宣布部戲叫你哋點過？，名取自一九三七吉野源三郎小說。

當時未決定幾時上畫。之不過，宮崎駿希望喺二〇二〇年東京奧運左近上映。鈴木敏夫又話，宮崎駿拍呢齣戲送畀孫仔，爺爺就快要去另一個世界，會留部電影畀佢

二〇一八年八月，鈴木敏夫預計二〇二一年或者二二年完成。二〇一九年十月底，完成咗一成半。十二月，日本放送協會訪問鈴木，講明唔好期望部戲咁快出。宮崎駿後生，一個月畫到十分鐘動畫，但而家慢好多，畫出一分鐘。

鈴木重話，宮崎駿唔會真正退休，一旦冇嘢做，佢會好痛苦。大家都話新戲可能係宮崎駿最後一部作品，但鈴木唔信，認為宮崎駿重在生，佢會繼續拍戲。

同以前唔同，今次宮崎駿冇親自監督每格畫面，而專注做分鏡圖、整好全片藍圖。動畫導演本田雄負責整體動畫製作。

二〇二〇年三月，鈴木話部戲要大量時間、資金，公司決定透過將舊片放上串流平臺來籌錢。宮崎駿唔用電腦，亦唔用智能手機，對網上串流平台完全唔熟，所以鈴木親自說服佢接受呢個計劃，等部戲順利製作。尤其項目本身同過去啲片好唔同。

二〇二〇年五月，娛樂周刊訪問，鈴木敏夫叫佢做大片，好富幻想套戲。又話有六十位動畫師參與製作，三年完成咗卅六分鐘左右。重用緊手繪全部鏡頭，然而一秒格數多咗，進度慢咗。希望三年內完成。

十二月，鈴木話制作無限期，好似以輝夜姬物語咁，部戲整咗八年。重話動畫做咗一半，疫情都無停，預計片長一百廿五分鐘。又話，宮崎駿起初想改編戴安娜韋吾鍾士小說艾雅與魔女，至終由佢個仔宮崎吾朗，同埋星野康二、中島清文負責導演。宮崎吾朗亦做蒼鷺與少年聯合製片人。攝影指導奧井敦製作艾雅與魔女時，向宮崎駿提出用杜比戲院技術，宮崎駿同意。奧井鍾意呢個技術，畫面光就保持銳利，暗唔會變到過黑。

二〇二一年十月，《T》雜誌訪問宮崎駿。佢話之所以拍呢部戲，皆因佢本身未答到你哋點樣過呢條問題。製片人形容做計劃奇幻而有野心。

二〇二二年十月，星野喺記者會講，有疫情整體製作都算順利，電影就近完成。冇具體講幾時上劃，但補充講，的確係宮崎駿最後一部電影。

十二月，木村拓哉暗示有參與呢部新戲。佢曾經配過哈爾移動城堡中哈爾。

鈴木認為套片，日本電影史上成本最高。歷時七年左近，兩年半用喺前期籌備，五年用喺正式製作。

二〇二三年六月，鈴木澄清，片同原著小說之間，冇直接關係，純粹借估書名做靈感。

主題

蒼鷺與少年，既屬創作，亦挾帶宮崎駿自傳。男主角牧眞人，反映出佢童年。

好似戲入面咁，眞人亞爸負責戰鬥機零件工廠，宮崎駿亞爸都差唔多。而且，宮崎一家，打仗時都由城市疏散去鄉下，同電影設定一樣。

開場醫院火災，形同宮崎駿童年喪母。宮崎亞媽意志堅定、觀點鮮明，宮崎駿塑造女腳色靈感來源。眞人同亞媽情感，就好似宮崎駿對自己媽媽一樣，愛得深厚。

英國廣播公司話佢成長故事，細蚊仔要克服自私、為他人而活。

鈴木敏夫講過，二〇一六年宮崎駿提出呢齣電影之時，就講明照自己經歷同人際關係而造。同埋都幾驚訝，宮崎一向避開太過私人主題。宮崎本人化成眞人。而兩位老拍檔工作關係，高畑勳化成大伯父，鈴木就化成蒼鷺，再揉合毀滅、重建、想像力呢啲主題。二〇一八年高畑勳去世，宮崎駿修訂劇本。原本聚焦於外公角色，轉為著重人眞人同蒼鷺關係。鈴木睇到，宮崎挑選故仔，深深受自佢同自己之間共同記憶。

吉野太一郎，即吉野源三郎個孫，直講佢搞唔清傳遞咩訊息。二〇一七年，佢出席個會，喺知步里工作室處寫字樓，宮崎駿有講解製作意圖，回顧埋佢自己以往作品，當中多數男主角，開朗兼樂觀。不過，佢諗現實啲男仔，查實複雜得多。所以今次主角，有內心矛盾，有內心不安，要克服困難有轉化力量。

