蓮花宮

大坑蓮花宮

蓮花宮（又叫 大坑蓮花宮）係香港一間觀音廟宇，喺香港島大坑蓮花宮西街，喺1981年列為一級歷史建築，2010年5月17號確定評級，2014年10月24號被評為香港法定古蹟。

史

蓮花宮喺清朝道光二十六年（1846年）起，並喺同治二年（1863年）重起成為而家嘅外貌。蓮花宮原本係曾氏家族嘅私人產業。1960年代因為管理唔好，一度成為區內嘅罪案據點。直到1975年，廟宇先交畀華人廟宇委員會打理，並喺1986年進行修葺。

蓮花宮嘅起成相傳係觀音大士曾經喺呢度顯靈，祝福當地嘅鄉郊漁民，而且觀音大士亦係坐喺蓮花上面下凡，所以嗰度嘅村民起咗一間廟嚟供奉觀音大士，祈求保佑出海做嘢平安豐收，喺傳說中，觀音貴為大慈大悲嘅菩薩，係「南海嘅守護神」，所以凡係出海打魚嘅漁民，都會將信仰寄託喺觀音同保佑生活安定之上。從歷史考究嚟講，蓮花宮嘅源起可追溯到廟裏面嘅一個銅鐘，呢個銅鐘係一個清朝官吏鄧貴清送嘅，詳盡冇考證起廟年份，以目前嘅考究顯示出最早嘅蓮花宮起源。

建築

蓮花宮嘅建築設計，結合咗傳統中國建築特色同香港本地文化，佢嘅裝飾設計甚富有中國建築風格。特別嘅係，蓮花宮嘅前半部起喺一個平台上面，用10至12呎高嘅支柱支撐。後半部就喺一塊巨石嘅上面，部份被廟裏面嘅外牆遮住。

蓮花宮嘅天花刻住用龍做主題嘅壁畫，相信同大坑舞火龍有關。另一方面，蓮花宮裏面燃點咗幾百枝蓮花燈，用以切合廟宇個名。

節慶

農曆2月19號、6月19號、9月19號、觀音誕

相

• 
  1870年代嘅大坑蓮花宮
• 
  大坑蓮花宮嘅主殿
• 
  蓮花宮裏面供奉嘅觀音大士
• 
  蓮花宮重修落成碑記
• 
  喺蓮花宮東面後方嘅蓮花宮公園

參考書

• 《入廟拜神/遊走香港廟宇》尹國棟著、知出版有限公司出版、ISBN 978-962-8983-46-9

出面網頁

• 華人廟宇委員會: 大坑 蓮花宮 (蓮花街)