蔣中正家族

出自維基百科,自由嘅百科全書
跳去導覽 跳去搵嘢
蔣中正夫婦同兩個仔經國緯國
蔣經國全家福(當中並冇私生仔蔣孝嚴同章孝慈)

蔣中正家族係以「兩蔣」(蔣中正蔣經國)為核心,家族成員遍佈全世界各地,橫跨黨、政、軍、商、學、演、藝等各界,家族後代成員好多都係混血兒。以兩蔣為軸心嘅「嫡系」,係近現代華人最大嘅家族政治力量[1]。蔣氏家族對近現代史影響巨大,包括反袁世凱、國民革命軍東征、國民革命軍北伐統一中國、中國抗日戰爭國共內戰、東西方冷戰、臺灣戒嚴時期海峽兩岸關係等事件都同蔣家有好直接嘅關係。

蔣家對中國政治嘅影響,係響蔣中正喺1914年出任討袁第一路軍司令開始,佢響1924年升做陸軍軍官學校校長,掌握中國國民黨軍權,以黨領軍,1926年成為國民革命軍總司令,領軍北伐,1927年喺南京成立國民政府,經過中國抗日戰爭同埋國共內戰,1949年領導中華民國政府搬去臺灣地區,死之前一直執掌坐中國國民黨總裁同埋中華民國總統職權。之後蔣經國又做中華民國總統到1988年。而孫仔蔣孝嚴做過外交部部長、曾孫蔣萬安響2016年當選做中華民國第9屆立法委員[2](最近連任成功[3])。

蔣家祖籍浙江省奉化縣溪口鎮,世世代代都係賣,但本身係個唔係幾出名嘅賣鹽家族。但係由蔣肇聰接手家業之後開始飛黃騰達,變成一個又出名、又有錢、重幾有勢力嘅家族,後嚟仲出咗蔣中正蔣經國等出名嘅政治人物,令到蔣家變到好輝煌。雖然依家已經冇以前咁犀利,但係蔣家響人心目中都依然係以前嗰個出名、好有勢力嘅家族。

另外,蔣中正家族同宋嘉澍家族孫中山家族關係密切。

家族歷代成員[編輯]

註:蔣孝嚴章孝慈係經國私生仔,但身份存疑

參考[編輯]

  1. 陈荣华、何友良. "蒋介石嫡系部队的建立由来". 中国黄埔军校网. 喺2014-02-28搵到.
  2. "蒋介石曾孙蒋万安赢得立委选战 续蒋家政治香火(图)". 凤凰资讯. 2016-01-17.
  3. "【台灣大選】雙帥對決蔣氏後人蔣萬安當選立委 吳怡農流淚謝票 (23:40) - 20200111 - 兩岸". 明報新聞網 - 即時新聞 instant news (中文). 喺2020-05-21搵到.