吉野太一郎雖然強調蒼鷺與少年，同你哋點過，屬兩部唔同作品，但亦指出，兩者有共通主軸，世界混亂同失落，人點摸索出條路。

用自己雙手創造無衝突世界，套戲就想傳達呢樣嘢。日本時報報導，宮崎駿對細蚊仔寄予厚望，做得好過前幾代。日文原題所示，要重蹈日本打仗立立亂，定另闢更好條路。顯現出持續而樂觀，即宮崎駿想像力至大見證。

荷李活記者本雜誌指出，戲保留咗原著精神成長元素。套戲任觀眾有種種解讀，要旨都係有衝突同悲傷時要堅強，培養友誼真誠，聯合可靠，至終推動人間進步，為世界養出人性同理解。

小眾電報分析話，宮崎駿以往主題種種層次以及情感，套片將佢哋融為一體。就算有啲可愛角色好嘩啦嘩啦，然而整體語調，同常見兒童動畫有別，風格更接近幽靈公主，有暴力，有衝突，唔係龍貓咁溫馨可愛。

羅拔意伯有評論斷言，敍述都圍繞住接受、救贖，同埋創造力。主題清楚貫通宮崎駿後時生靈感來源，同佢四十年來心願，啟發他人。套戲深入探討同對照生與死，童年同臨終，可腑互相映照。

正如未見日本強調，電影主題講及世界滿有暴力同不定，令觀眾諗下自己喺入面角色，對後代所負責任，同埋同祖先之間個聯繫。

呢種觀點，其他媒體都有類似。宮崎駿反覆探索死亡，大大失落之後種種，帶出日日選擇幾重要，劃出自身發現過程，人生浮沉不定中搵出意義。

原著小說集中講少年男仔道德成長，套戲就唔同。戲結構開放，傳遞唔同道德信息，但重心放喺熱情呼喚，老宗師，即大伯父，發向後代，提醒佢哋，時間飛逝，要急急做好要做嘅事。

日經亞洲來講，戲中情感推動力在於渴望要媽媽。呢份情感推動故事，時而涉入冒險，遇奇幻生物。眞人亞爸續絃娶咗久子個妹，段情節意味潛意識，弗洛伊德式潛意識，相當明顯。宮崎駿用細路仔睇嘢來講故事，間中有性暗示元素，好似眞人同啲蛙相遇，畫面一閃即逝，發緊夢咁。宮崎駿今次細節冇咁豐富，重點放喺眞人有任務要救亞媽同後母，反映宮崎駿一貫對值得個主題。

動畫地平綫就形容眞人有共鳴，有鼓舞，呢啲特質展現佢堅毅又脆弱，成長而蛻變。

兀鷲網站指出，套戲故事嚴肅、主題多元，然而會特登添啲場面搞，好似雀屎咁，輕鬆一下。一貫強調日常本來就有亂有自然，相對於片中大日本帝國有序壓抑。

配樂

試聽大碟

久石讓

配樂交畀宮崎駿長年拍檔久石讓，既作曲，兼指揮。宮崎駿完全唔加指示。久石讓完全回到佢喜好嗰種極簡音樂，亦經常留白，日文稱之為間。當中亦參照咗名曲鏡中鏡。原聲大碟有曲卅七，德間日本傳播喺二〇二三年八月九號，喺日本發行。

主題曲地球儀，由米津玄師作同唱，國際版本標題變成旋轉地球。二〇一八年，佢初次造訪工作室，成為同宮崎駿合作契機，為二〇二〇年東京奧運作歌辣椒粉，就促成合作。支歌引起宮崎駿注意。工作室附設嘅幼稚園，鈴木敏夫見到宮崎駿喺度同細蚊仔一齊唱支歌。宮崎駿聽過米津玄師提供試聽版本，決定採用佢創作主題曲。米津玄師睇過分鏡圖，又瞭解咗項目詳情之後，展開五年創作歷程，同宮崎，同鈴木一齊反覆打磨，至終譜好成支曲。

發行

二〇二二年十二月十三號，東寶宣佈佢喺日本戲院上映，首日喺二〇二三年七月十四號。上映方式獨特，無傳統推廣手法，無預告片，無劇照。齋一張海報，冇任何宣傳資料。個決定由製片人鈴木敏夫提出，一來避免過早透露內容，二來今下觀眾，更鍾意神秘感，體驗更佳。

有乜人配音，有乜工作人員，正式上映前一蓋保密。連試映場保密都好嚴格。二〇二三年二月底內部試映會後，片尾字幕之後，播出宮崎駿留言。咁講，「可能你唔明。我自己亦唔明。」

六月廿九號，金曜路演開幕日，同知步里展覽東京二〇二三期間，鈴木敏夫公開講，宮崎駿見電影冇宣傳而擔心，不過鈴木相信作品，呢種做法最好。